site loader
Song image
بە ناز – حەسەن زیرەک

By - حەسەن زیرەک ‌Hesen Zîrek

هەڵم بگرن لەنگەر لەنگەر
بمبەن بۆ ماڵی بابنۆکەر
شینم بۆ بکەن شەدە بە سەر
هەی بەناز وەی بەناز بەناز بەناز
چاوجوان گیان مەمکوژە بە ناز

هەڵم بگرن بە سێ و دوو
بمبەن بۆ گەڕەکی ژووروو
شینم بۆ بکەن مل بە مووروو
هەی بەناز ئەی بەناز بەناز بەناز
چاوباز گیان مەمکوژە بە ناز

هەڵم گرن بە سێ و چوار
دەی بمبەن بۆ گەڕەکی لای خوار
شینم بۆ بکەن ناسک و نازدار
هەی بەناز ئۆف بەناز بەناز بەناز
چاوجوان گیان مەمکوژە بە ناز

هەڵم گرن بە سێ و بە شەش
هەی با بمگرن بێ غەل و بێ غەش
شینم بۆ بکەن دەستەی چاوڕەش
هەی بەناز ئۆف بەناز بەناز بەناز
چاوجوان گیان مەمکوژە بە ناز

هەڵم گرن بە بێ قسوور
بمبەن بۆ گەڕەکی لای ژوور
دەی شینم بۆ بکەن مل بە موور
هەی بەناز ئۆف بەناز وەرە بەناز
چاوجوان گیان مەمکوژە بە ناز

هەڵم گرن بە بەرژاڵان*؟؟؟
بمبەن بۆ ژوورووی لای ماڵان
شینم بۆ بکەن دەی چاوکاڵان
هەی بەناز ئۆف بەناز بەناز بەناز
چاوجوان گیان مەمکوژە بە ناز

هەڵم گرن بە بێ تەگبیر
دەی دەی دەستەی جوان لەگەڵ پیر
ئەمن بازم مردم بێ نچیر
هەی بەناز ئۆف بەناز بەناز بەناز
چاوجوان گیان مەمکوژە بە ناز

*؟؟؟= لەو وشەیە دڵنیا نین، تکایە ئەگەر دەیزانن بۆمانی بنووسن.

کۆپی کردن بێ ئاماژەدان بە سەرچاوە قەدەغەیە
More
Song image
خانباجی – حەسەن زیرەک

By - حەسەن زیرەک ‌Hesen Zîrek

ساقی بە خودا و بە پێغەمبەر گوڵباجی
بە میحرابی چاوی دولبەر گوڵباجی
خستوومیە گێژی ئەسکەندەر خانباجی
خانباجی وەی وەی خانباجی مەڕۆ گوڵباجی
هانێ خەنجەر لێمدە تۆران یانێ چی
هانێ خەنجەر لێمدە ئاخر زیزبوون یانێ چی

ئەو چاوانەی میسلی بازن خانباجی
مەست و خومار پڕ لە نازن گوڵباجی
برژانگت تیری سەربازن خانباجی
خانباجی ئەی وەی خانباجی مەڕۆ گوڵباجی
هانێ خەنجەر لێمدە تۆران یانێ چی
هانێ خەنجەر لێمدە ئاخر زیزبوون یانێ چی

لە تەنهایی شەوی ژینا ئەنێم هەنگاوی کوێرانە
نییە دەستێک دەرم بێنێ لە ناو ئەم گۆڕە وێرانە
لە بێکەسی و لە بەدبەختی پەنام بردووە مەیخانە
چون نییە جوانێک نییە شۆخی سەری گێژم بنێمە سەر دڵی گەرمی
کە هیلاکی لەشم دەرکا خەوی سەر باوەشی نەرمی

تا کچ بووی عینوانت بوو خانباجی
میسلی شاهان دیوانت بوو گوڵباجی
سەدی وەک من غولامت بوو خانباجی
غولامی چاوی جوانت بوو خانباجی
خانباجی وەی وەی خانباجی مەڕۆ گوڵباجی
هانێ خەنجەر لێمدە تۆران یانێ چی
هانێ خەنجەر لێمدە ئاخر زیزبوون یانێ چی

لەسەر پردێ گرتیان سەنگەر گوڵباجی
دەستێک نیزامی خۆڵبەسەر خانباجی
لنگیان دامێ دەستەو خەنجەر گوڵباجی
لەسەر دوو چاوی ڕەش ئەسمەر خانباجی
خانباجی وەی وەی گوڵباجی مەڕۆ خانباجی
هانێ خەنجەر لێمدە تۆران یانێ چی
هانێ خەنجەر لێمدە ئاخر زیزبوون یانێ چی

کۆپی کردن بێ ئاماژەدان بە سەرچاوە قەدەغەیە
More
Song image
نامدوێنی بۆچی نامدوێنی – حەسەن زیرەک

By - حەسەن زیرەک ‌Hesen Zîrek

گوڵەندام ئەی تەنافی گەردنم زولفی پەرێشانت
عیلاجێک چارەیێ ڕوحمێک ئامان دەستم بە دامانت

ئازیزەکەم غەریبی تۆم نەخۆشی تۆم بە گۆشەی چاوی بیمارت
ئەسیری تۆم شەهیدی تۆم بە نووکی تیری موژگانت

ئەسمەر بۆچی تۆراوی پێم بڵی بۆچی ڕەنجاوی
وەک گوڵاڵەی سوورەی بەهار لە دەشت و کێو غەمڵاوی
نامدوێنی بۆچی نامدوێنی بۆ لێم زیز بووی نامدوێنی
نامدوێنی بۆچیم نادوێنی ئۆف بۆ لێم زیز بووی نامدوێنی
ئەگەر بێ و بمدوێنی نەمڕەنجێنی نەمشەمزێنی
سەر دەدەم لە مزگێنی وەڵڵا ڕۆح دەدەم لە مزگێنی

ئەسمەر بەینەڵا جوانی
سەرتۆپی کوردستانی
لەبەردڵی دۆستانی
بیللا دەڵێی خەرمانی جوانێ
بڵێ ئەوجار ئارامی دڵانی
نامدوێنی بۆچیم نادوێنی بۆ لێم زیز بووی نامدوێنی
ئەگەر بێ و بمدوێنی نەمڕەنجێنی نەمشەمزێنی
سەر دەدەم لە مزگێنی وەڵڵا ڕۆح دەدەم لە مزگێنی

ئەسمەر لە کوێ میوانی
ژنی گولەی مێردانی
بە ملوێنێ هەرزانی
ئیجارەم کرد لە خانی
مامزی دەشتی بۆکانی

کۆپی کردن بێ ئاماژەدان بە سەرچاوە قەدەغەیە
More
Song image
نیزام – حەسەن زیرەک

By - حەسەن زیرەک ‌Hesen Zîrek

وەرن جەرگم هەڵبدڕن بە دەبان و کوشتەری
چەند جێژوانم لەگەڵ کرد وەڵا بەر پەنجەرە و دوودەری
لێوئاڵ ئەلعان نامناسێ و پێم دەڵێ برادەر کوێندەری!؟
ئای نیزام بۆ خۆم نیزام لێرەکانە سەربازم موبتەلای دوو چاوی بازم
ئای دڵێم بمدەیە ماچێ و سەفەریم پێم دەبێ لازم
ئای دەڵێم بمدەیە ماچێ ڕێم دوورە دەبێ لازم

وەرن جەرگم هەڵدڕن وەی دەبا گیانم ڕزگار بێ
سەر و ژێر ڕاخەری من هەر قوڕ و بەرد و دار بێ
ئەممان هەر بەو شەرتەی من گەر چاوێکم لە یار بێ
ئای نیزام بۆخۆم نیزام خۆ من نیزام نیم عەسکەرم موبتەلای ڕەش ئەسمەرم
لەسەر باڵای لێوئاڵێ من لە دونیا دەربەدەرم

وەرن جەرگم هەڵبدڕن بە دەبانێ پڕ جەوهەر
ئەوەڵ لەبۆ لێوئاڵێ خۆم دووهەم لەبۆ ڕەش ئەسمەر
لەسەر باڵای تۆیە گیان من لە دونیا بووم دەربەدەر
ئای نیزام بۆخۆم نیزام نیزامم کرد تەواوە لێوئاڵ لە من تۆراوە
کەلەکەی چەپم کون بوو لێوئاڵ بە مست لێی داوە
سەڵای گەورەم لێ ڕابوو ئەو کچە بۆچی شەمزاوە

هەموو جەرگم لەت لەتە برینداری خەنجەرم
لێوئاڵ تۆ دەرمانم کە ئۆف جوانێ وەرە ژوور سەرم
بە جووت دەستم دەستۆی کەن دەی دەڕم لەسەر سەفەرم
ئای نیزام بۆ خۆم نیزام لێرەکانە سەربازم موبتەلای دوو چاوی بازم
ئای دەڵێم بمدەیە ماچێ ڕێم دوورە دەبێ لازم
ئای دەڵێم بمدەیە ماچێ ڕێم دوورە و پێم دەبێ لازم

کۆپی کردن بێ ئاماژەدان بە سەرچاوە قەدەغەیە
More