site loader
Song image
دایە گیان بگری لەسەر خاکم

By - ژینا سەقزی Jîna Seqzî

دایه گیان بگری له سەر خاکم کەوا شینم دەوێ
زۆر بگریێ دایه گیان فرمێسکی خوێنینم دەوێ
من گوڵی سەد ئارەزووی ژینم لە خاکا خەوتووە
خاکی مەیدانی خەبات ڕەنگینی خوێنی من بووە
دامەنیشە دایە گیان بۆ هاتنی من چاوەڕێ
دڵنیا بە، بەسیەتی، بۆ دەنگی دەرگا مەگرە گوێ
دایە گیان سوێندم به فرمێسکی گەش و ئێشی دڵت
دایە گیان سوێندم به جەور و مەینەتی بێ حاسڵت
من دەمێکە جەرگی سووتاندووم هەناسەی سەردی گەل
دڵپڕی کردووم خەمی دەسکورتی و ڕەنگی زەردی گەل
هەر وەکوو بێگانەیێ دڵ پڕ لە ناکامی و گرێ
لەم هەموو دەستە نەبوو دەستێ کە بێ و دستم گرێ
من له شاری خۆم غەریب و بۆ هەموو بێگانه خوم
کۆتری کوژراوی ڕێگای لانه خوم بێ لانه خۆم

کۆپی کردن بێ ئاماژەدان بە سەرچاوە قەدەغەیە
More
Song image
دوێنێ شەو بینیم لە خەوێ

By - ژینا سەقزی Jîna Seqzî

دوێنێ شەو بینیم لە خەوێ
لەسەر جێی بەر مانگەشەوێ
خۆم خزاندە سەر جێی فێنک
نەمهێشت بەر هەناسەم کەوێ

قژی خاوی
بالێداوی، ئاڵۆزاوی
جار جار دایدەپۆشت لاچاوی
خوایە گیان چەندم خۆش دەوێ

زۆر بە ئەسپایی و بە نەرمی
دەمم برد بۆ لێوی گەرمی
چاوی هەڵهێنا و پێی گوتم
خەونم ئەدی تۆ هاوسەرمی

نەیهێشت هەستم
گرتی دەستم، لێوی گەستم
موچڕکێکی خۆشی دایگرت
سەرتاپای هەناو و هەستم

وێکڕا تا مەلا بانگدانێ
تێکئاڵان و دەس لە ملانێ
لە ناکاو دەنگی مەلای هات
دایبڕیم لە بەژنی جوانی

بە سەرسامی
بە ناکامی، بە ئارامی
بەجێم هێشت بەهەشتی خەونم
چاوم پڕ بوو لە گریانی

کۆپی کردن بێ ئاماژەدان بە سەرچاوە قەدەغەیە
More
Song image
گریانی نیوەشەو

By - ژینا سەقزی Jîna Seqzî

شەوانە ئەو دەمانەی شەو دەگاتە کاتی نیوەی شەو
خەڵک نووست و لە چاوی من کەسەر دیسان ڕەواندی خەو
سکوتێکی بەسام سەرتاسەری ئەم دێیە دادەگرێ
دەڵێی هەر زیندەوارێکی هەیە لەم دێیەدا دەمرێ
تەک و تەنیا بە ئارامی دەچم بۆ گردەکەی بەر دێ
بە دڵتەنگی و کز و خەمناکی ڕادەکشێم لەسەر بەردێ
دەکەم جا سەیری ئەستێران و هەڵدەمژم شنەی شەوبا
شەو بێدەنگی چ خۆشە هەمیشە خۆزگە هەر شەو با
وەکوو ئاواڵی چاک ئەستێرەکان گوێ ڕادەدێرن بۆم
هەتا بۆیان بەیان کەم موو بە موو ڕازی دەروونی خۆم
کوڵم هەڵدەستێ و ئەو جارە لەبەر دەردم دەناڵێنم
هەتا ئاگری دڵم دەکوژێتەوە ئەسرین دەبارێنم
شەوانە گەر نەکەم ئەو شیوەن و ناڵین و گریانە
دەسووتێنێ وجوودم ئاگری ئەم جەرگە بریانە
بەڵێ گریانی نیوەی شەو دەکا ناسۆری دڵ مەرحەم
کوڵ و کۆم دادەمرکێنێ و بەجێ دێڵێ دڵی من خەم

لەت لەتە جەرگم کەسەکەم بۆ دیارت نییە
بۆچی مەیلەکەی جارانت نییە

کۆپی کردن بێ ئاماژەدان بە سەرچاوە قەدەغەیە
More
Song image
کەویار

By - ژینا سەقزی Jîna Seqzî

کەویار ئەی کەویار خاس کەویارێکی
دەم تەڕ و لێوئاڵ ئەی هاوار عەجەب یارێکی
وەنەوشەم دەچنی مەڵۆ بە مەڵۆ
خەڵکان پێی شاد بوون ئەی هاوار ئەمنیش ڕەنجەڕۆ
کەویار ئەی کەویار کەویاری خۆمی
کەویار ئەی کەویار ئەردەڵانییە
سەوزەی قەدباریک ئەی هاوار موکوریانییە
وەنەوشەم دەچنی پەنجەم دا لە گوڵ
شەوگارم شەق کرد ئەی هاوار نەگەییم بە دڵ
کەویار ئەی کەویار کەویاری خۆمی
بەڕەزای شاخان ئەڵڵا دەی کەنێرەی چۆمی
بەڕەزای شاخان ئەی هاوار کەنێرەی چۆمی

کۆپی کردن بێ ئاماژەدان بە سەرچاوە قەدەغەیە
More