site loader
Song image
ماچی خودایی (وەرە یارم)

By - هاوتا ئەسعەد Hawta Esed

وەرە یارم وەرە ئەی تازە یارم
وەرە ئەستێرەکەی شەوگاری تارم
وەرە ئەی شاپەڕی باڵی خەیاڵم
وەرە ئەی شەوچرای ڕووناکی ماڵم
وەرە خاسەکەوی ڕام و کەویی من
وەرە ئیلهامەکەی نیوە شەوی من
وەرە ئۆخژنی سینەی پڕ گڕی من
وەرە پیرۆزەکەی بەرزەفڕی من

وەرە ئەی ڕێژنە بارانی بەهاری
وەرە شێعری تەڕی پڕ وردەکاری
وەرە ئەی نەونەمامی باخی ژینم
وەرە ئەی شاگوڵی مێرگی ئەوینم
وەرە کاروانکوژەی کاتی بەیانیم
وەرە بیرەوەری و ئاواتی جوانیم
وەرە ئەی بوت هەتاکوو بتپەرستم
وەرە مەمکۆڵەکەت بگرم لە مستم

وەرە ئاشنا وەرە ئەی خاتووزینم
وەرە با بەژن و باڵاکەت ببینم
وەرە با دامرێ ئاوات و تاسەم
وەرە با بسکەکەت لادا هەناسەم
وەرە با هەڵمژم ئەم لێوە گەرمە
وەرە با هەڵگوشم ئەم ڕانە نەرمە
وەرە جوانێ وەرە نازت بکێشم
وەرە وەک دەستەگوڵ داتنێم لە پێشم

وەرە با بەس بکەم ئەو باوە باوە
وەرە با بێن بکەم ئەو بسکە خاوە
وەرە با دەس لە باڵاکەت وەرێنم
وەرە کوڵمەم لە کوڵمەی تۆ خشێنم
وەرە سوور بە لەسەر وادە و بەڵێنی
وەرە ژن بە و مەکە پەیمان شکێنی
وەرە گیانم فیدای چاوی ڕەشی تۆ
وەرە با هەست بکەم گەرمی لەشی تۆ

Were yarim were ey taze yarim
Were estêrekey şewgarî tarim
Were ey şaperî balî xeyalim
Were ey şewçiray rûnakî malim
Were xasekewî ram û kewîyî min
Were îlhamekey nîwe şewî min
Were oxjinî sîney pir girî min
Were pîrozekey berzefirî min

Were ey rêjne baranî beharî
Were şê’rî terî pir wirdekarî
Were ey newnemamî baxî jînim
Were ey şagulî mêrgî ewînim
Were karwankujey katî beyanîm
Were bîrewerî û awatî ciwanîm
Were ey but hetakû bitperistim
Were memkoleket bigrim le mistim

Were aşina were ey Xatûzînim
Were ba bejn û balaket bibînim
Were ba damirê awat û tasem
Were ba biskeket lada henasem
Were ba helmijim em lêwe germe
Were ba helguşim em rane nerme
Were ciwanê were nazit bikêşim
Were wek destegul datnêm le pêşim

Were ba bes bikem ew bawe bawe
Were ba bên bikem ew biske xawe
Were ba des le balaket werênim
Were kulmem le kulmey to xişênim
Were sûr be leser wade û belênî
Were jin be û meke peyman şikênî
Were giyanim fîday çawî reşî to
Were ba hest bikem germî leşî to

کۆپی کردن بێ ئاماژەدان بە سەرچاوە قەدەغەیە
More