site loader
Song image
ئەی بەژن ڕێک

By - ڕەوا جەمال

هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری
هەر ئەوەندەم دیوە چاوت چووە لە ژێر برژانگی ڕەش
وەک گەلاوێژ شوێن مەبەستت بۆ سەرنجێک ئاڵ و گەش
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری

دێم لە چاوی عەشقی تۆوە بۆ ژیان هەنگاو ئەنێم
مەست ئەبم بەو بۆنە خۆشە و بەستە بۆ چاوت ئەڵێم
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری

وەک پەپوولە گیانی تینووم بۆ قومێ عەتری نیگات
دێت و دەڕوا هەر شنەی دێ تا بە برژانگت بگات
هەی بەژن ڕێک لەنجە جوان خاوەن سەرنج شێوەت پەری
بۆ نیگایێک بێ تۆ شەیدام باڵی شیعرم هەڵوەری

کۆپی کردن بێ ئاماژەدان بە سەرچاوە قەدەغەیە
More
Song image
کوشتمت بە لەنجە و لار

By - ڕەوا جەمال

کوشتمت بە لەنجە و لار ئەی زاڵم ئەی زۆردار
ئاه و حەسرەتی من مەینەتی و خەفەتی من
هەمووی بە بۆنەی تۆیە تۆ بۆ من بووی دوژمن
هەمووی بە بۆنەی تۆیە خەڵکی لێم بۆتە دوژمن

بۆ دووریتە ئەیڕێژم ئەشکی خوێنینم بە تاو
یادەکانت هیچ ساتێ لێم ون نابێ لەبەر چاو
تۆ ئاواتی دنیام بووی ماڵاوات کرد لە ناکاو
کوشتمت بە لەنجە و لار ئەی زاڵم ئەی زۆردار
ئاه و حەسرەتی من مەینەتی و خەفەتی من
هەمووی بە بۆنەی تۆیە خەڵکی لێم بۆتە دوژمن
هەمووی بە بۆنەی تۆیە تۆ بۆ من بووی بە دوژمن

کۆپی کردن بێ ئاماژەدان بە سەرچاوە قەدەغەیە
More
Song image
جوانی بێ ناو

By - ڕەوا جەمال

قژکاڵی لێوئاڵی پرشنگی نیگاکاڵ
ئەی کچە جوانەکەی سەر گۆنا نەختێ ئاڵ

ئەی کچە مەنگەکەی بە دەنگی چپە دوو
گەندەمووی دەموچاو مەچەک هەڵنەگرتوو
ئەی ئەندام وردیلەی نەرمۆڵەی ئێسک سووک
ئەی بەرگی ساکارت دڵگیرتر لە هی بووک

ڕاستە من ڕێبوارم، سەرپێیی ئەڕوانم
بەڵام وا جوانیی تۆ کاری کرد لە گیانم
ئەڵێی نەک هەر ئێستا عومرێکی درێژە
بەو دەست و پەنجانەت برینم ساڕێژە
قژکاڵی لێوئاڵی پرشنگی نیگاکاڵ
ئەی کچە جوانەکەی سەر گۆنا نەختێ ئاڵ

کانییەکی ڕوونی بەر تریفەی مانگەشەو
لە بنیا بلەرزێ مرواریی زیخ و چەو
جوانترە لە لای من لە دەریای بێ سنوور
شەپۆلی باتە بەر تیژگی خۆر شڵپ و هووڕ
قژکاڵی لێوئاڵی پرشنگی نیگاکاڵ
ئەی کچە جوانەکەی سەر گۆنا نەختێ ئاڵ

کۆپی کردن بێ ئاماژەدان بە سەرچاوە قەدەغەیە
More
Song image
نەمردم من ئەگەر ئەمجارە بێ تو و قوربانی وەفاتم

By - ڕەوا جەمال

نەمردم من ئەگەر ئەم جارە بێ تۆ
نەچم شەرت بێ هەتا ئەو خوارە بێ تۆ

بیناییم کوێرە هەڵنایێ بە ڕووی کەس
موژەم یەک یەک ئەڵێی بزمارە بێ تۆ

لەکن تۆ خار و خەس گوڵزارە بێ من
لە لای من خەرمەنی گوڵ خارە بێ تۆ

لە لای من با وجوودی ناس و ئەجناس
کەسیکەی تیا نییە ئەم شارە بێ تۆ

هەموو ڕۆژێ لە تاو هیجرانی ئەمساڵ
تەمەننای مردنی پێرارە بێ تۆ

ئەو سیلسیلە وا موشکی خەتا ناوی براوە
پڕپێچ و شکەن، خەم بە خەم و حەڵقە کراوە
بێرەوە گوڵە گیان ئارامی دڵ و گیان
بۆچی بەجێت هێشتووم وەرەوە بۆ جێژوان
قوربانی وەفاتم تا ماوە حەیاتم
قوربانی وەفاتم هەر خۆم بە تەماتم

یان هەوری سیاتارە کە مانیع لە هەتاوە
یان دووکەڵی جەستەی منە بەو شەمعە سووتاوە
بێرەوە گوڵە گیان ئارامی دڵ و گیان
بۆچی بەجێت هێشتووم وەرەوە بۆ جێژوان
قوربانی وەفاتم تا ماوە حەیاتم
قوربانی وەفاتم هەر خۆم بە تەماتم

لەو لایە بە ئەو لاوە کە بەم لاوە کشاوە
یان یاسەمەنی خاوە بە ڕووی ڕۆژە ڕوواوە
بێرەوە گوڵە گیان ئارامی دڵ و گیان
بۆچی بەجێت هێشتووم وەرەوە بۆ جێژوان
قوربانی وەفاتم تا ماوە حەیاتم
قوربانی وەفاتم هەر خۆم بە تەماتم

کۆپی کردن بێ ئاماژەدان بە سەرچاوە قەدەغەیە
More