site loader
Song image
کوردینە – کیژان ئیبراهیم

By - کیژان ئیبراهیم

کوردینە با پێکەوە
دەست لە ناو دەست تەبا بین
دژی زوڵمی داگیرکەران بین
هەموو لە ژێر یەک ئاڵا
بۆ ژیان بۆ ئازادی
خەباتگێڕی خاک و وڵات بین

ئاخر بۆچی لەسەر قژی
نەیانهێلا ژینا بژی
بۆ لە ناوەڕاستی شارا
کوری کورد ئەکرێ بەدارا
کوردینە با پێکەوە
دەست لە ناو دەست تەبا بین
دژی زوڵمی داگیرکەران بین
هەموو لە ژێر یەک ئاڵا
بۆ ژیان بۆ ئازادی
خەباتگێڕی خاک و وڵات بین

تا کەی خوێنی کورد بڕێژن
تا کەی ئاواتمان بنێژن
با ئیتر بەس بێ نادادی
بۆ بێبەش بین لە ئازادی
کوردینە با پێکەوە
دەست لە ناو دەست تەبا بین
دژی زوڵمی داگیرکەران بین
هەموو لە ژێر یەک ئاڵا
بۆ ژیان بۆ ئازادی
خەباتگێڕی خاک و وڵات بین

کۆپی کردن بێ ئاماژەدان بە سەرچاوە قەدەغەیە
More
Song image
کوڵەنجە ڕێ ڕێ – کیژان ئیبراهیم

By - کیژان ئیبراهیم

هۆ کوڵەنجە ڕێ ڕێ هەستە بەیانە
تا بەیەک دەگەین ئەی هاوار ئاخر زەمانە
خۆزگە لەم دنیا ئەی هاوار تۆیان ئەدا پێم
چش با لەو دنیا ئەی هاوار دۆزەخ بوایە جێم

هۆ کوڵەنجە ڕێ ڕێ هەستە بەیانە
تا بە یەک دەگەین ئەی هاوار ئاخر زەمانە
هیچکەس وەکوو من ئەی هاوار نەکەوێ کۆستی
نەڕوانێ لە شوێن ئەی هاوار کۆچەکەی دۆستی

کۆپی کردن بێ ئاماژەدان بە سەرچاوە قەدەغەیە
More
Song image
کەتان کەتانە – کیژان ئیبراهیم

By - کیژان ئیبراهیم

پەنای هیوا و خەوبینینم
ئاواتی گیانی شیرینم
ئەوسا کە تۆم نەدیبوو
ژینم تاڵی و ترشی بوو
بێ شادی و ئارام
بێ هیوا و ناکام
ئەژیام: ژینی سەرسەری
نەمبوو کەس
بۆ ڕابەری
تۆیت و بەس

کەتان کەتانە و باوانم عەمرم کەتانە
دەمکوڵ دەم بێنە و باوانم دەم بچکۆلانە
کەتانە خاڵ دانەدانە
بە برژانگی چاو بۆیە خۆشحاڵم
خاکی بەر دەرگای تۆی پێ ئەماڵم
کەتانە خاڵ دانەدانە
کام ڕەشی ئەگا بە ڕەشیی چاوی
برژانگی، برۆی، ئەگریجەی خاوی
کەتانە خاڵ دانەدانە
کەتان کەتانە و باوانم عەمرم کەتانە
دەمکوڵ دەم بێنە و باوانم دەم بچکۆلانە
کەتانە خاڵ دانەدانە

کۆپی کردن بێ ئاماژەدان بە سەرچاوە قەدەغەیە
More