دڵت بردووم ژیانم پاکی گۆڕا
هەڵتواسی بە کەزیە و بەژنی شۆڕا
بەجێت هێشتووم لەنێو شین و شەپۆڕا
ئەزیزم بۆچی تۆراوی لەخۆڕا
چ قەوماوە دڵی تۆ بۆچی گۆڕا
کە تۆ ڕۆیشتی بۆ من هەر دەرد و غەمە
مەلی شادیم فڕی فرمێسکی چەمە
کەچی هیوام لە ژێر باری ستەمە
ئەتۆ وا زوو لە بیرت کردووم ئەمما
فەرامۆشت نەکەم شەرتە لە گۆڕا
وەتی تۆ زیزی من کارم کراوە
لە ژێر باری خەفەت پشتم چەماوە
گلێنەی چاوەکانم ڕۆ ڕژاوە
لە من ڕا خۆ خەتایێ ڕووی نەداوە
ئەدی بێ مەیلی بۆچ ڕووی دا لە تۆ ڕا
Play 
Pause 
زیادکردن بە ڕیزبەندی 
داگرتن 
By - لەیلا فەریقی Leyla Ferîqî
ئەزیزم بۆچی تۆراوی لە خۆڕا؟
چ قەوماوە، دڵی تۆ بۆچی گۆڕا؟
ئەتۆ وا زوو لە بیرت کردم ئەمما
فەرامۆشت نەکەم شەرتە لە گۆڕا
لە من ڕا خۆ خەتایەک ڕووی نەداوە
ئەدی بێ مەیلی بۆچ ڕوویدا لە تۆ ڕا
ئەسیری کەزیەتە کۆتری دڵی من
دەبێ حاڵی چ بێ کۆتر لە تۆڕا؟
سەر و ماڵ و کەماڵ و بیر و هۆشم
لە نەردی عیشقی تۆدا پاکی دۆڕا
لە چاوم دێ بە خوڕ فرمێسکی خوێنین
کەچی ئەم گۆمە خوێنە هەڵنەچۆڕا
من و لاشەی پەپوولە ماینەوە و بەس
شەوی دووری، شەمیش تواوە لە خۆڕا
هۆنراوە: #هێمن
