site loader
Song image
من ئەو دیلەم – کاڵێ ئاتەشی

By - کاڵێ ئاتەشی

من ئەو دیلەم لە زیندانی تاریکا
هەتاوی بیر ڕووناک ئەکا بەرچاوم
بە ناو هەزار حەڵقەی داوی باریکا
قەفی زنجیر ئەپچڕێنێ هەنگاوم
من ئەو دیلەم لە پشت شوورای پۆڵاوە
ئاسۆی هیوای گەشم هەرگیز ون ناکەم

بە گڕی سوور بە ڕووی ئاسمان نووسرا
بەندە بەندەی ئایین نامەی بڕواکەم
مادام هێزی زۆربەی گەلم لە پشتە
دڕک گوڵە و ترس ئارامە بۆ خواستم
من ئەو دیلەم لە پشت شوورای پۆڵاوە
ئاسۆی هیوای گەشم هەرگیز ون ناکەم

من ئەو دیلەم کـە سـرنجی بێ باکم
سڵ لە چــاوی پـڕ لە قینی زەق ناکەم
دانەچیڕەی گورگی هاری سەر لاکم
زاتـی گیـانی نـەلـەرزیـوم لەق ناکەم
من ئەو دیلەم لە پشت شوورای پۆڵاوە
ئاسۆی هیوای گەشم هەرگیز ون ناکەم

من ئەو دیلەم کـە سـرنجی بێ باکم
سڵ لە چــاوی پـڕ لە قینی زەق ناکەم
من ئەو دیلەم کە دیلکەری زۆردارم
دڵی لەبەر گوڕی ناڵەم ئەلەرزێ
تا شڕتر کا کەڵبەی لەشی زامدارم
خۆی خراپتر لەناو خوێنا ئەگەوزێ!
من ئەو دیلەم لە پشت شوورای پۆڵاوە
ئاسۆی هیوای گەشم هەرگیز ون ناکەم

کۆپی کردن بێ ئاماژەدان بە سەرچاوە قەدەغەیە
More
Song image
پێی ناوێ بۆ شەهیدی وەتەن شیوەن و گرین ٢

By - کاڵێ ئاتەشی

پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین
گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

گرتن و لێدان و کوشتن عامیلی ئازادییە
تۆپ و شەستیر و کەلەبچە لام وەکوو ئەفسانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چەکی شۆڕشگێڕی من نووسین و بیر و باوەڕە
ڕاپەڕینە هەڵمەتە پڕ نەعرەتەی کوردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چاوەڕوانی شۆڕشێکم عالەمێ ڕزگار بکا
میللەتم بۆ ئەو مەبەستە کردەوەی شێرانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

کۆپی کردن بێ ئاماژەدان بە سەرچاوە قەدەغەیە
More
Song image
پێی ناوێ بۆ شەهیدی وەتەن شیوەن و گرین

By - کاڵێ ئاتەشی

پێی ناوێ بۆ شەهیدی وەتەن شیوەن و گرین
نامرن ئەوانەی وا لە دڵی میللەتا ئەژین

پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین
گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

گرتن و لێدان و کوشتن عامیلی ئازادییە
تۆپ و شەستیر و کەلەبچە لام وەکوو ئەفسانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

بیری ئازادیم لە زیندانا فراوانتر ئەبێ
قوڕ بە سەر ئەو دوژمنەی هیوای بە بەندیخانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چەکی شۆڕشگێڕی من نووسین و بیر و باوەڕە
ڕاپەڕینە هەڵمەتە پڕ نەعرەتەی شێرانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

کۆپی کردن بێ ئاماژەدان بە سەرچاوە قەدەغەیە
More