کێ دەزانێ یارم کێیە، چکارەیە و خەڵکی کوێیە
نە جەندەرمە و نە پاسدارە، نە عەسکەرە و نە بێکارە
باڵابەرز و کەڵەگەتە، هیوای دواڕۆژی میللەتە
چاوم باڵاگەردانی بێ، دڵم حەیرانی گیانی بێ
دە لۆ لۆ لۆ لۆ لۆ لێیە، لە کوردستان خۆشتر کوێیە
هەر دەم چاوم هەر لە ڕێیە، موژدەی ئازادی مەی پێیە

براکەی ئەو گەریلایە، خەمی گەلی لە دڵدایە
ناسنامەی ئەو کۆبانیە، ترس بێت لە دڵیدا نییە
یاری خۆمە و خۆشم دەوێ، قەزای ئەو لە چاوم کەوێ
من بە تەنها ئەوم دەوێ، قەد لە بەر چاوم ناکەوێ
دە لۆ لۆ لۆ لۆ لۆ لێیە، لە کوردستان خۆشتر کوێیە!؟
هەر دەم چاوم هەر لە ڕێیە، موژدەی ئازادی مەی پێیە

شەڕە دایە، شەڕە دایە، خەمی دونیام لە دڵدایە
دڵم پڕە وەڵا دایە، سەرم دێشێ و خەوم نایە

بەڵێ دایە من پێم وایە، لە چارەنووسی مندایە
ئەو لە عەشقی وڵاتدایە، من لە خەمی ئەو دام دایە
نها دیارە یارم کێیە، چ کارەیە و خەڵکی کوێیە
ڕۆح و دڵی ئەم گەلەیە، پێشمەرگەیە پێشمەرگەیە
هەر دەم چاوم هەر لە ڕێیە، موژدەی ئازادی مەی پێیە

Kê dezanê yarim kêye, çi kareye û xelkî kwêye
Ne cenderme û ne pasdare, ne eskere û ne bêkare
Balaberz û kelegete, hîway dwarojî mîlete
Çawim balagerdanî bê, dilim heyranî giyanî bê
De lo lo lo lo lo lêye, le Kurdistan xoştir kwêye
Her dem çawim her le rêye, mujdey azadî mey pêye

Birakey ew Gerîlaye, xemî gelî le dildaye
Nasnamey ew Kobanye, tirs bêt le dilîda nîye
Yarî xome û xoşim dewê, qezay ew le çawim kewê
Min be tenha ewim dewê, qed le ber çawim nakewê
De lo lo lo lo lo lêye, le Kurdistan xoştir kwêye
Her dem çawim her le rêye, mujdey azadî mey pêye

Şere daye, şere daye, xemî dunyam le dildaye
Dilim pire wela daye, serim dêşê û xewim naye

Belê daye min pêm waye, le çarenûsî mindaye
Ew le eşqî wilatdaye, min le xemî ew dam daye
Niha dîyare yarim kêye, çi kareye û xelkî kwêye
Roh û dilî em geleye, Pêşmergeye Pêşmergeye
Her dem çawim her le rêye, mujdey azadî mey pêye

کەرکووک ئەی غونچەی هەڵوەریو
تاسەی خنکاو، هۆ خۆر نەدیو
بێنازەکەم خانەی دزراو
هۆ خەندەی من، ئەی کلی چاو
ساڵ هات و چوو بە هێمنی
تۆ هەر دەزگیرانی منی
خۆشەویست و یاری منی
تۆ گۆرانی و دەنگی منی

دڵدارەکەم بابەگوڕگوڕ کاتێ هاتم ئەگەر وتم
بابەگوڕگوڕ بەگوڕ هاتووم بۆ کوڕ هاتووم
باوڕ نەکەی
ئەمجارەیان بۆ ڕاز هاتووم
منداڵێکی برسی و ڕووتم
لە خوانەی بەر ئاگردانت
بۆ ژین هاتووم، بۆ ژین هاتووم

بابەگوڕگوڕ باوانەکەم ئەگەر شەوێ کەسێ نامۆ
ئەگەر بەژنێ ماندوو و داماو غەریبە بە چاوەکانی تۆ
دەست و باسکی نەبوونەوە نەبوونەوە لە گەردنت
هەر نەیتوانی هیچ شتێ بڵێ هەر وردبووەوە لە جوانی تۆ

ئەوە منم هاتووم بۆ لات
برسی و ڕووت و عاجز و مات
لانەواز و شڕۆڵە و لات
هاتووم لێت دەپاڕێمەوە
هانێ کوڕەکەم بەرەوە
هەتا مردن مەمدەرەوە
تەنها ڕەگی دووبەرەکیم
لە ناخەوە بۆ ببڕەوە
ساڵ هات و چوو بە هێمنی
تۆ هەر دەزگیرانی منی
خۆشەویست و یاری منی
تۆ گۆرانی و دەنگی منی

هۆنراوە: بورهان موفتی

دیسان باسی تۆیان بۆم کرد
دیسان گڕیان لە دڵ هەڵکرد
گەڕامەوە ڕۆژانی زوو
کە نەمزانی چۆن بەسەرچوو
هەر کە ناوی تۆیان هێنا
عیشقت هانای بۆم ئەهێنا
یادگارییەکان هێندە خۆش بوون
تەزوویان بە دڵ دەهێنا
هەرچەن دوور بی عەزیزتری
تۆ لە ڕۆحم شیرینتری
دەشت و دەریا نێوانمان بێ
لە خۆم بۆ خۆم نزیکتری
دیسان باسی تۆیان بۆم کرد
دیسان گڕیان لە دڵ هەڵکرد
گەڕامەوە ڕۆژانی زوو
کە نەمزانی چۆن بەسەرچوو

تۆ نە خەونی نە خەیاڵی
نە سنوورێکی مەحاڵی
لە چ وەرزێکدا هەڵ بکەی
خەمەکانم ڕادەماڵی
هەرچەن دوور بی ئازیزتری
تۆ لە ڕۆحم شیرینتری
دەشت و دەریا نێوانمان بێ
لە خۆم بۆ خۆم نزیکتری
دیسان باسی تۆیان بۆم کرد
دیسان گڕیان لە دڵ هەڵکرد
گەڕامەوە ڕۆژانی زوو
کە نەمزانی چۆن بەسەرچوو

هەوڵ مەدە جارێکی تر نامەی درۆ بنێری بۆم
هەواڵ بە کەسیش مەنێرە با ئارام بێ سینەی پڕ سۆم
بە جۆرێ دڵت شکاندووم بێزار بوومە لە ناوی خۆم
وا تەوقی عیشقت ئەشکێنم تا نەزانی ئەسیری تۆم
بڕیارم دا لە داخی تۆ سەر هەڵگرم لێرە بڕۆم
تازە دڵم ڕۆشن ناکەی هەر دە پەنجەت بکەی بە مۆم
هەوڵ مەدە جارێکی تر نامەی درۆ بنێری بۆم
هەواڵ بە کەسیش مەنێرە با ئارام بێ سینەی پڕ سۆم

هەوڵ مەدە جارێکی تر نامەی درۆ بنێری بۆم
هەواڵ بە کەسیش مەنێرە با ئارام بێ سینەی پڕ سۆم
باوەڕ بە گریانت ناکەم تازە سۆزم بۆت نەماوە
لە لوتکەدا حەزت کوشتم ناڵەی دڵت خستە لاوە
بڕیارم دا لە داخی تۆ سەر هەڵگرم لێرە بڕۆم
تازە دڵم ڕۆشن ناکەی هەر دە پەنجەت بکەی بە مۆم
هەوڵ مەدە جارێکی تر نامەی درۆ بنێری بۆم
هەواڵ بە کەسیش مەنێرە با ئارام بێ سینەی پڕ سۆم