site loader
Song image
ماچی خودایی (وەرە یارم)

By - هۆمەر دزەیی ‌Homer Dizeyî

وەرە یارم وەرە ئەی تازە یارم
وەرە ئەستێرەکەی شەوگاری تارم
وەرە ئەی شاپەڕی باڵی خەیاڵم
وەرە ئەی شەوچرای ڕووناکی ماڵم
وەرە خاسەکەوی ڕام و کەویی من
وەرە ئیلهامەکەی نیوە شەوی من
وەرە نەونەمامی باخی ژینم
وەرە ئەی شاگوڵی مێرگی ئەوینم
وەرە با دەس لە باڵاکەت وەرێنم
وەرە کوڵمەم لە کوڵمەی تۆ خشێنم
وەرە ئەی بوت هەتاکوو بتپەرستم
وەرە مەمکۆڵەکەت بگرم لە مستم

وەرە کاروانکوژەی کاتی بەیانیم
وەرە بیرەوەری و ئاواتی جوانیم
وەرە با دامرێ ئاوات و تاسەم
وەرە با بسکەکەت لادا هەناسەم
وەرە با هەڵمژم ئەم لێوە گەرمە
وەرە با هەڵگوشم ئەم ڕانە نەرمە
وەرە جوانێ وەرە نازت بکێشم
وەرە وەک دەستەگوڵ داتنێم لە پێشم
وەرە گیانم فیدای چاوی ڕەشی تۆ
وەرە با هەست بکەم گەرمی لەشی تۆ
وەرە ماچم دەیە ماچی خودایی
کە بێزارم لە ماچی سینەمایی

Were yarim were ey taze yarim
Were estêrekey şewgarî tarim
Were ey şaperî balî xeyalim
Were ey şewçiray rûnakî malim
Were xasekewî ram û kewîyî min
Were îlhamekey nîwe şewî min
Were newnemamî baxî jînim
Were ey şagulî mêrgî ewînim
Were ba des le balaket werênim
Were kulmem le kulmey to xşênim
Were ey but hetakû bitperistim
Were memkoleket bigrim le mistim

Were karwankujey katî beyanîm
Were bîrewerî û awatî ciwanîm
Were ba damirê awat û tasem
Were ba biskeket lada henasem
Were ba helmijim em lêwe germe
Were ba helguşim em rane nerme
Were ciwanê were nazit bikêşim
Were wek destegul datnêm le pêşim
Were giyanim fîday çawî reşî to
Were ba hest bikem germî leşî to
Were maçim deye maçî xudayî
Ke bêzarim le maçî sînemayî

کۆپی کردن بێ ئاماژەدان بە سەرچاوە قەدەغەیە
More