دوێنێ شەو بینیم لە خەوێ
لەسەر جێی بەر مانگەشەوێ
خۆم خزاندە سەر جێی فێنک
نەمهێشت بەر هەناسەم کەوێ

قژی خاوی
بالێداوی، ئاڵۆزاوی
جار جار دایدەپۆشت لاچاوی
خوایە گیان چەندم خۆش دەوێ

زۆر بە ئەسپایی و بە نەرمی
دەمم برد بۆ لێوی گەرمی
چاوی هەڵهێنا و پێی گوتم
خەونم ئەدی تۆ هاوسەرمی

نەیهێشت هەستم
گرتی دەستم، لێوی گەستم
موچڕکێکی خۆشی دایگرت
سەرتاپای هەناو و هەستم

پێکڕا تا مەلا بانگدانێ
تێکئاڵان و دەس لە ملانێ
لە ناکاو دەنگی مەلا هات
دایبڕیم لە بەژنی جوانێ

بەسەرسامی
بە ناکامی، بێ ئارامی
بەجێم هێشت بەهەشتی خەونم
چاوم پڕ بوو لە گریانێ

Dwênê şew bînîm le xewê
Leser cêy ber mangeşewê
Xom xizande ser cêy fênik
Nemhêşt ber henasem kewê

Qijî xawî
Balêdawî, alozawî
Car car daydepoşt laçawî
Xwaye giyan çendim xoş dewê

Zor be espayî û be nermî
Demim bird bo lêwî germî
Çawî helhêna û pêy gutim
Xewnim edî to hawsermî

Neyhêşt hestim
Girtî destim, lêwî gestim
Muçirkêkî xoşî daygirt
Sertapay henaw û hestim

Pêkra ta mela bangdanê
Têkalan û des le milanê
Le nakaw dengî mela hat
Daybirîm le bejnî ciwanê

Besersamî
Be nakamî, bê aramî
Becêm hêşt beheştî xewnim
Çawim pir bû le giryanê