سنە شارەکەم شاری شیرینم
بێشکەی لە دایکبوون هەلۆرک ژینم
شارە جوانەکەم سنەی قارەمان
سنەی مەستوورە سنەی هەڵۆخان
ماوا و مەڵبەندی مەردۆخی زانا
جێگای شانازی بەدیعی دانا

سنە شارەکەم شاری شیرینم
من چاوم بۆ چەس تۆی پێ نەوینم

سنە شارەکەی عیشق و ئەوینم
سنە مەنزڵگای ژیان و ژینم

ماڵی وێرانم بۆ لاوەکانت
دەستی شکاوم بۆ ڕۆڵەکانت

Sine şarekem şarî şîrînim
Bêşkey le daykbûn helorik jînim
Şare ciwanekem Siney qareman
Siney Mestûre Siney Heloxan
Mawa û melbendî Merdoxî zana
Cêgay şanazî Bedîyî dana

Sine şarekem şarî şîrînim
Min çawim bo çes toy pê newînim

Sine şarekey îşq û ewînim
Sine menzilgay jiyan û jînim

Malî wêranim bo lawekanit
Destî şikawim bo rolekanit

بە جارێکی تەماشای تۆ فدات بم هاودڵ و دینم
ئەگەر سەد جار قیامەت بێ دەمێکی هەستە بتبینم
لە غەمزەی چاوەکەت ئەتکێ لە جەرگم خوێن و نازانم
نە خەستەی پەنجەی بازم نە بەستەی دەستی شاهینم
وەکوو نەی کون کونە جەرگم لە تاوی هیجرانی تۆ بۆیە
بە سۆزی نەی دەسووتێم و بە نەغمەی نەی دەناڵێنم

وەکوو نەی کون کونە جەرگم لە حەسرەت وردەخاڵانی
شکا پشتم، بڕا جەرگم لە نووکی تیری موژگانی
ئەوێستا گەر دەبینێ من، دەپۆشێ باغی ڕوخساری
موسوڵمانان تەماشا کەن لە شەرت و قەوڵ و گوفتاری
تەماشای بولبولی دڵ کەن بە ناحەق خۆ نەسووتاوە
دەڵێن ئەمڕۆ لە من دووروە، گوڵی نەوڕەستە تۆراوە

چەمەن یەکبارە خامۆشە خرۆشی بولبولان با بێ
دڵ ئەمرۆ مات و مەدهۆشە خودا فەسڵی گوڵان با بێ
نەماوە حاڵەتی ژینم لە دەست چوو ڕۆحی شیرینم
ڕەفیقان بێن بکەن شینم سەدای گریە و فقان با بێ
ئەسیری تاری گێسووتم هیلاکی چاوی جادووتم
شەهیدی تیغی ئەبرووتم دەسا عیسای زەمان با بێ

Be carêkî temaşay to fidat bim hawdil û dînim
Eger sed car qiyamet bê demêkî heste bitbînim
Le xemzey çaweket etkê le cergim xwên û nazanim
Ne xestey pencey bazim ne bestey destî şahînim
Wekû ney kun kune cergim le tawî hîcranî to boye
Be sozî ney desûtêm û be nexmey ney denalênim

Wekû ney kun kune cergim le hesret wirdexalanî
Şika piştim, bira cergim le nûkî tîrî mujganî
Ewêsta ger debînê min, depoşê baxî ruxsarî
Musulmanan temaşa ken le şert û qewl û guftarî
Temaşay bulbulî dil ken be naheq xo nesûtawe
Delên emro le min dûrwe, gulî newreste torawe

Çemen yekbare xamoşe xiroşî bulbulan ba bê
Dil emro mat û medhoşe xuda feslî gulan ba bê
Nemawe haletî jînim le dest çû rohî şîrînim
Refîqan bên biken şînim seday girye û fqan ba bê
Esîrî tarî gêsûtim hîlakî çawî cadûtim
Şehîdî tîxî ebrûtim desa îsay zeman ba bê