site loader
Song image
ئەترسم بمرم و کەویار – فواد ئەحمەد

By - فواد ئەحمەد Fwad Ehmed

خوایە کەس وەک من تووشی دەرد نەکەی

گیرۆدەی ئاخ و ئاهی سەرد نەکەی

ئەی داد لەخۆم ئای

ئەترسێم بمرم لە فیراقی لەیل

بۆ حاڵم بگرێ ئەستێرەی سیوەیل

ئەترسێم بمرم لە فیراقی یار

بۆ حاڵم بگرێ ببمە خۆراکی مشک و مێرو و مار

یاران گەر هات و لە وەتەن مردم

خوا دڵشکاو و ناشادی کردم

تەمەنام لە تۆ ئەمەیە خوایە

لە پاش کۆچکردن لەم سەر دونیایە

بمکەی بە مەلێ بێمەوە دونیا

هێلانە بکەم لە یانەی لەیلا

کەویارێ کەویار کەویارێ جوانی

بەقوربانی تۆی دەکەم وەی کچ خاڵ و مامم

شێتان شێت دەبوون دەچنە میری سوور

خۆ من شێتی تۆمە گیانە بە خوا و بە ڕەسول

ئەچمە سولەیمانی گۆیژەم لێ دیارە

سەرخەو ئەشکێنم گیانەکەم تۆم لە خەیاڵە

کۆپی کردن بێ ئاماژەدان بە سەرچاوە قەدەغەیە
More
Song image
ئەمیرەکەم – فواد ئەحمەد و گوڵبەهار

By - فواد ئەحمەد Fwad Ehmed

ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

تۆ لە دووری من لە دوورم
بەمجۆرە خۆشە دڵداری
ناچار لە ئەشکم ئەبوورم
بێ گرین بۆشە دڵداری
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

مەڕەنجێنە مەفەوتێنە
کاتی خەندە و پێکەنینە
پەڕ و باڵم مەسووتێنە
گڕی دڵداری بە تینە
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

چاوی مەستت گەلاوێژن
کوڵمەکانت قەندی شیرین
مژە و ئەبرۆت تیرهاوێژن
لەبت خونچەی گوڵی ڕەنگین
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

کۆپی کردن بێ ئاماژەدان بە سەرچاوە قەدەغەیە
More
Song image
لە سیلەی قەبران – فواد ئەحمەد

By - فواد ئەحمەد Fwad Ehmed

لە سیلەی قەبران هاوارە
حاکم بمدا لە سێدارە
من نانێم مەیلی ئەو یارە
وەرگەڕێ باڵات ئای ببینم
با دەرچێ گیانی شیرینم
یا ڕەبی من مەرگت ئای نەبینم

عاشقان لە دوورەوە دیارن
ڕەنگیان زەرد و لێو بەبارن
مەنعیان مەکەن ساحێب یارن
وەرگەڕێ باڵات ئای ببینم
با دەرچێ گیانی شیرینم
یا ڕەبی من مەرگت ئای نەبینم

جووتێ ساقی سەر بە زێڕن
لە مەیخانان مەی دەگێڕن
عاشقان لە دین وەردەگێڕن
وەرگەڕێ باڵات ئای ببینم
با دەرچێ گیانی شیرینم
یا ڕەبی من مەرگت ئای نەبینم

لە سیلەی قەبران هاڵایە
حاکم بمدا لەو ئاڵایە
من نانێم مەیلی لەیلایە
وەرگەڕێ باڵات ئای ببینم
با دەرچێ گیانی شیرینم
یا ڕەبی من مەرگت ئای نەبینم

کۆپی کردن بێ ئاماژەدان بە سەرچاوە قەدەغەیە
More
Song image
دڵەی بێچارە – فواد ئەحمەد

By - فواد ئەحمەد Fwad Ehmed

دڵەی بێچارەم پڕ لە ئازارە
مەستی بێنازی و پەست و بێزارە
شەیدا و هاودەردی قومری و هوزارە
سەرخۆش و بەندی چەم و گوڵزارە
کوشتەی دوو چاوی شۆخی عەیارە

گەرمای هاوین و سایەقەی زستان
زامی شەوخوونی پارەپەرستان
گازی ژەهراوی ماری دارستان
هەرگیز تیماری نایێتە دەستان
گازی ژەهراوی ماری دارستان
سەر بگرێت دڵەی لە خەم نەڕستان
هەرگیز تیماری نایێتە دەستان

سا لە پێناوی ژینی ڕابردوو
لە جیاتی هیوای پووچی با بردوو
بە ناوی عەشقی کۆنی ڕاکردوو
هیچ نابێ جارجار لە خەوتا جادوو
بیخەوە یادی دڵەی دامردوو

دڵەی بێچارەم پڕ لە ئازارە
مەستی بێزار و پەست و بێزارە
دڵەی بێچارەم پڕ لە ئازارە
شەیدا و هاودەردی قومری و هوزارە
سەرخۆش و بەندی چەم و گوڵزارە
کوشتەی دوو چاوی شۆخی عەیارە

کۆپی کردن بێ ئاماژەدان بە سەرچاوە قەدەغەیە
More