دەستم لە کەمەرت وەرێنم
بۆ خوەمت ڕاکێشم بە تین
لێوم لە گەردەنت هەڵسوێنم
ون بین لە ناو دنیای ئەڤین
فریشتە و پەریمان بێنە یاری
دامان نێن لە تاقی ئاسمان
ئەستێرەت بۆ ڕاخەن بە دیاری
هەوریش وەکوو جێ و بالینگان
گەر شەماڵ لێی سەندین ئەو نوێنە
سنگم بۆت ئەکەم بە سەرین
گۆنات بە مووی سینگم دا بێنە
نم نمیش دەس کا بە بارین
جەستەی تەڕ لە جەستەم بخشێنە
ون بین لە پشت ئاسمانی شین

ئەو قورعانە بتگرێ هێنات لێکت کردەوە
سێ جار دەستت پێدا دا گیان بۆ مزگەوتت بردەوە
ئەمنت ئەوها بە جێ هێشت گیان بەو ئاهی وا سەردەوە
هۆی نارێ هۆی نارێ هۆی نارێ نارە جوان

وەرن جەرگم هەڵدڕن بە دەبانی کوشتەری
چەن جارانم گەوزاندی لە بن داڵان و دوودەری
ئێستاش خۆم لێ نەناس دەکەی پێم دەڵێی برادەر کوێندەری؟
هۆی نارێ هۆی نارێ هۆی نارێ نارە جوان

دەسماڵ حەریری دووبەر مێردت کرد خاکم بە سەر
لە سەر باڵای تۆ بوو جوانێ جەرگیان دامە بەر خەنجەر
گەر مەیلی جارانت ماوە وەی ڕەدووم کەوە ڕەش ئەسمەر
هۆی نارێ هۆی نارێ هۆی نارێ نارە جوان

چاوت ئەستێرەی شەوێ ڕوومەت دندووکی کەوێ
پێم بڵێ لە کوێ دەنووی شەوێ با ئەمنیش بێمە ئەوێ
باسکم بۆ بکە بە سەرین گیان بەجووت خەومان لێ بکەوێ
هۆ هۆی نارێ هۆ هۆی نارێ هۆی نارێ نارە جوان
هۆی نارێ هۆ هۆ هۆی نارێ هۆ هۆی نارێ نارە جوان