site loader
Song image
ماچ

By - نەجمەدین غوڵامی Necmedîn Xulamî

لێوت بنێ بە لێومەوە با زمانی ئەشق فێر بم
دەست و پەنجەت بنێ دەستم با زمانی ئاگر فێر بم

با لە نێوان لێو و پەنجە هەناسەیەک وچانێ بەم
بە بۆنی گوڵ کە چین چینە لەسەر سینەو سەرخەوێ بەم

تۆ تروسکەی ئەو چاوانەت دییەم پڕکە لە ڕۆشنایی
تۆفانێکم لە دڵدایە بمبە ڕۆخی دڵنیایی

تۆ ئەو عەترەی لە سینەتە وەک شەماڵی بە گوڵاوە
تۆ ئەو جوانییەی لە باڵاتە چەشنی ئاگر بە شاڵاوە

وەک ڕێحانە لە دێراوی خۆشەویستی ئەوینم نێ
بەو لێوانەو لێوانم کە لە تامی ژین لە ژینم نێ

دەی گوڵەباخ تا ئێوارە لە تاریکی ماڵی دوورە
لە کۆشم نێی بێمانایە چپە و ڕازت ماڵی دوورە

Lêwt binê be lêwmewe ba zimanî eşq fêr bim
Dest û pencet binê destim ba zimanî agir fêr bim

Ba le nêwan lêw û pence henaseyek wiçanê bem
Be bonî gul ke çîn çîne leser sînew serxewê bem

To tiruskey ew çawanet dîyem pirke le roşnayî
Tofanêkim le dildaye bimbe roxî dilniyayî

To ew etrey le sînete wek şemalî be gulawe
To ew ciwanîyey le balate çeşnî agir be şalawe

Wek rêhane le dêrawî xoşewîstî ewînim nê
Bew lêwanew lêwanim ke le tamî jîn le jînim nê

Dey gulebax ta êware le tarîkî malî dûre
Le koşim nêy bêmanaye çipe û razt malî dûre

کۆپی کردن بێ ئاماژەدان بە سەرچاوە قەدەغەیە
More