بۆت نووسیوم بۆت بنووسم ئەمن چیم؟
دوندی قەندیل، گۆڕەپانی هەڵگورد نیم

بەرەو بەرزایی دەچم گەرچی وردم
خاکی بەرپێی تێکۆشەرێکی کوردم

هۆنراوە: هێمن

مەقامی یەکەم:
بە قوربان خاکی ڕەنگینی موکریان و مەهابادی
دەڕۆم و هەر ئەویندارم بە شاری شیعر و ئازادی
مەهابادە قەڵای جوانی هەوارگەی شیعر و گۆرانی
لە مێژووی نیشتمانمدا تروسکەی دێ چراکانی

www.chrikaykurd.com
شەرت بێ گوڵی کەس ئازیزەکەم ناکەم بە بۆوە
تا گوڵم بۆ دێ ئازیزەکەم لە خزمەت تۆوە
ئەگەر بەبێ تۆ ئازیزەکەم شادیم لە دڵ بێ
عومری جوانیم ئەی هاوار ئاوێتەی گڵ بێ
www.chrikaykurd.com
مەقامی دووەم:
دەردی دووری دەردی دووری کوشتمی
دەردی هوشیاری و سەبووری کوشتمی
یادی یارانی وڵاتم ڕۆژ و شەو
لێی حەرام کردم قەرار و خورد و خەو
خەمڕەوێنێک لێرە من ناکەم بە دی
چۆن پەنا بۆ مەی نەبەم ساقی ئەدی
نابینم خاک و وڵات و شاری خۆم
نابینم ناسیاو و دۆست و یاری خۆم
ڕوو لە هەر لایەک دەکەم نامۆیە بۆم
نابینم جێژوان و کەونەلانی خۆم
www.chrikaykurd.com
چاوت ئەستێرە ئازیزەکەم ڕوو لە کۆ دەکا
ئەو دڵەم وەسوەسەی ئەی هاوار دڵەی تۆ دەکا
ئەو دڵەم وەسوەسەی ئەی هاوار باڵای تۆ دەکا
دەشتی پشت قەڵا ئازیزەکەم ڕازاوە بە گوڵ
هەر تۆم خۆش دەوێ ئەی هاوار بە گیان و بە دڵ
هۆنراوەی مەقامی یەکەم: #مامۆستا_شەریف
هۆنراوەی مەقامی دووەم: #هێمن موکریانی
ڕابەری ئۆرکێستر: #کاوە_فەقیزادە

سۆفی گۆشەی خانەقا بووم ئێستە پیری مەیکەدەم
زاھیدی خەڵوەتنشین بووم ئێستە مەست و مەیزەدەم
سەروی ئازادیش لەبار و دڵکەش و بەرزە بەڵام
گیانەکەم! من شێت و شەیدای لار و لەنجەی ئەم قەدەم
هەر یەکەی بۆ خۆی دەجوولێنێتەوە هەستی دەروون
زەردەپەڕ، کاروانکوژە، تاریک و ڕوونی سوبحدەم
ئاسمانی ساو و دەریای مەند و تارمایی چیا
سێوی لاسوور و بەهێی زەرد و هەناری گوڵ بەدەم
کێ وەکوو من سارد و گەرمی ڕۆژگاری چێشتووە؟
گا لە دەشتی گەرمەسێر و گا لە کوێستانی گەدەم
وەک شەپۆڵی زێی خوڕەم ساتێ هەدادانم نییە
گێژ دەخۆم، پێچێ دەدەم، من ڕۆڵە کوردی ئەم سەدەم
سێبەری مەرگم لە پێشدایە و بەرەو مەنزڵ دەڕۆم
ناخی گۆڕی تەنگە جێگام، هەر تل ئاسا بێ قەدەم
من بەرەو ئاسۆ بەرەو ڕووناکی باڵم گرتووە
چۆن بەرەو تاریکی دەخشێم، پاڵ وە شەیتانی دەدەم
سۆفی گۆشەی خانەقا بووم ئێستە پیری مەیکەدەم
زاھیدی خەڵوەتنشین بووم ئێستە مەست و مەیزەدەم
سەروی ئازادیش لەبار و دڵکەش و بەرزە بەڵام
گیانەکەم! من شێت و شەیدای لار و لەنجەی ئەم قەدەم
هۆنراوە: #هێمن موکریانی

وەرە مەیگێڕ دەمەوێ ئەوشۆ خەمی دڵ کەم کەم
لووزەوم بەردە سەرێ نامەوێ جورعەی کەم کەم
تەشەنا بۆتەوە ناسۆری دەروونم دیسان
زامی کۆنە و بە مەیی کۆنی دەبێ مەڵهەم کەم
مشتوماڵی دەوێ ئاوێنەیی ژەنگاوی خەیاڵ
مەست و گێژم کە هەتا گاڵە بە جامی جەم کەم
ئێستە بۆ چاری خەمم گۆشەیی مەیخانەیە جێم
من کە ڕۆژێک دەمەویست میللەتەکەم بێ خەم کەم
چۆن نەبەم بۆ مەی و مەیخانە پەنا تێ گەییوم
لەم وڵاتە هەموو شت زۆرە بەنی ئادەم کەم
پیر و زورهانم و ئێستاش دڵەکەم هەر دەیەوێ
سەر و ماڵم بە فیدای خاڵ و خەت و پەرچەم کەم
هۆنراوە: #هێمن