وەفاداران بە ڕەحمەت بن
وەفاداران بە ڕەحمەت بن دەنا
بێ وەفایان بە نەحلەت بن
ئەرێ دوێنێ نیشانەت بۆ ناردم
دوێنێ نیشانەت بۆ ناردم دەنا
شەوێ دی سوێندت بۆ خواردم
ئەرێ بەو حاڵەش هەر لێت دڵساردم
بەو حاڵەش هەر لێت دڵساردم
هاوار چ بکەم چیت لەگەڵ کردم
بە قسەی خەڵکیت لەگەڵ کردم

کراسی زەردی لە بەردایە
کراسی زەردی لە بەردایە
جیرانی میرزا بابایە

ئەرێ ڕەنجەڕۆ خۆم یار تۆراوە
ڕەنجەڕۆ خۆم یار تۆراوە
ئەی خانم خانم خانمۆڵێ
لە خڕێت ماچ کەم یان لە دۆڵێ

ئەی خانم خانم خانمۆڵێ
چاوجوانی هەوری لە کۆڵێ
پەریزادەی سەروین لەسەر
شازادەکەی نەرم و نۆڵێ

ئەمشەو مانگی ڕووت خەرمانە
شەوی دڵداری و جێژوانە
ئەمشەو مانگی ڕووت خەرمانە
شەوی دڵداری و جێژوانە
دڵم مەیلی لە سووتانە
بە شەمعت بم یان پەروانە

ئەڕۆی شەو پڕ دەکەی لە ناز
مەستمان دەکەی بە چاوی باز
هاتووی بۆ ڕاوی نێچیران
لە ڕووی دڵداران دەگری گاز

ئەمشەو کاروانی ڕێی دوورم
باخەوانی گوڵی سوورم
چاوەڕیی دیداری مانگم
هەر بۆ تۆیە دەر و ژوورم

هەی خانم خانم خانمۆڵێ
چاوجوانی هەوری لە کۆڵێ
پەریزادەی سەروین لەسەر
شازادەکەی نەرم و نۆڵێ

کە دێی ڕێگا مەستی تۆیە
ئاوەنگی شەو هەستی تۆیە
گوڵ بۆنی خۆشی تۆ دەگرێ
دڵ زامداری دەستی تۆیە

ئەرێ کراسی زەردی لەبەردایە
کراسی زەردی لەبەردایە
ئەی جیرانی بابا میرزایە
دەنا بۆ لێم ناکەی مەرحەبایە
بۆ لێم ناکەی مەرحەبایە

ئەرێ *؟؟؟ دەڵێی پۆڕە
گوارەی زێڕی بە گوێی شۆڕە
مەردی خودا بە دڵ مەگۆڕە
مەردی خودا بە دڵ مەگۆڕە

ئای خانم خانم خانمەکە
دەرکی دەروازەم لێ وەکە
بە قسەی خەڵکم دەگەڵ مەکە
بریندارم دەرمانم کە

ئەی شەرابی دەستی فاتمە
بۆم بکە لە شووشە یان *؟؟؟
ژەحری مار بێ دەیخۆم وەک ئاو
زەهری مار بێ دەیخۆم وەک ئاو

کراسی زەردی لەبەردایە
ئەی جیرانی بابا میرزایە
بۆ لێم ناکەی مەرحەبایە
بۆ لێم ناکەی مەرحەبایە

کەس نازانێ بۆ بێ ڕەنگم
کەس نازانێ بۆ بێ ڕەنگم
گیرۆدەی دەستی پەڕەنگم
ئەی بەجێ ماوە شۆخ و شەنگم
بەجێ ماوە شۆخ و شەنگم

ئەرێ وەی خانم خانم خانمۆڵێ
ئەی خانم خانم خانمۆڵێ
لە خڕێت گەمێ یان لە دۆڵێ
ئەرێ تێر ماچ کەم نێوان مەمکۆڵێ
بۆچی دەڕوا بەجێم دێڵێ

کەس نازانێ بە کێ دەڵێم
عاشقی شەمامەی باغەڵێم
سوێندیان داوم ڕاستی نەڵێم
سوێندیان داوم ڕاستی نەڵێم

ئەی خانم خانم خانمەکە
قەت لەسەر پەیژەی بان مەکە
بە قسەی خەڵکیم لەگەڵ مەکە
بریندارم دەرمانم کە

ئەرێ وەی شەماڵ وەرە یار نووستووە
شەماڵ وەرە یار نووستووە
زولفی پەرێشان کردووە
ئەی بە چاوان ئەمنی کوشتووە
بە چاوان ئەمنی کوشتووە

ئای باغی گوڵانم پێ بسپێرە
غونچە بە غونچە بیبژێرە
یەکیان کەم بێ دەڕۆم لێرە
یەکیان کەم بێ دەڕۆم لێرە

ئای خانم خانم خانمانە
چەندە شیکە میهرەبانە
لەگەڵ یاری من جیرانە
لەگەڵ یاری من جیرانە

ئەرێ وەی غەمی عالەم بۆ من چاکە
غەمی عالەم بۆ من چاکە
یەخەی خۆم دەدڕم سەرپاکە
چونکە خانمە دەڵێ کاکە
چونکە خانمە دەڵێ کاکە

ئەی خانم خانم خانمۆڵێ
ئەی خانم خانم خانمۆڵێ
لە خڕێت گەمێ یان لە دۆڵێ
تێر ماچ کەم نێوان مەمکۆڵێ