site loader
site loader
Song image
دە وەرە وەرە (من بریندارم بۆ چاوی کاڵت)

By - محەمەد ماملێ

من بریندارم بۆ چاوی کاڵت
سووتاوە جەرگم بۆ لێوی ئاڵت بۆ لێوی ئاڵت
دە وەرە وەرە
کیژێکی کوردم سەربەست خوڵقاوم
بە داوی گەردوون گیرۆدە ماوم گیرۆدە ماوم
دە وەرە وەرە
با بێ دانیشین لەبن داری بەی
جامێک بنۆشین لەخۆشاوی مەی لەخۆشاوی مەی
دە وەرە وەرە
من بریندارم بۆ چاوی کاڵت
سووتاوە جەرگم بۆ لێوی ئاڵت بۆ لێوی ئاڵت
دە وەرە وەرە
بێ دابنیشین دیدە پڕ ئەسرین
تۆ بۆ خۆت بگری منیش بۆ شیرین منیش بۆ شیرین
دە وەرە وەرە
(ئاخ) تۆم چرام نەوتی (دەی دەی) من ئاگر بە دەست
تا ئاوڕم داوە (گیانە) گڕ بڵێسەی بەست
ئۆی خاڵی ڕێبوار (گیانە) بە ڕێبوارت بم
لەمووچەی بەردێ (دەی دەی) نیوەکارت بم
سەران چوون ھەوری (دەی دەی) پاوەن وە پاوە
خۆ تۆ بەھەشت نی (گیانە) بە ڕووی دنیاوە
ئۆی خاڵی ڕێبوار (گیانە) بە ڕێبوارت بم
لەمووچەی بەردێ (دەی دەی) نیوەکارت بم

کۆپی کردن بێ ئاماژەدان بە سەرچاوە قەدەغەیە
More
Song image
ئەمشەو

By - عەدنان کەریم

دڵم وەک حاکمی مەعزوولە، قوربان!

خەڵاتی وەسڵی تۆی مەنزوورە ئەمشەو

دڵیش مایل بە دیدەی تۆیە، بۆیە

لە من وەحشی و ڕەمیدە و دوورە ئەمشەو

کە تۆی شای کەچ کولاهی دیدە مەستان،

چ باکم قەیسەر و فەغفوورە ئەمشەو؟!

لە خەو هەڵساوە، یا ئاڵۆزە چاوت؟

هەمیشە وایە، یا مەخموورە، ئەمشەو؟

سوروشکم نەقشی چاوی تۆ دەکێشێ

جێگەم سەر دارەکەی مەنسورە ئەمشەو

موسوڵمانان دەپرسن حاڵی نالی

لە کونجی بێکەسی مەهجوورە ئەمشەو

هۆنراوە: نالی

کۆپی کردن بێ ئاماژەدان بە سەرچاوە قەدەغەیە
More
Song image
ماهی من

By - عەدنان کەریم

تا لە من ئەو زوڵفە ڕێی بۆسە و کەناری گرتووە

ناودەمم بێ شوبهە تامی زەهری ماری گرتووە

خۆش لەسەر سینەی سەری هەڵداوە دوو گۆی سەر بە مۆر

مات و حەیرانم کە عەرعەر کەی هەناری گرتووە!

ئەژدەهای زوڵفی لە دەوری گەنجی حوسنی حاریسە

حەڵقە حەڵقە، چین بە چین، سەرتا بە خواری گرتووە

ماهی من تەنها مەهێکە سەد نوجوومی مەحو کرد

یاری من تەنها گوڵێکە سەد هەزاری گرتووە

دامەنی پاکی مەداری دائیرەی خامەک نیە

خوێنی مەقتوولانە وا دامێنی یاری گرتووە

گەرد و بادی هیجری تۆ وا عالەمی لێ کردمە تۆز

نەک دوو چاوم، بەڵکە حەتتا دڵ غوباری گرتووە

شەربەتی عوننابی لێوی شەککەر و بادامی چاو،

سەروی قەددت ڕاستە ئەنواعی سیماری گرتووە

لەعلی شەککەرباری تۆ تێراوە، شەککەر باریە

لێوی میحنەتباری من بێئاوە، باری گرتووە

پڕجەفایە، بێوەفایە، زوود جەنگە، دێر سوڵح

سەد درێغ و حەیفە تەبعی ڕۆزگاری گرتووە

یادی کانی دمدم و سەرچاوەکەی مێگوڕ دەکا

بەکرەجۆی چاوم کە شێوەی سەرچناری گرتووە

بێمەحابا ئاو دەڕێژێ گەهـ بە فەور و گەهـ بە دەور

چاوی من موددێکە شێوەی ئابشاری گرتووە

شەمعی بەزمی من کە وا سووتاوە، زەرد و ئەشک ڕێژ

قەت نییە فەردێک نەڵێ ڕەنگی مەزاری گرتووە

موددەعی زەجرم دەکات و، پێم دەڵێ: سەبرت ببێ

کەر بە لەعنەت بێ کە کەی عاشق قەراری گرتووە!

نالی وا دائیم کە مەشغووڵی فوغان و ناڵەیە

باعیسی هیجرانی یارە دڵ شەراری گرتووە

هۆنراوەی مەلا خدری ئەحمەدی شاوەیسی مکایلی (نالی)

کۆپی کردن بێ ئاماژەدان بە سەرچاوە قەدەغەیە
More
Song image
چراغم شەوبۆ

By - عەباس کەمەندی

چراغم شەوبۆ وەی چراغم شەوبۆ

چراغم شەوبۆ وەی چراغم شەوبۆ

شەوێ جە شەوان چیم پەرێ شەوبۆ

شایەد بۆی زوڵفت وەی کەمێ بەیۆ لێش

بەڵکوو زامانم کەمتر بکا ئێش

چەنێ بۆ نیام وەی بە بۆی شەوبۆ

بۆش ئاما ئەمما نەک چوون زوڵف تۆ

فیدای ئەو خوا بم تۆش ئافەریدەن

بۆی شەوبۆ جە بۆی تۆ بەرگوزیدەن

چراغم شەوبۆ وەی چراغم شەوبۆ

ئەر شەو بۆی زوڵفت وەی بدەم وە شەوبۆ

دەیری بام نە جەمع دەیریانێ کۆ

هەر سەرسەرایێ تۆ مەکەی وە جێ

وەک قیبلەنما ڕوو ماوەروو لێ

هەر سەرسەراوێ بۆی تۆی لێ نایێ

سەرچاوکەی وشک بێ ئاو تێ نەزایێ

یاخوا کوێرەو بێ ئەو کانی و ئاوە

تۆ تیا نەشۆری ئەو دەم و چاوە

چراغم شەوبۆ وەی چراغم شەوبۆ

چراغم شەوبۆ وەی چراغم شەوبۆ

شەوێ جە شەوان چیم پەرێ شەوبۆ

شایەد بۆی زوڵفت وەی کەمێ بەیۆ لێش

بەڵکوو زامانم کەمتر بکا ئێش

چەنێ بۆ نیام وەی وە بۆی شەوبۆ

بۆش ئاما ئەمما نەک چون زوڵف تۆ

فیدای ئەو خوابم تۆش ئافەریدەن

بۆی شەوبۆش جە بۆی تۆ بەرگوزیدەن

Çraxim şewbo wey çraxim şewbo

Çraxim şewbo wey çraxim şewbo

Şewê ce şewan çîm perê şewbo

Şayed boy zulfit wey kemê beyo lêş

Belkû zamanim kemtir bika êş

Çenê bo niyam wey be boy şewbo

Boş ama emma nek çûn zulf to

Fîday ew xwa bim toş aferîden

Boy şewbo ce boy to berguzîden

Çraxim şewbo wey çraxim şewbo

Er şew boy zulfit wey bidem we şewbo

Deyrî bam ne cem deyryanê ko

Her serserayê to mekey we cê

Wek qîblenma rû mawerû lê

Her serserawê boy toy lê nayê

Serçawkey wişk bê aw tê nezayê

Ya xwa kwêrew bê ew kanî û awe

To tiya neşorî ew dem û çawe

Çraxim şewbo wey çraxim şewbo

Çraxim şewbo wey çraxim şewbo

Şewê ce şewan çîm perê şewbo

Şayed boy zulfit wey kemê beyo lêş

Belkû zamanim kemtir bika êş

Çenê bo niyam wey we boy şewbo

Boş ama emma nek çun zulf to

Fîday ew xwabim toş aferîden

Boy şewboş ce boy to berguzîden

کۆپی کردن بێ ئاماژەدان بە سەرچاوە قەدەغەیە
More