نا نا بۆ سووتان نا بۆ خۆسووتان
هۆ ئافرۆتیتەکانی کوردستان
نا نا بۆ دۆزەخ نا بۆ ئاگردان
بەڵێ بۆ شادی و بەهەشتی ژیان
جەستەی ئێمەی ژن کانی ژیانە
هەست و سۆزێکی پڕ لە بارانە
هەناسەی ئێمە بای ئازاداییە
هاوار و دادمان بۆ بێدادییە
نا نا بۆ سووتان نا بۆ خۆسووتان
هۆ ئافرۆتیتەکانی کوردستان
نا نا بۆ دۆزەخ نا بۆ ئاگردان
بەڵێ بۆ شادی و بەهەشتی ژیان

ئێمە وەک تاجی جوانی جیهانین
فریشتەی کانی، پاک و ڕەوانین
دڵمان دەریایە بۆ میهرەبانی
ئاوێنەیە بۆ دیمەنی جوانی
ژیلەمۆ و ئاگر دەبنە خۆڵەمێش
کۆتایی پێ دێ گشت ئازار و ئێش
دژی ئاگرین دژی سووتانین
لەگەڵ یەکسانی و ژیان و مانین
نا نا بۆ سووتان نا بۆ خۆسووتان
هۆ ئافرۆتیتەکانی کوردستان
نا نا بۆ دۆزەخ نا بۆ ئاگردان
بەڵێ بۆ شادی و بەهەشتی ژیان

چۆن دڵت هات جێم بێڵی من کێم هەبوو لە تۆ زیاتر
لە دووری وا هەست ئەکەم کەس نییە لە من تەنیاتر
ئەوندە بۆ من پێویست بووی وەک هەناسەم وەکوو گیانم
لەوساکەوەی بە جێت هێشتووم بەهاری ناو ژیانم
خۆ من هەستم بەرانبەرت وەکوو کڵپەی ئاگر وابوو
خۆ من چی سۆزم شک ئەبرد هەموویم هەر بە تۆ دابوو

چۆن دڵت هات جێم بێڵی من کێم هەبوو لە تۆ زیاتر
ئێستا بێ تۆ کەسێ نییە بەختی لە هی من سیاتر
وەک ساوا چۆن هەر ئامێزی گەرمی دایکی خۆی پێ خۆشە
ڕۆحی داگیرساوی منیش تەنیا بۆ تۆ بە پەڕۆشە
خۆ من هەستم بەرانبەرت وەکوو کڵپەی ئاگر وابوو
خۆ من چی سۆزم شک ئەبرد هەموویم هەر بە تۆ دابوو

من تێناگەم چۆن ئەتوانی ئەم عەشقە لەبیر بەیتەوە
بۆ کوێ بڕۆی حەسرەتی من لە سێبەرت نابێتەوە
هەر مەنفایەک پەلت بگرێ بو بارگەت لە هەر کوێیەک دانێی
دڵنیا بە هیچ دونیایێک وەک دونیای من خۆشی ناوێی
بێجگە لە من کێ شک ئەبەیت ئەو هەموو سۆزەت پێ بدات
کێ وەکوو من مەملەکەتی دڵی خۆیت تەسلیم ئەکات
من تێناگەم چۆن ئەتوانی ئەم عەشقە لەبیر بەیتەوە
بۆ کوێ بڕۆی حەسرەتی من لە سێبەرت نابێتەوە

کێ هەیە وەک من بتوانێ زەمینت بێ و ئاسمانت بێ
کێ وەکوو من نازدارەکەم تا دوا دڵۆپ بارانت بێ
من دڵنیام وەک تارمایی ئەتبینم و قەت پێت ناگەم
بەس نازانم چۆن جێت هێشتم چۆن بوو توانیت قەت تێناگەم
من تێناگەم چۆن ئەتوانی ئەم عەشقە لەبیر بەیتەوە
بۆ کوێ بڕۆی حەسرەتی من لە سێبەرت نابێتەوە

پێکەوە دنیایەکین بێ کۆتایی
لە سێبەری ژووانی ئاو
هەمیشە تۆ هەی
چاوەڕوانی تیشکی خۆر بووی
بەیانی دێت و خۆت ئەبینی
نە تۆ لە خاک ئەبیتەوە و نە من لە تۆ
تۆ لە هەستی باران
تۆ لە ڕەنگی بەفر
تۆ لە دەنگی ئاو
تۆ تۆ
من تەنیا هەر تۆ شک ئەبەم

شەوێک نەبوو سەرم دەنگی تۆی تیا نەنێوێ
ڕۆژێک نەبوو سینگم خەمی تۆی تیا نەرێوێ
نە تۆ لە خاک ئەبیتەوە و نە من لە تۆ
تۆ لە هەستی باران
تۆ لە ڕەنگی بەفر
تۆ لە دەنگی ئاو
تۆ تۆ
من تەنیا هەر تۆ شک ئەبەم