بڕیاری چی بەم چۆن خاک جێ بێڵم
بێ خاک ئاوارە و دێوانە و وێڵم
ئەترسم بمرم داخ لە دڵم بێ
خاکی غەریبی ئاو و گڵم بێ
بە بیماری بە دڵتەنگی لە تاریکی شەوی تارا
لە غەریبی دەناڵێنم لە دەرد و ئێش و ئازارا
ئاخ لە دڵەی غەریبم
دەربەدەر و بێکەسم
لە چوارچێوەی خەمدا ماوم

سەرانسەر دونیا ناڵین و شینە
تەنیا و ئاوارەم ماوم لەم ژینە
نە دەستی ئازار یەخەم بەرئەدا
نە باخی ژینم چرۆ دەرئەکا
بە بیماری بە دڵتەنگی لە تاریکی شەوی تارا
لە غەریبی دەناڵێنم لە دەرد و ئێش و ئازارا
ئاخ لە دڵەی غەریبم
دەربەدەر و بێکەسم
لە چوارچێوەی خەمدا ماوم

وەرن لەو بەژنە بڕوانن بەپێوە کیژی کورد ئەمرێ
دە ئێوەیش مەشغەڵێ هەڵکەن کە شاری ئێمە گڕ دەگرێ
ببینن چۆن تەواری مە شکۆی دەدا چەقۆی دەشکاند
چ سەربەرز و چ ئازا بوو کە زەنجیرەچیای دەدواند
وەرن لەو بەژنە بڕوانن بەپێوە کیژی کورد ئەمرێ
دە ئێوەیش مەشغەڵێ هەڵکەن کە شاری ئێمە گڕ دەگرێ

لە بەر دەرگای هەموو ماڵێ بووە بە پەیکەری وەستان
لە کۆڵانی هەموو شارێ بووە هاواری ژێردەستان
وەرن لەو بەژنە بڕوانن بەپێوە کیژی کورد ئەمرێ
دە ئێوەیش مەشغەڵێ هەڵکەن کە شاری ئێمە گڕ دەگرێ

سڵاو ئەی بەربەیانی گەش بمێنی ئەی ئومێدی سوور
هەڵۆ با بێن لە تۆ فێر بە باڵی خوێن فڕینی دوور
وەرن لەو بەژنە بڕوانن بەپێوە کیژی کورد ئەمرێ
دە ئێوەیش مەشغەڵێ هەڵکەن کە شاری ئێمە گڕ دەگرێ

لە تۆ زیاتر برادەر گیان من کێ شک ئەبەم
دە توخوا لێم زیز مەبە دەی خەمڕەوێنەکەم
برادەر گیان برادەر گیان ئەی نووری چاوم
برادەر گیان من بە بۆنەی چاکی تۆ ماوم

برادەر گیان گەر دوور بووم لێت یادم کەرەوە
ئەو شەوانەت بیر نەچێ کە ڕۆژمان کردەوە
برادەر گیان برادەر گیان ئەی نووری چاوم
برادەر گیان من بە بۆنەی چاکی تۆ ماوم