دڵ دەناڵێ دەم بەدەم سووتاوی تاوی فیرقەتە
بولبولە بۆ ڕوویی گوڵ دڵ پڕ لە داخ و حەسرەتە
چاو پڕ ئاو و دڵ پڕ ئاور، دڵ بە دولبەر چاوەڕێ
ئەی خودا دەردی جودایی چەند گران و زەحمەتە
مردم و نەمزانی ئەو ئاورەی منی سووتاند چ بوو
حاسڵی سەیر و سلووکی عاشقان هەر حەیرەتە
مردم و هەرگیز نەگەیمە قیبلەیی تاقی برۆت
ئاخر ئەی قیبلەی مورادان تا بەکەی ئەم حەسرەتە؟
دڵ دەناڵێ دەم بەدەم سووتاوی تاوی فیرقەتە
بولبولە بۆ ڕوویی گوڵ دڵ پڕ لە داخ و حەسرەتە
چاو پڕ ئاو و دڵ پڕ ئاور، دڵ بە دولبەر چاوەڕێ
ئەی خودا دەردی جودایی چەند گران و زەحمەتە
هۆنراوە: وەفایی

هەتاکوو من تۆم بێ لە نەشئەی نەوبەهارم چی
لە سێبەری کۆسارم چی لە گوڵزارم چی
زڕەی لەرزانەت بێ لە زەمزەمەی جۆبارم چی
لە بولبولی شێت و شەیدای لالەزارم چی
تۆ بێبەشم مەکە لە گوڵشەنی جوانیت
لە نیونیگا و لەنجەی مەستانەی ڕێی کانیت

عەتری زوڵفانت بێ لە عەتری سەرکوێستانم چی
لە وەنەوشەی ناو گوڵزار و گوڵستانم چی
ئەبووژێتەوە گیان بە پێکەنینی مەستانە
بە نیونیگای پڕ لە نازی ئەو چاوە جوانە
تۆ بێبەشم مەکە لە گوڵشەنی جوانیت
لە نیونیگا و لەنجەی مەستانەی ڕێی کانیت
هەتاکوو من تۆم بێ لە نەشئەی نەوبەهارم چی
لە سێبەری کۆسارم چی لە گوڵزارم چی
زڕەی لەرزانەت بێ لە زەمزەمەی جۆبارم چی
لە بولبولی شێت و شەیدای لالەزارم چی
تۆ بێبەشم مەکە لە گوڵشەنی جوانیت
لە نیونیگا و لەنجەی مەستانەی ڕێی کانیت
Hetakû min tom bê le neşey newbeharm çî
Le sêberî kosarim çî le gulzarim çî
Zirey lerzanet bê le zemzemey cobarim çî
Le bulbulî şêt û şeyday lalezarim çî
To bêbeşim meke le gulşenî cwanît
Le nîwnîga û lencey mestaney rêy kanît

etrî zulfanit bê le etrî serkiwêstanim çî
Le wenewşey naw gulzar û gulistanim çî
Ebûjêtewe giyan be pêkenînî mestane
Be nîwnîgay pir le nazî ew çawe cwane
To bêbeşim meke le gulşenî cwanît
Le nîwnîga û lencey mestaney rêy kanît
Hetakû min tom bê le neşey newbeharm çî
Le sêberî kosarim çî le gulzarim çî
Zirey lerzanet bê le zemzemey cobarim çî
Le bulbulî şêt û şeyday lalezarim çî
To bêbeşim meke le gulşenî cwanît
Le nîwnîga û lencey mestaney rêy kanît