لە سیلەی قەبران هاوارە
حاکم بمدا لە سێدارە
من نانێم مەیلی ئەو یارە
من نانێم مەیلی نازدارە

لە سیلەی قەبران های سزایە
حاکم بمکوژێ لەو قەڵایە
من نانێم مەیلی لەیلایە

عاشقان دێن لە دوورڕا دیارن
ڕەنگیان زەرد و لێویان بەبارن
مەنعیان مەکەن ساحەب یارن

تەحا لەو ڕێزەخاڵانە
بۆ من چاکن ئەو چاوانە
بۆ من چاکن ئەو چاوجوانە

قوربانت بم ئاڵتوون بەسەر
سەر لە پەنجەرە بێنە دەر
ماچت ناکەم بە پێغەمبەر
ها دەنگ ها دەنگ دەنگی کەو دێ
خرینگەی خڕخاڵ کەو لە کێو دێ
وەعدەی داوە نیوەشەو بێ

قوربانت بم بە تۆی دەڵێم
ئاشقی شەمامەی باخەڵێم
سوێندیان داوم ڕاسی نەڵێم
ها دەنگ ها دەنگ دەنگی کەو دێ
خرینگەی خڕخاڵ کەو لە کێو دێ
وەعدەی داوە نیوەشەو بێ

تا بە کەی قوربان بناڵم وە بە ئێش و دەردەوە
دەست لە ئەژنۆ و قوڕبەسەر دایم بە ئاهی سەردەوە
ڕۆژی ئەوەڵ بوو کە زانیم من دەبێ دێوانە بم
عاشقی تۆ نەوعی مەجنوون وا بە کێو و هەردەوە

قوربانت بم بای شەماڵی
وا بکەی ئەو هەورەی ڕاماڵی
وا بکەی ئاو دا وردەخاڵی
ئەی خودا لەو ئاگر بارانە بارانە بارانە
یار بە بێ تۆ ماڵم وێرانە وێرانە یار جوانە

کوڕە هەتیم لە دڵم مەگرە غەمێ
منداڵم تازە دەگەمێ
گەورە بم ماچت دەدەمێ
ئەی خودا لەو ئاگر بارانە بارانە بارانە
یار بە بێ تۆ ماڵم وێرانە وێرانە یار جوانە

بە هەوران بەهارە ئایشیلێ مامان
دەخوێنن کەوباڕە وێم بدە شەمامان
یارکۆڵێم لێ دیارە دەستی منت دامان

بە هەوران پاییزە ئایشیلێ بۆخۆم
دەخوێنن ئازیزە پێم نییە بڕۆم
یارکۆڵێم لێ زیزە هەر خۆم ڕەنجەڕۆم