site loader
site loader
Song image
شیرین و شیرین و شەمامە

By - محەمەد ماملێ

ئەرێ دەچمە سەری سوڵتانی شەمۆیێ نایێمەوە
دەست لە کێلان وەردێنم چل دانەی دەگرمەوە
بەختی خۆم و لێوئاڵێ بە تاقی دەکەمەوە
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

ئەرێ وەی سەرێکە مەستی نازت دڵێکە بۆت نەماوە
خۆ دڵم حەقی بە دەستە فتوای سەری دراوە
نەحلەت لە یاری درۆزن وەفای بۆ کەس نەماوە
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

کەس نییە بینێرمە کن یار بۆ باس و بۆ خەبەرێ
هەرکەس ئەتۆی لە من کرد وەک ئەمنی بی بە سەرێ
جا سەر و ماڵم دەفرۆشم بۆ دوو چاوی گەوهەرێ
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

ئەرێ وەکی لە من قەوماوە گیانە یا ڕەبی لە کەس نەقەومێ
لە وڵاتی موکریانێ کەس نییە هاواری بەرمێ
باب و دایکی لێوئاڵێ تووڕەن نامدەنێ نەرمی
جا لەسەر ئەو حاڵەش لە یار زۆری لێ دەکەم شەرمێ
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

کۆپی کردن بێ ئاماژەدان بە سەرچاوە قەدەغەیە
More
Song image
زێنەبێ

By - جەعفەر ماملێ

ئەرێ بەدبەختی خۆم لەولاوە دڵی ویشم شکاوە
تەڵەبێ دەکەم لە یار عومرێکی کەمم ماوە
ئەو شەرتە ئینساف نییە من لێرە تۆ لەولاوە
نامەکەی پڕ لە عیشقت لەسەر چاوم داناوە
ئەرێ زێنەبێ وەی زێنەبێ جا لە زێنەبەی قەڵاتان
ئەی/جا دەری بابانت شێوێ نێوت کەوتە وڵاتان

ئەرێ دڵ زەلیل بی یا ڕەبی موحتاجی دۆستی وا دەبێ
لە ژێر قەوڵی خۆت داوە خەجاڵەت بی وا دەبێ؟
قاتێکی کیژان نەهاتووە لە دونیا پەیدا نەبێ
یارێکی وە دی دێنم وەکوو خۆم دێوانە بێ
زێنەبێ وەی زێنەبێ جا لە زێنەبەی زوراری
هەی/جا دەری بابانت شێوێ غەم بووی لە دڵی من باری

ئەرێ دەڕۆم دەچمە کن یارێ بەڵکوو مزگێنیم داتێ
دەڵێن کاروانی شادی دە ڕێیەدایە دەگاتێ
ڕەشبەڵەکێک گیراوە لە کەلکەی بەردە تاتێ
پایەندازێ ڕادەخەم هەتا بووک دێ دەگاتێ
ئەرێ زێنەبێ وەی زێنەبێ زێنەبێ دوو ددانی زێڕە
ئومەتی موحەمەدیم جا لە دینم وەرمەگێڕە

کۆپی کردن بێ ئاماژەدان بە سەرچاوە قەدەغەیە
More
Song image
کەویار-ماملێ و عەزیز شارۆخ

By - محەمەد ماملێ

مەقام

زۆر کەڕەت هانم دەدا داخی دەروونی پڕ گڕم

بۆتی هەڵڕێژم سکاڵای ناسکی گەرم و گوڕم

داخەکەم کاتێ کە دێمە بەردەمت، واقی وڕم

وام دەشێوێنێ بە جارێ نایەڵێ هیچ دەربڕم

بووکی ڕازاوەی خەیاڵم، گیانەکەم ست فاتمە

گوێیە بۆ ئەم ڕازە شل کەیت، ئەوپەڕی ئاواتمە

گوێیە بۆ ئەم ڕازە شل کەیت، ئەوپەڕی ئاواتمە

دەگەڵ کەم شەرتان خۆمم خستە چاڵ

نەجاتیم نایە (عەزیزم) ھەتا هەزار ساڵ

نەجاتیم نایە (عەزیزم) ھەتا هەزار ساڵ

کەویار ئەی کەویار (گیانە) خاس کەویارێکی

ڕەنجم بۆ کێشای (عەزیزم) ساڵە وەختێکی

بەناز و نیمناز (کەژاڵێ) عەجەب یارێکی

کەویار ئەی کەویار (گیانە) کەویارەی منداڵ

کەویار ئەی کەویار (گیانە) کەویارەی منداڵ

لێوپەڕی کاغەز (باوان) تازە دەرکردوو خاڵ

لێوپەڕی کاغەز (باوان) تازەی ڕشتوو خاڵ

چاوم پڕخوێنە (گیانە) پڕ لە گریانە

لە ھەر چواردەورەم (عەزیزم) ئاگربارانە

لە ھەر چواردەورەم (عەزیزم) ئاگربارانە

کەویار ئەی کەویار (گیانە) کەویارەی بابی

کەویار ئەی کەویار (گیانە) کەویارەی بابی

کۆترە باریکەی (باوان) باڵ بە شۆڕەبی

کۆترە باریکەی (باوان) باڵ بە شۆڕەبی

کەویار ئەی کەویار (گیانە) کەویارەی بابی

خۆ من زووم زانی (عەزیزم) تۆ بۆ من نابی

خۆ من زووم زانی (عەزیزم) تۆ بۆ من نابی

مەقام:

ئەگەرچی ناڵەیە ھەر شەوق و زەوقە

ئەگەرچی گریەیە عەینی سەوابە

تۆفیق ئای بدەی پێم ڕەبەلعالەمین

تۆفیق ئای بدەی پێم ڕەبەلعالەمین

نە فەغفوور ماون (کەسم ئای) نە خاقانی چین

کۆپی کردن بێ ئاماژەدان بە سەرچاوە قەدەغەیە
More
Song image
بەرهەڵبێنە ٣

By - محەمەد ماملێ

بەرهەڵبێنەی خام حەلاوە هەر دەڕۆی و دەکراوە
گەلێکی مەمنوونم بوو بە دوو ماچ بۆم گرێ داوە
دەنا لێیدە بەرهەڵبێنە

دەچمە سەری سوڵتانی شەموویێ نایێمەوە
دەست لە کێلان وەردێنم چل دانەی دەگرمەوە
بەختی خۆم و لێوئاڵێ بە تاقی دەکەمەوە
دەنا لێیدە بەرهەڵبێنە
بەرهەڵبێنە و بەرهەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دنا لێیدە بەرهەڵبێنە

دوێنێ دیم لە ڕێی کانی دەستم برد بۆ مەمکانی
پێم گوت عاشقی باڵاتم بۆ بە دەردم نازانی
فەرمووی ئەمنیش بە دڵی تۆم چون عاشق و ماڵوێرانی
دەنا لێیدە بەرهەڵبێنە

بەرهەڵبێنەی خام حەلاوە هەر دەڕۆی و دەکراوە
گەلێکی مەمنوونم بوو بە دوو ماچ بۆم گرێ داوە
دەنا لێیدە بەرهەڵبێنە

تۆخدا دڵم مەشکێنە تاوێک وەرە باوەشم
بەژنێ باریک لێم زیزە دەچکێ فرمێسکی گەشم
لە دنیا خۆشیم نەدی بەدبەخت و چارەڕەشم
دەنا لێیدە بەرهەڵبێنە

بەرهەڵبێنە و بەرهەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دنا لێیدە بەرهەڵبێنە

کۆپی کردن بێ ئاماژەدان بە سەرچاوە قەدەغەیە
More