کوردستان ئەی نیشتمانم
هێزی دڵ ئارامی گیانم
جێی سەربڵندی و شانازی
تا دڵ دەخوازێ دڵخوازی
مێشکم، هەستم، بیرم، ژینم
بۆ تۆ ئەی گیانی شیرینم

کوردستان ئەی نیشتمانم
هێزی دڵ ئارامی گیانم
جێی سەربڵندی و شانازی
تا دڵ دەخوازێ دڵخوازی
مێشکم، هەستم، بیرم، ژینم
بۆ تۆ ئەی گیانی شیرینم

کوردستان جێگامی، جێی هەزار ساڵەم
پەروەردەی ئەم دۆڵ و سەر لوتکە و یاڵەم
هەناسەم تێربۆنی بای کوێستانتە و
دوو لێوم پاراوی بەفراوانتە
قوڵپێ با خوێنی ناو دەمارەکانم
بە زەبری عەشقی تۆ دەیدا، دەیزانم
عەشقی تۆ ئەی دایکی خۆم و هاوخوێنم
هەر لە پشتی باوکا، چووە هەوێنم
دەشچێتە هەوێنی کوڕ و کوڕەزا
تا تاقێ کورد مابێ، لە چیای بەرزا
کوردستان کوردستان کوردستانی جوان
درەنگیش بێتە دی، ئاواتی گۆران
بەڵام ئەگەر بێت و بە دوو چاوی خۆم
بتوانم ببینم بەری هیوای تۆم
ئەودەمە کوردستان کوردستانی جوان
ئەو هەلە کوردستان کوردستانی جوان
هەڵپەڕین لە من و بەستە لە ژیان
هەڵپەڕین لە من و بەستە لە ژیان

وتنی: مستەفا دادار
شیعر: گۆران

کوردستان جێگامی، جێی هەزار ساڵەم
پەروەردەی ئەم دۆڵ و سەر لوتکە و یاڵەم

تۆ کۆتری ئاشتی هەڵۆی دێموکراسی
دەژی بە مەردی نەک بە کەساسی
تینووی ئازادی بۆ ژینی مێرخاسی
کوردستانە کوردستان
ئەی هیوای پیر و جوان
کوردستانە کوردستان
ئاواتی بەرزی گۆران

مناڵەکان
ئەی یاخییە ژینتاڵەکان
دەسگیرانم کۆترێکی دیاربەکرە
حەزی لە چیا و قاسپەی کەو و ڕەنگی بەفرە

بۆ گواستنەوەی زنجیرەی چیام قەف قەف بڕی
ڕۆژمێرم پەڕ پەڕ دڕی
پەساپۆرتم ئاوات و زەردەخەنە بوو
کلدان و کیسێک خەنە بوو
کە لە دەرگای سنوورم دا
لەباتی ماچ
ماچی گەرمی دەسگیرانم
تفی زەردی پۆستاڵ ڕەشێک
هات سواخی دا ناوچەوانم

مناڵەکان
ئەی برسییە ژینتاڵەکان
لەسەر لۆرییە نەوتاوییەکەی بابەگوڕگوڕ
نزیک تاڤگەی سەرەوژووری زێڕین گڕ
گڵکۆیەکی بچکۆلەم دی
لێی نووسرا بوو
ئا لێرەدا مناڵێکی چاوگەشی کورد
لە برسا مرد

مناڵەکان
ئەی برسییە ژینتاڵەکان
ئەی یاخییە ژینتاڵەکان
لەسەر سینگە نەوتاوییەکەی بابەگوڕگوڕ
نێزیک تاڤگەی سەرەوژووری زێڕینی گڕ
گڵکۆیەکی بچکۆڵەم دی
لێی نووسرا بوو ئا لێرەدا
مناڵێکی چاوگەشی کورد
لە برسا مرد