ئاخرین ماڵی ژیانم کونجی بەندیخانەیە
ئەم کەلەبچە مەرهەمی زامی دڵی دێوانەیە

بووکی ئازادیم ئەوێ خوێنم خەنەس بۆ دەست و پێ
حەلقە حەلقەی پێوەنم وەک پڵپڵە و لەرزانەیە

گەرچی دوژمن وا ئەزانێ من بە دیلی لاڵ ئەبم
باش بزانێ براکەم کونجی زیندانم قوتابی خانەیە

گرتن و لێدان و کوشتن عامیلی ئازادییە
تۆپ و شەستیر و کەلەبچە لام وەکوو ئەفسانەیە

بیری ئازادیم لە زیندنا فراوانتر ئەبێ
قوڕ بەسەر ئەو دوژمنەی هیوای بە بەندیخانەیە

گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە

چاوەڕوانی شۆڕشێکم عالەمێ ڕزگار بکا
میللەتم بۆ ئەو مەبەستە کردەوەی شێرانەیە

چەکی شۆرشگێری من نووسین و بیر و باوەڕە
ڕاپەڕینە هەڵمەتە پڕ نەعرەتەی کوردانەیە

قانعم ئەمڕۆ لە زیندانا بە ئازادی ئەژیم
سەد هەزار لەعنەت لەوەی وا نۆکەری بێگانەیە

axrîn malî jiyanim kuncî bendîxaneye
Em kelebçe merhemî zamî dilî dêwaneye

Bûkî azadîm ewê xwênim xenes bo dest û pê
Helqe helqey pêwenim wek pilpile û lerzaneye

Gerçî dujmin wa ezanê min be dîlî lal ebim
Baş bizanê birakem kuncî zîndanim qutabî xaneye

Girtin û lêdan û kuştin amîlî azadîye
Top û şestîr û kelebçe lam wekû efsaneye

Bîrî azadîm le zîndna firawantir ebê
Qur beser ew dujminey hîway be bendîxaneye

Ger be azadî nejîm mirdin xelate bo leşim
Nokerî û serdanewandin karî namerdaneye

Çawerwanî şorişêkim alemê rizgar bika
Mîletim bo ew mebeste kirdewey şêraneye

Çekî şorişgêrî min nûsîn û bîr û bawere
Raperîne helmete pir ne’retey Kurdaneye

Qan’im emro le zîndana be azadî ejîm
Sed hezar le’net lewey wa nokerî bêganeye