لە وڵاتی غەریب – جەمال موفتی
نە خوا دەمکوژێ وەی نە بۆخۆم دەمرم
چونکە غەریبم کەس ناگرێ قەدرم
لە وڵاتی غەریب غەریب دیارن
جێگای غەریبان گۆشە و کەنارن
شەوان شەو ناڵان ڕۆژان ڕۆڕۆمە
یەکجار پەژارەی دوورییەکەی تۆمە
لە وڵاتی غەریب غەریب دیارن
جێگای غەریبان گۆشە و کەنارن
کراسێ بدروو ڕێی دەستم بێڵە
داخوا چارەنووس لە دوای کێ وێڵە
لە وڵاتی غەریب غەریب دیارن
جێگای غەریبان گۆشە و کەنارن
نە ماڵم دەوێ وەی نە گەنجی دونیا
باڵای تۆم ئەوێ وەی بە تاقی تەنیا
لە وڵاتی غەریب غەریب دیارن
جێگای غەریبان گۆشە و کەنارن
ماڵێ باری کرد کەس نەیگێڕیاوە
بۆخۆم دانیشتم دڵخۆشیم داوە
لە وڵاتی غەریب غەریب دیارن
جێگای غەریبان گۆشە و کەنارن
کۆپی کردن بێ ئاماژەدان بە سەرچاوە قەدەغەیە
Play 
Pause 
زیادکردن بە ڕیزبەندی 
داگرتن 
