بێ وڵات خۆم ئای دەربەدەر خۆم
بڵێن بە بووکی تازەی یەک شەوەم گەر هاتە سەر نەعشم
نەڵێ خۆی بۆ وەتەن کوشت و لە ڕێی عەشقی منا نەژیا

دڵە گیان وەزیفەم بوو لە پێناوی وڵاتێکا
ئەرێ دڵە گیان وەزیفەم بوو لە پێناوی وڵاتێکا سەرم بەخشم
کە تۆی پەروەردە کرد بۆ من لە داوێنی چیا و کەژیا

ئەگەر خوای گەوڕە بەخشی بە تۆ هەتیوێ پێی بڵێ ڕۆڵە
لە من فرمێسکی ویست باوکت لە تۆش داوا بکا تۆڵە
لە من فرمێسکی ویست باوکت لە تۆش داوا ئەکا تۆڵە

یارم دەمێکە بێ هەواڵ ماوە
وادیارە ئێستاش لە من تۆراوە

کە دێتە یادم ژیانی جاران
خۆشی و ڕابواردن لە سای چناران
یا پێک نۆشینی بادەی دڵداران
عەشقت ئەڕێژم وەک ئاوی باران
یارم دەمێکە بێ هەواڵ ماوە
وادیارە ئێستاش لە من تۆراوە

کە دێتە یادم بەندی تەناوی
یا زوڵفی ڕەش و ئەگریجەی خاوی
یا کوڵمی گەش و نەرم و نیانی
شێت و شەیدامە هەر دەم لە تاوی
یارم دەمێکە بێ هەواڵ ماوە
وادیارە ئێستاش لە من تۆراوە

کە دێتە یادم شەوانی شادی
کاتی سەیران و خۆشی و ئازادی
وەکوو دێوانە سەرم جێماوە
کێوان دەپێوم بە نامورادی
یارم دەمێکە بێ هەواڵ ماوە
وادیارە ئێستاش لە من تۆراوە

هۆنراوەی مەقام: گۆران
هۆنراوەی بەستە: مەدهۆش

چوومە سەر سەنگەر، سەنگەر سوور ببوو
دیم کوڕەکوردێ بریندار ببوو
بە گوللەی دوژمن سنگی چڕژابوو
لە سەر ئەم خاکە خوێنی ڕژابوو
وەسیەتی دەکرد بە برینداری
دڵی هەر بەردێک ئەهاتە زاری

بڵێن بە دایکم نەگرێ بەهانە
ژینم لە ڕێگای نیشتمان دانا
بڵێن بە بابم ئاخ هەڵنەکێشێ
دوژمنی هەستم لە خوێن هەڵکێشێ
نەکەن سەراپا ڕەشی بپۆشن
با نەڵێ دوژمن دڵ بە پەرۆشن
چوومە سەر سەنگەر، سەنگەر سوور ببوو
دیم کوڕەکوردێ بریندار ببوو

سڵاو لەو دایکەی کوژراوە ڕۆڵەی
دایم حەولیەتی بستێنێ تۆڵەی
سڵاو لەو دایکەی ڕۆڵەی کوژراوە
کۆرپە جوانەکەی نێچیری ڕاوە
چاوبەگریان و جەرگ کونکونە
جەرگبڕاوی دەستی دوژمنە
چوومە سەر سەنگەر، سەنگەر سوور ببوو
دیم کوڕەکوردێ بریندار ببوو

شەهید گوڵی چیای بەرزە
مزگێنیدەری بەهارە
شەهید شێعری یادگارە

شەهید غونچەی گوڵی سوورە
شەهید نوورە، شەهید نوورە
شەهید هاواری ڕزگاری
ئاسۆی ڕوونی کەژی دوورە
شەهید قامەتی چیایە
دوژمن لە ئاستی زەبوونە
شەهید مامۆستای فێربوونە

شەهید ناوی وەک قەڵایە
ورەی بەرزە وەک پۆڵایە
شەهید تەنیا یەک جەستەیە
بەڵام جارێ ناوبردنی هەزاران هەزار بەستەیە