site loader
Song image
زمانی دایک – کانی

By - کانی Kanî

مەلان کاتێ لە باغان پۆل دەبەستن
درەخت کاتێ لەبەر باران دەوەستن
کە نەیزاری قەراخ گۆلاو لەبەر با
وەکوو شمشاڵژەنێ شمشاڵ بەدەستن

مرۆڤی سەر زەوی کاتێ کە شادن
کە غەمبارن، کە هۆشیارن، کە مەستن
کە گیانداران لەبەر ئازار دەناڵن
دەنا کاتێک ئەویندار و بەهەستن
هەمووی بەزمانی خۆی دەدوێ و دەخوێنێ
ئەدی بۆچی زمانی من دەبەستن؟

کۆپی کردن بێ ئاماژەدان بە سەرچاوە قەدەغەیە
More
Song image
ڕەفیقان نەورۆزە- عەدنان کەریم و کانی

By - کانی Kanî

بە بەرگی سەوزە ڕازاوە قەد و لاپاڵ و شیو و دۆڵ
چرۆی دەرکردووە دار و ملی دا یەکتری گیاوگۆڵ
بەسەر بەفری کەویدا کرد شەماڵی خاکەلێوە خۆڵ
ڕەفیقان ڕۆژی کوردانە بەهارە جێژنی نەورۆزە
بەدڵ لێتان دەکەم لەو ڕۆژەدا من جێژنە پیرۆزە

بەسۆزەی بای بەیان لێوی کراوە خونچەیی خەندان
لەسەر چڵ بلبلی شەیدا لە خۆشی گوڵ دەڵێ بەندان
بەجێ هات ئارەزووی لاوان و گەرمە کۆڕی گۆوەندان
ڕەفیقان ڕۆژی کوردانە، بەهارە جێژنی نەورۆزە
بەدڵ لێتان دەکەم لەو ڕۆژەدا من جێژنە پیرۆزە

لە خۆی داوە بەرەڵبێنە کچی کابانی گەردن کێل
بەناز و غەمزە دەڕوانێ، دەکا شینکەی نەرم پێشێل
لەگەڵ بۆنی وەنەوشە تێکەڵاون بۆنی عەتر و هێل
ڕەفیقان ڕۆژی کوردانە، بەهارە، جێژنی نەورۆزە
بەدڵ لێتان دەکەم لەو ڕۆژەدا من جێژنە پیرۆزە

لە دنیادا کەمە هاوتای بەهاری جوانی کوردستان
ئەویش ئەوساڵ کە لایێکی نەجاتی بوو لەژێر دەستان
لە خۆشی ئەو وڵاتە شاعیریش بۆتە هەزار دەستان
ڕەفیقان ڕۆژی کوردانە، بەهارە، جێژنی نەورۆزە
بەدڵ لێتان دەکەم لەو ڕۆژەدا من جێژنە پیرۆزە

کۆپی کردن بێ ئاماژەدان بە سەرچاوە قەدەغەیە
More
Song image
شیشەی بەتاڵ

By - کانی Kanî

سەر کە جۆشێکی نەبێ من زرکە تاڵم بۆ چیە!
دڵ کە هۆشێکی نەبێ شیشەی بەتاڵم بۆ چیە!

تەجرەبەی عاشق بە سووتانی دەکرد ئەو زاڵمە
سەیری کەن ئێستا ئەڵێ مشتێ زوخاڵم بۆ چیە!
سەر کە جۆشێکی نەبێ من زرکە تاڵم بۆ چیە!
دڵ کە هۆشێکی نەبێ شیشەی بەتاڵم بۆ چیە!

پێیی بە سەرما نا کە بوومە خاکی ڕێی گەردم شوکر
گەییە دامێنی دەڵاڵی بای شەماڵم بۆ چیە!
سەر کە جۆشێکی نەبێ من زرکە تاڵم بۆ چیە!
دڵ کە هۆشێکی نەبێ شیشەی بەتاڵم بۆ چیە!

کۆپی کردن بێ ئاماژەدان بە سەرچاوە قەدەغەیە
More
Song image
دوو دڵ

By - کانی Kanî

دڵێ ئێژێ بڕۆم بڕۆم
دڵەی دیم ئێژێ نەڕۆم نەڕۆم
لەم دوو دڵییەدا هاوار خوایە
کوانێ ڕێگایە

دڵێ ئێژێ ئەی دێوانە
چۆن ئەڵێی ناچمە ئەو جێژوانە
دڵەی دیم ئێژێ ئەم دڵ بەردە
بۆ تۆ هەر دەردە

دەستەو ئەژنۆ وا دۆش داماوم
لەنێوان دوو بەرداشا ماوم
سیس و زەرد وەک گەڵای بێ ئاوم
سەر لێ شێواوم

چەن جار سەرت بە شانمەوە ناوە
پەیمانی دڵداریت پێم داوە
یاری من بی تا دونیا ماوە
بۆچی باتداوە؟

کۆپی کردن بێ ئاماژەدان بە سەرچاوە قەدەغەیە
More