site loader
Song image
کوردستانی جوان نیشتمانی جوان

By - مەزهەر خالقی Mazhar Xaliqî

کوردستانی جوان نیشتمانی جوان
کوردستانی خۆش نیشتمانی جوان
تۆ قیبلەگاەی منی بێگومان
چاوم پشکووتووی شاخەکانتە
فێری ژیانی باخەکانتە
دەنگی شمشاڵی شوانەکانت
خوڕەی ئاوەکەی نشیوەکانت

نەونەمامێ بووم لەم خاکە ڕوام
بە خۆشەویستی وڵات ئاو درام
خۆشی ژیانم خۆشی ژینتە
ئێشی ژینی من ڕۆژی شینتە
چونکە کوردستان نیشتمانی جوان
تۆ قیبلەگاهی منی بێگومان

ئەرێ وڵاتم وڵاتی زۆر جوان
ژیان هەر بۆ تۆ، بۆ دوژمن نەمان
چالاکی و خەبات سەربەرزی و ژیان
لەپێناوتە سەر و ماڵ و گیان
چونکە کوردستان نیشتمانی جوان
تۆ قیبلەگاهی دڵی بێگومان

کوردستانی خۆش نیشتمانی جوان
تۆ قیبلەگاهی منی بێگومان
چاوم پشکووتووی شاخەکانتە
فێری ژیانی باخەکانتە
دەنگی شمشاڵی شوانەکانت
خوڕەی ئاوەکەی نشیوەکانت

کۆپی کردن بێ ئاماژەدان بە سەرچاوە قەدەغەیە
More
Song image
شیرین شیرینە شیرین شەمامە

By - مەزهەر خالقی Mazhar Xaliqî

بە بەردی فیرقەتت شیشەی دڵی ئاوارە مەشکێنە
لەناو زومرەی ڕەقیبانا شێخی بێچارە مەشکێنە
شیرین شیرینە شیرین شەمامە
ساتێ نەتبینم خەوم حەرامە
ئەگەر نەتبینم خەوم حەرامە

دەخیلم ئەی نەسیمی سوبحگاهی مەسکەنی دڵمە
پەریشانی مەکە تۆ زوڵفی ئەو نازدارە مەشکێنە
شیرین شیرینە شیرین شەمامە
بەخوا نەتبینم خەوم حەرامە
ساتێ نەتبینم خەوم حەرامە

دەخیلم ئەی نەسیمی سوبحگاهی مەسکەنی دڵمە
پەریشانی مەکە تۆ زوڵفی ئەو نازدارە مەشکێنە
شیرین شیرینە شیرین شەمامە
بەخوا نەتبینم خەوم حەرامە
ساتێ نەتبینم خەوم حەرامە

Be berdî fîrqetit şîşey dilî aware meşkêne
Lenaw zumrey reqîbana şêxî bêçare meşkêne
Şîrîn Şîrîne Şîrîn şemame
Satê netbînim xewim herame
Eger netbînim xewim herame

Dexîlim ey nesîmî subhgahî meskenî dilme
Perîşanî meke to zulfî ew nazdare meşkêne
Şîrîn Şîrîne Şîrîn şemame
Bexwa netbînim xewim herame
Satê netbînim xewim herame

Dexîlim ey nesîmî subhgahî meskenî dilme
Perîşanî meke to zulfî ew nazdare meşkêne
Şîrîn Şîrîne Şîrîn şemame
Bexwa netbînim xewim herame
Satê netbînim xewim herame

کۆپی کردن بێ ئاماژەدان بە سەرچاوە قەدەغەیە
More
Song image
جوتیار

By - مەزهەر خالقی Mazhar Xaliqî

دەنگ تێ دەنگی نەی بەسۆز لە لادۆڵ و کۆساران
جوان بزانێ حاڵی من زوانی شەو زیندەداران

وە خۆشی و هەڵپەڕینە
مەزرا چەند کەسک و شینە
سفرەی جوتیار ڕەنگینە

وەتەن سەربەرز و شادە ئەمڕۆ لە دەم ڕزگارە
وەختی سەیران و شادی ڕۆژ ئازادی جوتیارە

من ڕۆڵەی بن بەردانم
گیان لە ڕێی نیشتمانم
دەیپارێزم بە گیانم

جوتیاری کوردم هەستە بگرە جەژنی ئازادی
بەسەرچوو دەورەی خەفەت وەختی سەیران و شادی
بەساڵان ڕەنجەڕۆیە
دڵ پڕ لە داخ و سۆیە
بەهاری شادی تۆیە

موژدە بێ لە تۆ جوتیار ئیتر غەمت نامێنێ
شەماڵ لە دەشت و مەزرا بۆنی خۆشبەختی دێنێ
وەختی خۆشی و شادییە
مەزرا چەند کەسک و شینە
سفرەی جوتیار ڕەنگینە

Deng tê dengî ney besoz le ladol û kosaran
Ciwan bizanê halî min ziwanî şew zîndedaran

We xoşî û helperîne
Mezra çend kesk û şîne
Sifrey cutyar rengîne

Weten serberz û şade emro le dem rizgare
Wextî seyran û şadî roj azadî cutyare

Min roley bin berdanim
Giyan le rêy nîştimanim
Deyparêzim be giyanim

Cutyarî kurdim heste bigre cejnî azadî
Beserçû dewrey xefet wextî seyran û şadî
Besalan renceroye
Dil pir le dax û soye
Beharî şadî toye

Mujde bê le to cutyar îtir xemit namênê
Şemal le deşt û mezra bonî xoşbextî dênê
Wextî xoşî û şadîye
Mezra çend kesk û şîne
Sifrey cutyar rengîne

کۆپی کردن بێ ئاماژەدان بە سەرچاوە قەدەغەیە
More