site loader
Song image
مامە کوڕنوو – عەلی زەندی و سمایل سەردەشتی

By - عەلی زەندی Elî Zendî

سەیرە بەزمە هەڵپەڕینە پڕ لە قاقای خەندەیە

نەعرەتەی گوێ کەڕ ئەکا جۆش و کوڵی سەیوانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

ئەرخەوان سوورە بەهارە گوڵشەنە ڕازاوەیە

دەشت و کۆ ڕەنگین و پڕشۆیە وەنەوشەی یانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

ئاخۆ ببێ ڕۆژێ دابێت

ئاخۆ ببێ ئەو ڕۆژەی ببینم لە *؟؟؟ قەڵادزێ و پشدەڕ و بەردەشت

سایەقەکانی بەرگاراج هاوار بکەن سەردەشت! سەردەشت!

نەمردبایەم و نەچووبایەمە ژێر عەرزێ

دەڵاڵەکانی بەر گاراجی سەردەشت هاوار بکەن قەڵادزێ! قەڵادزێ!

خەرمەنی لالە لە کۆهساران و پێدەشت و نشێو

سوورترە لەو خوێنە باریوەی کوڵی گریانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

*؟؟؟= ئەو وشەیەمان بۆ ساغ نەبۆتەوە، تکایە ئەگەر دەیزانن پێمانی بڵێن

سپاس

کوڕنوو: ئەحەی کوڕنوو ناوی ئەحمەدی کوڕنووە لە زەمانی کاک ئەحمەدی شێخا نۆکی کوڵانووە لەبەر ئەوەی پیاوێکی خۆش مەشرەب و قسەخۆش بووە و حەرەکاتی سەیر و سەمەرەی کردووە و بۆتە هۆی بەزم و پێکەنین و خۆشی کاک ئەحمەد بردوویەتی بۆ حەج. پیاوێکی عاقڵ و هۆشمەند بووە… گاڵتەی بە ناهەمواری زەمانە هاتووە. خەڵکی شاری سلێمانی بووە و هەر لەوێش کۆچی دوایی کردووە.

گردی سەیوان: بەناوبانگترین گۆڕستانی شاری سلێمانییە کە ژمارەیێکی زۆر لە زانایان و شاعیرانی کورد لەوێدا نێژراون.

سەر ڕەحەت: مێشک هێمنە و بە هیچ کارێکی ناڕەواوە خەریک و ماندوو نییە.

گوێ شل کە: گوێ بگرە.

نەعرەتە: بۆ دەنگ و هاوارێکی بەرز و بەهێز بەکار دێت و وەک ئەڵێن: نەعرەتەی شێر یا نەڕەی شێر.
پڕ شۆیە: تەڕ و تووشە.

یانەکەم: خانەکەم خانووەکەم.

کۆپی کردن بێ ئاماژەدان بە سەرچاوە قەدەغەیە
More
Song image
مامە کوڕنوو ٢

By - عەلی زەندی Elî Zendî

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

سەیرە بەزمە هەڵپەڕینە پڕ لە قاقای خەندەیە

نەعرەتەی گوێ کەڕ ئەکا جۆش و کوڵی سەیوانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

ئەرخەوان سوورە بەهارە گوڵشەنە، ڕازاوەیە

دەشت و کۆ ڕەنگین و پڕشۆیە وەنەوشەی یانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

خەرمەنی لالە لە کۆهساران و پێدەشت و نشێو

سوورترە لەو خوێنە باریوەی کوڵی گریانەکەم

مامە کوڕنووی ڕاکشاوی گردەکەی سەیوانەکەم

سەر ڕەحەت دڵ بێ گرێ گوێ شل کە بۆ داستانەکەم

کوڕنوو: ئەحەی کوڕنوو، ناوی ئەحمەدی کوڕنووە لە زەمانی کاک ئەحمەدی شێخا نۆکی کوڵانووە، لەبەر ئەوەی پیاوێکی خۆش مەشرەب و قسەخۆش بووە و حەرەکاتی سەیر و سەمەرەی کردووە و بۆتە هۆی بەزم و پێکەنین و خۆشی، کاک ئەحمەد بردوویەتی بۆ حەج. پیاوێکی عاقڵ و هۆشمەند بووە و گاڵتەی بە ناهەمواری زەمانە هاتووە. خەڵکی شاری سلێمانی بووە و هەر لەوێش کۆچی دوایی کردووە.

گردی سەیوان: بەناوبانگترین گۆڕستانی شاری سلێمانییە کە ژمارەیێکی زۆر لە زانایان و شاعیرانی کورد لەوێدا نێژراون.

سەر ڕەحەت: مێشک هێمنە و بە هیچ کارێکی ناڕەواوە خەریک و ماندوو نییە.

گوێ شل کە: گوێ بگرە.

نەعرەتە: بۆ دەنگ و هاوارێکی بەرز و بەهێز بەکار دێت و وەک ئەڵێن: نەعرەتەی شێر یا نەڕەی شێر.
پڕ شۆیە: تەڕ و تووشە.

یانەکەم: خانەکەم، خانووەکەم.

کۆپی کردن بێ ئاماژەدان بە سەرچاوە قەدەغەیە
More
Song image
بۆ دوا جارە بەجێت دێڵم ٣

By - عەلی زەندی Elî Zendî

بۆ دوا جارە بەجێت دێڵم سا ماڵاوا ئازیزەکەم
شاخ و گرد و هەرد دەپێوم سا ماڵاوا ئازیزەکەم
ئاخ بۆ ئامانجی ڕۆژی ڕووناک ڕێگای تاریکی ئەکێڵم
بەجێت دێڵم
بەجێت دێڵم

دەبا بمرم لە ڕێگای عەشق و ئازادی دڵ پڕ خوێنە
وەک شەرابی جامی بەدمەست بە دەستی خۆت بمڕژێنە
چونکە دڵم پڕە لە ئێش ئاخ ئیلاجی ناکرێ زامەکەم
ڕوو ئەکەمە هاوڕێیەکانم چاری نییە بە با دە مەی
بەجێت دێڵم
بەجێت دێڵم

کۆپی کردن بێ ئاماژەدان بە سەرچاوە قەدەغەیە
More
Song image
یادم کە

By - عەلی زەندی Elî Zendî

لە داخی مەینەتی دەوران دڵم پڕ ئاورە ساقی
لە ژاری تاڵی ژین دیسان پیاڵەی دڵ پڕە ساقی
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە

وەرە ئەمشەو وەکوو هەر شەو وەرە ساقی دڵم خوێنە
هەتاکوو دێتە چاوم خەو حەرامەشەربەتان بێنە
بە یادم کە بە یادم کە ئازیزەکەم تۆ یادم کە
هەرچەند لە ولاتی غەریبم ئازیزەکەم دڵشادم کە

دڵم زووخاوی لێ دەڕژێ دەسا هەستە بکە مەستم
شەرابی کۆن لە جامی نوێ بە خوڕ تێکە بدە دەستم
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە

کەوا کون کون بووە جەرگم لە جەوری ماتەمی دنیا
هەتاکوو سەردەمی مەرگم وەرە هەر تۆم دەوێ تەنیا
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە

کۆپی کردن بێ ئاماژەدان بە سەرچاوە قەدەغەیە
More