site loader
Song image
لە پەنجەرەی ژوورەکەم بە – عەدنان کەریم

By - عەدنان کەریم Ednan Kerîm

لە پەنجەرەی ژوورەکەم بە
با دەرگاکەت بۆ واڵا کەم
چاو دامەخە فوو لە چرای سۆمات مەکە
نەک پێ بەسەر دڵما بنێی
دەستت بێنە ئەو جیهانە
جەنگەڵستانێکی چڕە
خوا نەکردە نەک لە غەریبیدا بمرین
با گوێ لە خەمی یەک بگرین

قوربانت بم دە پێ بکەنە
تا خونچەی لێوت ببینم
کە ئەپشکوێ، تا هەنگی ناوم ببینم
لە پەڕەی لێوتەوە ئەفڕێ
گوڵە بەفرینەکەی دڵم
دەستت بێنەرە ناو دەستم
تا ئاوازی گۆرانی تەمەن نەشێوێ
تا بولبول چڵ جێنەهێڵێ

لە پەنجەرەی ژوورەکەم بە
با دەرگاکەت بۆ واڵا کەم
چاو دامەخە فوو لە چرای سۆمات مەکە
نەک پێ بەسەر دڵما بنێی
دەستت بێنە خۆت زیز مەکە
لەرزە کەمەر تێ مەپەڕە
لە هەرکوێ بی، ئەتدۆزمەوە چونکە بۆنی
سنەوبەری تەڕت لێ دێ

کۆپی کردن بێ ئاماژەدان بە سەرچاوە قەدەغەیە
More