هەراڵە گیان هەراڵە هەراڵە و نۆ وەهاری
دڵم بێ تاقەتوو تۆن ئاخ چەم وەش گیان بۆرە سەروو قەراری

ئەرێ دڵ تاسەو تۆشا ئازیز وێچت مەزانی
بەخوا پەی سەروو گردوو ئاخ چەم وەش گیان ئازیز زامام دەوانی
ئەرەپەی سەروو گردوو ئاخ چەم وەش گیان ئازیز زامام دەوانی
هەراڵە گیان هەراڵە هەراڵە و نۆ وەهاری
دڵم بێ تاقەتوو تۆن ئاخ چەم وەش گیان بۆرە سەروو قەراری

ئەرێ تەنیا چەنی تۆ ئازیز شەوێ ڕۆ باوە
توخوا کەی بۆ ئا چەمێ ئاخ چەم وەش گیان ئازیز ئۆ من بێدیاوە
ئەرە کەی بۆ ئا چەمێ ئاخ چەم وەش گیان ئزیز ئۆ من بێدیاوە
هەراڵە گیان هەراڵە هەراڵە و نۆ وەهاری
دڵم بێ تاقەتوو تۆن ئاخ چەم وەش گیان بۆرە سەروو قەراری

هۆنراوە: خەمیار هەورامی
زۆر زۆر سپاسی هونەرمەند فەرزادی مەهدینیا دەکەین کە دەقی ئەم گۆرانییەیان بۆ ناردین.

گوڵ مەگری مەگری پا چەمە بازا
چەم وەشە دۆنیە ئاواتشا وازا
ئا چەمێ نەبا وەڵات بێ نازا
سەرێ وەلای تۆ سەر نەدۆ شەوان
پایێ کە نەیۆ وەلات وە دەوان
ئەو سەر سەرنگوون گڵکۆی تازە بۆ
ئەو پا گەستەی مار بێ ئیجازە بۆ
گوڵ مەگری مەگری پا چەمە بازا
چەم وەشە دۆنیە ئاواتشا وازا
ئا چەمێ نەبا وەڵات بێ نازا

دیدێو نەوینۆ هەر سەحەر ڕەنگت
زوانێو نەبۆ شەو بە هامدەنگت
ئە دیدە ئەسرش بێ مدارا بۆ
ئەو زوان بە سەنگ سیای سارا بۆ
گوڵ مەگری مەگری پا چەمە بازا
چەم وەشە دۆنیە ئاواتشا وازا
ئا چەمێ نەبا وەڵات بێ نازا

هۆنراوە: بێسارانی & عەبدوڵڵا حەبیبی
زۆر زۆر سپاسی هونەرمەند فەرزادی مەهدینیا دەکەین کە دەقی ئەم گۆرانییەیان بۆ ناردین.

دڵە زامی نۆ، دڵە زامی نۆ
دەی کەردات بە سەرمەشق زامانی بێ شۆ
گیانا ئاخ پەی بەختی وێم، دڵە داخ پەی تۆ
ئاخ پەی بەختی وێم، دڵە داخ پەی تۆ

دەی فرێم وات دڵە ئۆ مروەتەن ئامان
توخوا مەوزەم نە گێجاو ئۆ بەحر بێ سامان
دەی هەر نە تاوی عەشق نە دەروون فڕیای
توخوا تا بە شۆڵەی شەم چراخان گڕیای
تەن بی بە زوخاڵ سیا سفتەی کۆ
دەی ئاخ پەی بەخت وێم، دڵە داخ پەی تۆ
گیان پەی بەخت وێم، دڵە داخ پەی تۆ

جا ئایری دەروون ئۆ سەر کەردەن نە دڵ
توخوا جەرگم چون کەباب ئۆ پێکیان گیان وە چڵ
دەی نازاران بە خەشم غەزەب گێرتەن لێم
توخوا بێ وەرمی شەوان بیەن بە خڎ‌ێم
جە تاو زڵفان سیای عەنبەربۆ
ئاخ پەی بەخت وێم، دڵە داخ پەی تۆ
گیان پەی بەخت وێم، دڵە داخ پەی تۆ

دڵە زامی نۆ، دڵە زامی نۆ
کەردات بە سەرمەشق زامان بێ شۆ
گیان پەی بەختی وێم، دڵە داخ پەی تۆ
دەی ئاخ پەی بەخت وێم، دڵە داخ پەی تۆ

هۆنراوە: بێسارانی
زۆر زۆر سپاسی هونەرمەند فەرزادی مەهدینیا دەکەین کە دەقی ئەم گۆرانییەیان بۆ ناردین.

ئازیز تۆ لوای نەمش کێشا چەم
بەستت دڵمەرە دەس پێچەنەی خەم
دەسەو زانایا بەیا مەزانا
کەردەیۆ ئا لکە بە کێ ئاسانا
پەرسە چا دڵیە بە خەم ئەسیرا
ئاد زانۆ کارش بە دەس کێ گیرا

هۆنراوە: قەیۆم دانشوەر
زۆر زۆر سپاسی هونەرمەند فەرزادی مەهدینیا دەکەین کە دەقی ئەم گۆرانییەیان بۆ ناردین.