site loader
Song image
ئایشیلێ نازەنینێ – عەلی کەردار

By - عەلی کەردار Elî Kerdar

ئای ماڵە قادری سێمانی وەی هەڵیاندا لە بێزینی
بووکێ پێی دە ڕکێفێ نا خۆ کەوتە سەر خوانی زینی
لە خودای دەکەم تەمەنایە خێرێ لە خۆت نەبینی
ئایشیلێ نازەنینێ کورتەباڵای خوێنشیرینێ
خۆزگەم بە جیرانەکەی وەی ڕۆژێ سێ جار دەیبینێ
بریا چەتری سەرت بام گیانا بۆ ڕێگای مەڕدۆشینێ
لەو عێرانەم جێ نەبێ خۆ دەچمە مەکە و مەدینێ

دێنە خوارێ چوار بە چوار وەی کەوای سوور و شەدەی لار
بۆیە خوێنت وا شیرنە خۆ دە پشتت بەستووە زینار
یاخوا بە قوربانت بێ وەی چادر و چیغ و جێهەوار
خۆ کوتم ماچێکم دەیە و گیان با جانم بێ پێ ڕزگار
ئایشیلێ نازەنینێ کورتەباڵای خوێنشیرینێ
خۆزگەم بە جیرانەکەی وەی ڕۆژێ سێ جار دەیبینێ
بریا چەتری سەرت بام گیانا بۆ ڕێگای مەڕدۆشینێ

دێنە خوارێ دوو بە دوو وەی کەڵەگەتەی خاڵ لە ڕوو
هێندم کوت ئەو گوڵە جوانە وەی هەتا ماڵم وێران بوو
لەسەر باڵات نەرمێ گیان با ئەو دڵەم کون کەن بە بڕنوو
هانێ کاغەزت دەمێ وەی خوێنبڕ و خوێنئەستێنم بوو
ئایشیلێ نازەنینێ کورتەباڵای خوێنشیرینێ
خۆزگەم بە جیرانەکەی وەی ڕۆژێ سێ جار دەیبینێ
بریا چەتری سەرت بام گیانا بۆ ڕێگای مەڕدۆشینێ

خزمینە مەمکەن لۆمە وەی زۆر پیسم لێ قەوماوە
وەک پووشی لەبەر ڕۆژێ گیان دەستم لە خۆم بەرداوە
نەعلەت لە یاری درۆزن وەی وەفای بۆ کەس نەماوە
کافرم جووم یان ئەرمەنیم خۆ شادەم بەو گوڵەی هێناوە
ئایشیلێ نازەنینێ کورتەباڵای خوێنشیرینێ
خۆزگەم بە جیرانەکەی وەی ڕۆژێ سێ جار دەیبینێ
بریا چەتری سەرت بام جا لە بەر گەرمای هاوینێ

سپاسی خاتوو هاوین دەکەین کە ئەرکی پێداچوونەوە بە دەقی ئەم گۆرانییەی لە ئەستۆ گرت.

کۆپی کردن بێ ئاماژەدان بە سەرچاوە قەدەغەیە
More
Song image
نیزام نیزامە – عەلی کەردار

By - عەلی کەردار Elî Kerdar

کزەکزێک دێ چاوجوان لە دەروونمەوە
ئەوە پاڵی دا باوان بە مردنمەوە
نیزام نیزامە توخدا یار ئازیزەکەم
میوەی ڕەنگاوڕەنگ جوانێ شەو پاییزەکەم
میوەی ڕەنگاوڕەنگ چاوجوان شەو پاییزەکەم

چەندم پێ خوشە چاوجوان دەست بۆ گەردەنی
خونچە گوڵێک بووی جوانێ بۆخۆم دەمتەنی
نیزام نیزامە توخوا خۆم کوڕە سەرباز
تو مەرگی کاکت چاوجوان مەمکوژە بە ناز
لێرەم نایەڵن باوان دەمبەن بۆ شیراز

دوو سێو دوو هەرمێن چاوجوان دوو گوڵن لە باغت
ئەجەل هاوردەی باوان کوشتەی بەیداغت
نیزام نیزامە چاوجوان یارەکەی خۆمی
گوڵی نێو باغان چاوجوان کەنێرەی چۆمی
خۆم دەرت دێنم چاوجوان لە بەندی ڕۆمی

دەستم دامێنت باوان ئەگرم کەمبەرت
ماچێکم دەیە جوانێ سندووقی سەرت
نیزام نیزامە توخدا یار ئازیزەکەم
میوەی ڕەنگاوڕەنگ جوانێ شەو پاییزەکەم
میوەی ڕەنگاوڕەنگ باوان شەو پاییزەکەم

بینێ بان دڵەکەم جوانێ ناسکە پەنجەکەت
بمکە باوەشێن باوان بەو ئەگریجەکەت
نیزام نیزامە توخدا خۆم کوڕە نیزام
سجیل بیست و دووم چاوجوان وەرەقم تەمام
حەز دەکەی نەمرم باوان تاوێک وەرە لام

کراسەکەی بەرت چاوجوان گوڵ پەناباتی
خەبەرم دایەی باوان بۆ وا درەنگ هاتی
نیزام نیزامە توخدا یار ئازیزەکەم
میوەی ڕەنگاوڕەنگ جوانێ شەو پاییزەکەم
میوەی ڕەنگاوڕەنگ باوان شەو پاییزەکەم

کۆپی کردن بێ ئاماژەدان بە سەرچاوە قەدەغەیە
More
Song image
بە هەوران پاییزە ئایشیلێ مامان – عەلی کەردار

By - عەلی کەردار Elî Kerdar

بە هەوران پاییزە ئایشیلێ بۆخۆم
دەخوێنن ئازیزە هەر خۆم ڕەنجەڕۆم
یارکۆڵێم لێ زیزە ڕێم نەبوو بڕۆم

بە هەوران بەهارە ئایشیلێ مامان
دەخوێنن کەوباڕە وێم دە شەمامان
یارکۆڵێم لێ دیارە دەستی منت دامان
هەوری دە ڕەش هاتن ئایشیلێ جوانێ
دە کێوان وەر هاتن وێم دە نیشانێ
گەلی دۆستان هاتن بابان وێرانێ

کراس ڕەشێ لۆلۆ
بریا هاوار کەتان بایەم
لە شان و لە ملان بایەم
جیرانی مەمکان بایەم
های کراس ڕەشێ لۆلۆ
کەزێت لە ملی بوون کۆکۆ
خۆزگە مێردە گولەت بمرێ ئەوشۆ

ماڵی دەمەڕداران دەچن بۆ هەواران
لێمان دەبڕن یاران
های کراس ڕەشێ بە تەنێ
ئاڵای لە پێش قۆشەنێ
دەی یاری خۆمە و نامدەنێ

ماڵی دەمەڕدۆستان بەخێر دەچنە کوێستان
لێمان دەبڕن دۆستان
ئای کراس ڕەشێ لۆلۆ
ئەی کەزێت لە ملی بوون پۆپۆ
خۆزگە مێردە گولەت بمرێ ئەوشۆ

کۆپی کردن بێ ئاماژەدان بە سەرچاوە قەدەغەیە
More
Song image
گوڵاڵە سوورەی سەر کوڵمی یارم – عەلی کەردار

By - عەلی کەردار Elî Kerdar

ئەوەڵ لە داخت دووهەم لە قینت
خۆم دەخنکێنم بە لکی پۆشینت
لەسەر کام دینی دێمە سەر دینت
گوڵاڵەی سوورەی سەر گۆنەی یارم
یەخسیری غەمزەی چاوی بە خومارم
بۆ ڕۆحمت نەکرد بە دڵی خەمبارم

چۆن دەبێ وابێ لەو عەیامەیدا
ڕەشمار پێچی خوارد بەو نەمامەیدا
گوڵاڵەی سوورەی سەر گۆنەی یارم
یەخسیری غەمزەی چاوی بە خومارم
بۆ ڕۆحمت نەکرد بە دڵی خەمبارم

چەندم پێ خۆشە دەست بۆ گەردنی
خونچە گوڵێک بووی بۆخۆم دەمچنی
گوڵاڵەی سوورەی سەر گۆنەی یارم
یەخسیری غەمزەی چاوی بە خومارم
بۆ ڕۆحمت نەکرد بە دڵی خەمبارم

خۆزگەم بە دەرزی تیژ و تەنکە
دەروازەبانی سینگ و مەمکە
گوڵاڵە سوورەی سەر گۆنای یارێ
دەتگرتم بە تیر دوێنێ ئێوارێ
کێ تەفرەی داوی بەردی لێ بارێ

دەترسم بمرم قەبرەکەم غار بێ
ئیزرائیل لە چنگ ناڵەم بێزار بێ
گوڵاڵەی سوورەی سەر گۆنەی یارم
یەخسیری غەمزەی چاوی بە خومارم
بۆ ڕۆحمت نەکرد بە دڵی خەمبارم

باڵاکەت بەرزە حەزم کردووە لێت
دوو چاوی ڕەشت ئەمنی کردووە شێت
بەغێڵییان ناکەم خودا داویە پێت
گوڵاڵە سوورەی سەر گۆنای یارێ
داتگرتم بە تیر دوێنێ ئێوارێ
کێ تەفرەی داوی بەردی لێ بارێ

کۆپی کردن بێ ئاماژەدان بە سەرچاوە قەدەغەیە
More