site loader
Song image
تۆ بەڵێنم پێ بدە

By - کامەران ساڵح

تۆ بەڵێنم پێ بدە با من بەرەو ژوان ببمەوە
بمدەرێ ماچێکی تەڕ لەو لێوە، با جوان ببمەوە

شێخی سەنعان بۆ کچی گاور لە ئیمان وەرگەڕا
من خەریکە بۆ کچە شێخێ پەژیوان ببمەوە
تۆ بەڵێنم پێ بدە با من بەرەو ژوان ببمەوە
بمدەرێ ماچێکی تەڕ لەو لێوە، با جوان ببمەوە

دەستی لەرزۆکم هەتا تێیدایە هێزی بەی گوشین
لێم گەڕێ تاوێ لە باغی سینە میوان ببمەوە
تۆ بەڵێنم پێ بدە با من بەرەو ژوان ببمەوە
بمدەرێ ماچێکی تەڕ لەو لێوە، با جوان ببمەوە

کۆپی کردن بێ ئاماژەدان بە سەرچاوە قەدەغەیە
More
Song image
بەهارە بولبول

By - کامەران ساڵح

بەهارە بولبول، بولبول بەهارە
سەرەتای ناڵەی ئەزیزەکەم سەودایی زارە
وەرە بناڵین بە جووت لە شەودا
ئێمە شەوبێدار ئەزیزەکەم، بێ خەم لە خەودا
وا بەری بەیان سپێدەی نواند
تەم و تاریکیی ئەزیزەکەم لە گوڵشەن ڕواند
دەشت و کێو هەمووی بە گوڵ خەمڵیوە
بەرگی بووکێنی ئەزیزەکەم تازەی پۆشیوە
هەوری بەهاریی لە گەرد و خولدا
چیمەن گەردانەی ئەزیزەکەم شەونم لە ملدا
لاگیرەی زێڕە قەتارەی گوڵزار
هەیاسەی پشتە ئەزیزەکەم زنجیرەی ڕووبار
پەڕەندەش ئەچنە سەر لقی درەختان
هەر یەک ئاوازێ ئەزیزەکەم ئەڵێن بۆ بەیان
پۆڕ بە گەناسە و قومری بە ئاواز
بوون بە دوو یاریئەزیزەکەم هاودەم و هاوڕاز

کۆپی کردن بێ ئاماژەدان بە سەرچاوە قەدەغەیە
More