ئای فەلەک بۆچ من دوور لە لەیلا بم
شێت و شەیدا بم یاری یاران لە سوێی یاری نازەنینم
هەڵوەدای دوو چاوی جوانی تۆم
دەربەدەر بەدوای وردەخاڵی تۆم
چارەیەک چی بکەم هەی ئەزیزم یاران

یارم دیار نییە چۆتە سەفەرێ
بانگ کەنە شەماڵ بەرێ*
نامەی بێ کەسیم بۆ یارێ

من لە دووری تۆ حاڵم پەشێوە
کەوتووم لە جێوە
یاری یاران بێکەس و غەریب لە شاران
وەرەوە تۆ بە شەرتەکەی جاران
لێم دەدەن تانە یاران هەڵوەدا دەبم لە دیاران
هەڵوەدای دوو چاوی جوانی تۆم
دەربەدەر بەدوای وردەخاڵی تۆم
چارەیەک چی بکەم هەی ئەزیزم یاران

ئەملان و ئەملانت کەم سووکەڵێ دەست لە ملانت کەم
خۆ من ئەسیری تۆ نیم حەواڵەی شێخانت کەم

قەڵا و سەفین بەرانبەر یاری من عەبای کردە سەر
بۆخۆی دەچێ بۆ سەیران منیش دەکا دەربەدەر
بۆخۆی دەچێ بۆ سەیران منیش دەکا قوڕبەسەر

هەولێر پشتی چیایە ناوەڕاستی قەڵایە
بۆیە قەڵام خۆش دەوێ چونکە یارم تێیدایە
بۆیە هەولێرم خۆش دەوێ چونکە یارم تێیدایە

لە تەنهایی شەوی ژینا ئەنێم هەنگاوی کوێرانە
نییە دەستێک دەرم بێنێ لەم گۆڕە وێرانە

لە ملان و لە ملانت کەم زوو بە زوو دەست لە ملانت کەم
لە ملان و لە ملانت کەم سووکەڵێ دەست لە ملانت کەم
خۆ من یەخسیری تۆ نیم حەواڵەی شێخانت کەم