نە خودا دەمداتێ مەرگێک بە هاسان
نە دڵ لە لای تۆ دەبێ هەراسان
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

بۆ خۆم بە خۆم کرد سەنگبارانم کەن
وێڵ و ئاوارەی نێو خاڵانم کەن
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

مانگی یەک شەو بۆیە دایم زیاد دەکا و ئەکشێتەوە
تا جوان ڕوویی خۆی وەکوو ڕووی تۆ بڕازێنێتەوە

کفنەکەم ببڕن بە مەودای مەقەست
شەرت بێ مەیلەکەت بەر نەدەم لە دەست
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

مانگی یەک شەو بۆیە دایم زیاد دەکا و ئەکشێتەوە
تا جوان ڕوویی خۆی وەکوو ڕووی تۆ بڕازێنێتەوە
تا دەگاتە چاردەمین شەو تێدەگا ناگا بە تۆ
جا لە داخا وردە وردە کەم ئەکا و ئەتوێتەوە

جا چۆن شێت نەبم نەدەم بە خۆمدا
چۆن خاکی عالەم نەکەم بە سەردا
حەیفە بۆ من و تۆ دەستمان لێک بڕا
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

تەئسیری باڵات شەوان مەشقمە
سەد مەجنوون شاگرد سەودای عیشقمە
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

مانگی یەک شەو بۆیە دایم زیاد ئەکا و ئەکشێتەوە
تا جوان ڕوویی خۆی وەکوو ڕووی تۆ بڕازێنێتەوە
تا دەگاتە چاردەمین شەو تێدەگا ناگا بە تۆ
جا لە داخا وردە وردە کەم ئەکا و ئەتوێتەوە

ساڵەکەی ئەوساڵ بە زەهری مار بێ
هەمووی بە قوربان ڕۆژێکی پار بێ
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە

چاوت ئەستێرە ڕوو لە کۆ دەکا
ئەو دڵەم وەسوەسەی باڵای تۆ دەکا
ئەرێ وەرە شەماڵ وەرە
دەردی دڵەکەم بۆ یار بەرە
لە دەردی دڵەکەم یار بێخەبەرە