من بریندارم بۆ چاوی کاڵت
سووتاوە جەرگم بۆ لێوی ئاڵت بۆ لێوی ئاڵت
دە وەرە وەرە
کیژێکی کوردم سەربەست خوڵقاوم
بە داوی گەردوون گیرۆدە ماوم گیرۆدە ماوم
دە وەرە وەرە
با بێ دانیشین لەبن داری بەی
جامێک بنۆشین لەخۆشاوی مەی لەخۆشاوی مەی
دە وەرە وەرە
من بریندارم بۆ چاوی کاڵت
سووتاوە جەرگم بۆ لێوی ئاڵت بۆ لێوی ئاڵت
دە وەرە وەرە
بێ دابنیشین دیدە پڕ ئەسرین
تۆ بۆ خۆت بگری منیش بۆ شیرین منیش بۆ شیرین
دە وەرە وەرە
(ئاخ) تۆم چرام نەوتی (دەی دەی) من ئاگر بە دەست
تا ئاوڕم داوە (گیانە) گڕ بڵێسەی بەست
ئۆی خاڵی ڕێبوار (گیانە) بە ڕێبوارت بم
لەمووچەی بەردێ (دەی دەی) نیوەکارت بم
سەران چوون ھەوری (دەی دەی) پاوەن وە پاوە
خۆ تۆ بەھەشت نی (گیانە) بە ڕووی دنیاوە
ئۆی خاڵی ڕێبوار (گیانە) بە ڕێبوارت بم
لەمووچەی بەردێ (دەی دەی) نیوەکارت بم

قەتارە

تا کەی وەک مەجنوون وێڵی هەردان بم

تا کەی غەمزەدەی باری هیجران بم

باخەی دەستەگوڵ زاری و دڵگیریم

پەی پەی زیاد کرد پەژارەی پیریم

کوورەی دەروونم بەتاو جۆشی گرت

فرمێسکی چاوم زوو خامۆشی کرد

سەیرم مەحاڵەن سەفام بەتاڵەن

بۆ دووری یارێ ئەسـرینم ئاڵەن

من لە خێڵخانەی میحنەت پاماڵم

دەخیل بۆ دۆستێ پرسێ ئەحواڵم

تا کەی چاوەڕێی یاران بم، غەریبم لە شارانم

تا کەی غەم هەڵکێشی وان بم، چاو بە گریە و گریانم

گەر نەمدیتێوە عازیزم بڕۆ بۆ خۆت سڵامەت

دەیدنی یاران عازیزە گیانە کەوتە قیامەت  

دڵ زەلیل بی بۆ لە کوڵی وەرە بگرە سامانێ  

زووخاوم لە دڵی هەڵقوڵی گڕووی گرتوە بۆ جوانێ  

وێڵم بە دوای دەردی دڵم، غەریبم لە شارانم

دەس بە سینە لارەملم، چاو بەگریە و گریانم  

دڵم دەریای بێ‌پایان بێ، هەر ئاخ هەڵکێشی تۆمە

جێگای خواز و کانەبیان بێ یەکجار پەژارەی تۆمە

ئەی گوڵی ناکامڵم ئەی تاقە یارم

دەردی عیشقم کارییە شێت و هەژارم

بێ‌ وەفا تا کەی جەفا دڵ بێ‌قەرارم

هیجری یار هیجری یار دەردی گرانە

بەبێ خاڵی ڕوخت ماڵم وێرانە

شەربەتی عیشق و جەفا لایق بە خۆمە

پێت چییە ئەو ئاگری پێی ڕەنجەڕۆمە

دڵنیا و بێ‌قەراری دوو چاوی تۆمە

هیجری یار هیجری یار دەردی گرانە

بەبێ خاڵی ڕوخت ماڵم وێرانە

عاشقی جەور و غەمان دەردی گرانە

تیری عیشقی ئەو گوڵەی دەردی بە ژانە

بێ سەبەب تۆراوە لێم ئەو خونچە جوانە

هیجری یار هیجری یار دەردی گرانە

بەبێ خاڵی ڕوخت ماڵم وێرانە

کێ هەیە ئەوڕۆ بڵێ عاشقی چۆنە

شەربەتی عیشق و جەفا مەکتەبی کۆنە

یاری من سوورەگوڵە عەتری بەبۆنە

هیجری یار هیجری یار دەردی گرانە

بەبێ خاڵی ڕوخت ماڵم وێرانە

بێ قەرارم من لە سوێی جەماڵی ماهت

شوعلەی ئەستێرەکەی نیوە نیگاهت

تا کەی ئەسیر و کز  بم من وەبانی ڕاهت

هیجری یار هیجری یار دەردی گرانە

بەبێ خاڵی ڕوخت ماڵم وێرانە

هۆنراوەی: هاشم نانەوازادەگان

Ey gulî nakamilim ey taqe yarim

Derdî îşqim karîye şêt û hejarim

Bêwefa ta key cefa dil bêqerarim

Hîcrî yar hîcrî yar derdî girane

Bebê xalî ruxit malim wêrane

Şerbetî îşq û cefa layiq be xome

Pêt çîye ew agrî pêy rencerome

Dilniya û bêqerarî dû çawî tome

Hîcrî yar hîcrî yar derdî girane

Bebê xalî ruxit malim wêrane

aşqî cewr û xeman derdî girane

Tîrî îşqî ew guley derdî be jane

Bê sebeb torawe lêm ew xunçe cwane

Hîcrî yar hîcrî yar derdî girane

Bebê xalî ruxit malim wêrane

Kê heye ewro bilê aşqî çone

Şerbetî îşq û cefa mektebî kone

Yarî min sûregule etrî bebone

Hîcrî yar hîcrî yar derdî girane

Bebê xalî ruxit malim wêrane

Bê qerarim min le swêy cemalî mahit

Şuley estêrekey nîwe nîgahit

Ta key esîr û kiz bim min webanî rahit

Hîcrî yar hîcrî yar derdî girane

Bebê xalî ruxit malim wêrane

شەوان شەو ناڵەن گیانە ڕۆژان ڕۆڕۆمە

دایمەن پەژارەی گیانە دوورییەکەی تۆمە

جوابێکم دەوە گیانە بە بوون و نەبوون

بێچارەی کردووم گیانە ڕابردەی (گوزەشتەی) گەردوون

ئەوشۆ لەبەختم گیانە مانگەشەو تارە

هەر جێیەک دەچم گیانە سایەم دیارە

جوابێکم دەوە گیانە بە بوون و نەبوون

بێچارەی کردووم گیانە ڕابردەی (گوزەشتەی) گەردوون

وەرە لای وەرە لای وەرە لای

ڕۆڵە جوانەکەم لای لای کۆرپە شیرینەکەم ڕۆڵەم لای لای

ژیر بەوە ڕۆڵەی ژیر و جوانم

ئارامکەرەوەی کەسم لای لای لای دڵی بریانم

هەی لایە لایە و ڕۆڵەم لای لایە و

بنوو درەنگە کەسم لای بۆ خەوت نایە

وەرە لای وەرە لای وەرە لای وەرە لای

ڕۆڵە جوانەکەم لای لای کۆرپە نەخشینەکەم ڕۆڵەم لای

بۆچی بێ مەیلیت گیانە کردووە بە پیشە

جارێکیش بۆ من گیانە ئاخێک هەڵکێشە

جوابێکم دەوە گیانە بە بوون و نەبوون

بێچارەی کردووم گیانە ڕابردەی (گوزەشتەی) گەردوون

#جوابێکم_دەوە

#تریفە_ئەمیری

ئاواز#محەمەد_ماملێ

Şewan şew nalen giyane rojan rorome

Daymen pejarey giyane dûrîyekey tome

Cwabêkim dewe giyane be bûn û nebûn

Bêçarey kirdûm giyane rabirdey (guzeştey) gerdûn

Ewşo lebextim giyane mangeşew tare

Her cêyek deçim giyane sayem dyare

Cwabêkim dewe giyane be bûn û nebûn

Bêçarey kirdûm giyane rabirdey (guzeştey) gerdûn

Were lay were lay were lay

Role cwanekem lay lay korpe şîrînekem rolem lay lay

Jîr bewe roley jîr û cwanim

Aramkerewey kesim lay lay lay dilî biryanim

Hey laye laye û rolem lay laye û

Binû drenge kesim lay bo xewt naye

Were lay were lay were lay were lay

Role cwanekem lay lay korpe nexşînekem rolem lay

Boçî bê meylît giyane kirduwe be pîşe

Carêkîş bo min giyane axêk helkêşe

Cwabêkim dewe giyane be bûn û nebûn

Bêçarey kirdûm giyane rabirdey (guzeştey) gerdûn