site loader
Song image
شەوی یەڵدا – عەدنان کەریم

By - عەدنان کەریم Ednan Kerîm

شەوی یەلدایە یا دەیجوورە ئەمشەو
کە دیدەم دوور لە تۆ بێ نوورە ئەمشەو
دڵم وەک حاکمی مەعزوولە قوربان
خەڵاتی وەسڵی تۆی مەنزوورە ئەمشەو

دڵیش مایل بە دیدەی تۆیە بۆیە
لە من وەحشی و ڕەمیدە و دوورە ئەمشەو
کە تۆی شای کەجکولاهی دیدەمەستان
چ باکم قەیسەر و فەخفوورە ئەمشەو

لە خەو هەڵساوە یا ئاڵۆزە چاوت
هەمیشە وایە یا مەخموورە ئەمشەو
سوروشتم نەقشی چاوی تۆ ئەکێشێ
کە جێم سەر دارەکەی “مەنسوورە” ئەمشەو
شەوی یەلدایە یا دەیجوورە ئەمشەو
کە دیدەم دوور لە تۆ بێ نوورە ئەمشەو
دڵم وەک حاکمی مەعزوولە قوربان
خەڵاتی وەسڵی تۆی مەنزوورە ئەمشەو

کۆپی کردن بێ ئاماژەدان بە سەرچاوە قەدەغەیە
More