site loader
Song image
زاڵم – ئەیووب عەلی

By - ئەیووب عەلی – Eyûb Elî

جێت دەهێڵم بۆ ڕۆژگارێ زاڵم زاڵم زاڵم زاڵم
بێ گلەیی و هیچ پرسیارێ زاڵم زاڵم زاڵم زاڵم
تا ئەو ڕۆژەی پەشیمانی بە دەردی عیشق ئەزانی
ئەپرسی لێم ئەو ڕۆژانەی بە بێ من بووی چۆنت توانی
هەر دێیەوە بۆ باوەشم بەڵام پاشی چۆن بتبەخشم
زاڵمی تۆ بێ باکی تۆ دەرحەق بە عیشقم
پەشیمانم لەو فرمێسکەی بۆ عەشقم ڕشتم

ڕۆژگارم بوو بە دەرد و خەم بڕیارم دا لە یادت کەم
قەت لە دەرگام نەدەیتەوه تازە شادم ناکەیتەوە
کە ڕۆییشتی و دڵم شکا تۆ فرمێسکت لە چاو تکا
بڕۆ ئیتر نەیێیتەوە هەرگیز یادم نەکەیتەوە
هەر دێیەوە بۆ باوەشم بەڵام پاشی چۆن بتبەخشم
زاڵمی تۆ بێ باکی تۆ دەرحەق بە عیشقم
پەشیمانم لەو فرمێسکەی بۆ عەشقم ڕشتم

جێت دەهێڵم بۆ ڕۆژگارێ زاڵم زاڵم زاڵم زاڵم یار
بێ گلەیی و هیچ پرسیارێ زاڵم زاڵم زاڵم زاڵم یار
تا ئەو ڕۆژەی پەشیمانی بە دەردی عیشق ئەزانی
ئەپرسی لێم ئەو ڕۆژانەی بە بێ من بووی چۆنت توانی
هەر دێیەوە بۆ باوەشم بەڵام پاشی چۆن ببەخشم
زاڵمی تۆ بێ باکی تۆ دەرحەق بە عیشقم
پەشیمانم لەو فرمێسکەی بۆ عەشقم ڕشتم

کۆپی کردن بێ ئاماژەدان بە سەرچاوە قەدەغەیە
More
Song image
خۆرنەوازان – ئەیووب عەلی

By - ئەیووب عەلی – Eyûb Elî

لە نیساری خۆرنەوازا تاوێ گوێ بگرە لە ڕازم
هەقم بەڕێ بە جوانی تۆ و ئەم خاکەوە من بنازم
ڕۆژانێک بوو بیر و باوەڕ لە هەموو شت پیرۆزتر بوو
گرەوی گیانبازی وا بوو کێ لەوەی تر دڵسۆزتر بوو
کوا ڕۆژانی بەرائەت و پاکی و سادەیی و ڕاستگۆیی
چەشنی کۆچی ئازیزانمان بە شێنەیی هەمووی ڕۆیی

ئەمێستا کە بە ناچاری ڕێی نامۆیی دەگرینە بەر
ئەوەی ماوە لە ژیانمان لە غەریبی ئەیبەینە سەر
بمبەنەوە بۆ ڕۆژانی پڕ لە یادی خۆشی جاران
بۆ زەمەنی موحیببەت و مەجلیسی گەرمی ئێواران
لە هەر کوێ بین بۆ کوێ بڕۆین هەر نیشتیمان قیبلەمانە
هەر دێینەوە ئەم وڵاتە دوا مەنزڵی هەموومانە

کۆپی کردن بێ ئاماژەدان بە سەرچاوە قەدەغەیە
More
Song image
خەیاڵ – ئەیووب عەلی

By - ئەیووب عەلی – Eyûb Elî

هەموو دونیام تۆ بووی یارم، خەون و خەیاڵ تۆ بووی
چەن خامۆشە دونیام بێ تۆ بۆ کوێ ڕۆشتی ون بووی
بۆچی ون بووی لە چاو یارم وەکوو زەردەی هەتاو
هەرگیز وانەزانی یارم چیرۆکی تۆ تەواو
هەرگیز وانەزانی یار یارم چیرۆکی تۆ تەواو
هەرگیز وانەزانی یارم چیرۆکی تۆ تەواو

تۆ بووی خەندەی لێوم یارم، ئێستاش ئێش و ژانی
هەر عاشقەکەی جارانم، ئەی تۆ بۆچی وا نی
بۆچی ون بووی لە چاو یارم وەکوو زەردەی هەتاو
هەرگیز وانەزانی یارم چیرۆکی تۆ تەواو
هەرگیز وانەزانی یار یارم چیرۆکی تۆ تەواو
هەرگیز وانەزانی یارم چیرۆکی تۆ تەواو

خۆر ئاوا بوو
لە کەنار دەریا چاوەڕێت بووم دڵتەنگ، تەنیا
چاوەڕێت بووم هەر نەهاتی هەر نەهاتی
پۆلێک مەلی ڕەشپۆش هاتن زانییان دڵم خەمبارە
نەخشی دڵێکیان بۆ کێشام بە تابلۆی سەمای ئێوارە
خۆر ئاوا بوو
هەر نەهاتی
هەر نەهاتی

کۆپی کردن بێ ئاماژەدان بە سەرچاوە قەدەغەیە
More
Song image
وەرزی سەفەرە وەرزی دابڕان – ئەیووب عەلی

By - ئەیووب عەلی – Eyûb Elî

ئەمڕۆ دواڕۆژە دوادیدارمانە
دواڕۆژی عەشق و دڵداریمانە
چی بە تۆ بڵێم بۆ ماڵئاوایی
ئەوە من ئەڕۆم بەرەو تەنهایی
وەرزی سەفەرە وەرزی دابڕان
چۆن یەکمان ناسی بۆ ئازار و ژان

ڕەنگە ساڵانێک لەگەڵ ئازارا
لە ناو نامۆیی خەڵکان و شارا
ژین بەسەر بەرم دوور لە عەشقی تۆ
تاکوو دەمکوژێ تاسەی دووری تۆ
وەرزی سەفەرە وەرزی دابڕان
چۆن یەکمان ناسی بۆ ئازار و ژان
وەرزی سەفەرە وەرزی دابڕان
سەختە وەک مەرگە بە بێ تۆ ژیان

با ماڵائاوایی کەین بە یەکجاری
بیدە بە دەستم دوانامە و دیاری
یادگاری ئەمڕۆش بنووسە گیانە
ئەمڕۆ کۆتایی یادگارییەکانە
وەرزی سەفەرە وەرزی دابڕان
سەختە وەک مەرگە بە بێ تۆ ژیان

کۆپی کردن بێ ئاماژەدان بە سەرچاوە قەدەغەیە
More