site loader
Song image
شیرین و شیرین و شەمامە

By - محەمەد ماملێ Mihemed Mamlê

ئەرێ دەچمە سەری سوڵتانی شەمۆیێ نایێمەوە
دەست لە کێلان وەردێنم چل دانەی دەگرمەوە
بەختی خۆم و لێوئاڵێ بە تاقی دەکەمەوە
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

ئەرێ وەی سەرێکە مەستی نازت دڵێکە بۆت نەماوە
خۆ دڵم حەقی بە دەستە فتوای سەری دراوە
نەحلەت لە یاری درۆزن وەفای بۆ کەس نەماوە
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

کەس نییە بینێرمە کن یار بۆ باس و بۆ خەبەرێ
هەرکەس ئەتۆی لە من کرد وەک ئەمنی بی بە سەرێ
جا سەر و ماڵم دەفرۆشم بۆ دوو چاوی گەوهەرێ
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

ئەرێ وەکی لە من قەوماوە گیانە یا ڕەبی لە کەس نەقەومێ
لە وڵاتی موکریانێ کەس نییە هاواری بەرمێ
باب و دایکی لێوئاڵێ تووڕەن نامدەنێ نەرمی
جا لەسەر ئەو حاڵەش لە یار زۆری لێ دەکەم شەرمێ
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی
شیرین و شیرین و شەمامە شەمامەی چواربێستانی
یا ڕەبی دڵی نەرم بێ دەبمە قۆچی قوربانی

کۆپی کردن بێ ئاماژەدان بە سەرچاوە قەدەغەیە
More
Song image
شیرین و شیرین و شەمامە ٢

By - حەسەن زیرەک ‌Hesen Zîrek

کەی دانیشین دوو بە دوو نازک و نەرم و خاڵ لە ڕوو
نە عەیبە و نە ئیرادە بۆ ویم ئاور تێ بەر بوو
سینگی کارخانەی قەندە لەسەر چۆمی جەغەتوو
برژانگ ئەڵماسی دوو سەر یەک لە جگەرم هەڵچوو
شیرین و شیرین و شەمامە شەمامەی چواربێستانی
بەژن ڕێک و پێک و جوان تۆم گوڵی کوردستانی
لە دەوری سەرت گەڕێم ناسک ئارامی دڵانی

ئەرێ دەردت لە ماڵم حەلیم زەحمەتە بێت بژیم
سینگت مەکتەبی تاران لێی دەردەچێ معەلیم
ڕوحمی خێریت بێ سووتام نازکێ بە وێنەی ڕەژیم
شیرین شیرین شەمامە شەمامەی چواربێستانی
بەژن ڕێک و پێک و جوان تۆ گوڵی کوردستانی
لە دەوری باڵات گەڕێم ناسک ئارامی دڵانی

دەردت لە ماڵم کاڵی کەزیەت بەندی ڕەشماڵێ
سێ گەز بە گەزی کوردی باسکم لە گەردنت ئاڵێ
تۆ بڕۆ بابت ڕازی بکە دایکت بۆ من هیچ ناڵێ
پێم عەیبە و پێم ئیرادە لە دووت بم ماڵە و ماڵێ
شیرین و شیرین و شەمامە شەمامەی چواربێستانی
لە دەوری باڵات گەڕێم تۆ گوڵی کوردستانی
جا ئەو دەردەی من دەکوژەی ژنی گولەی مێردانی

کۆپی کردن بێ ئاماژەدان بە سەرچاوە قەدەغەیە
More
Song image
شیرین و شیرین و شەمامە

By - حەسەن زیرەک ‌Hesen Zîrek

دولاری لە نێو لیران قۆخی لە نێو هەنجیران
باسکت لە گەردنم وەربێنە دەرمانی جوان و پیران
شیرین و شیرین و شەمامە شەمامەی چواربێستانی
بەژن ڕێک و پێک و جوان ناسکۆڵ دەڵێی خەرمانی

چەکی لە نێو بڕنەوان دەرمانی کۆخ و جوان
لێرەوە پێشکەشت بێ کاخی نوێی باراملووان
دە وەرە ئاوێزانت بێم قۆخی نێو قەرەڵووان
شیرین و شیرین و شەمامە شەمامەی چواربێستانی
جوان و ڕێک و پێک و نەرمی دەڵێی خەرمانەی گوڵانی
هەی سەبارەت بە چاوی تۆ ئاوەدان بێ سلێمانی

ماڵیان لەسەر شەقامە لێوی شەکەری خامە
باسکم لە گەردنی وەر بێنە دەرد و دەرمانم ئامە
دەبا دەسکەین بە تاوڵە ئەتۆ داش و من دامە
دەی وەرە قومارێ بکەین ئەتۆ داش و من دامە
شیرین و شیرین و شەمامە شەمامەی چواربێستانی
نەرم و نۆڵ و گرد و مرد تۆم گوڵی کوردستانی

یاڵڵا یا سوڵتان هاوار دەڕوانێتە بورهانی
سەیدی کاکە جان هاوار لە مەزرای سەهۆڵانی
دڵی یارم نەرم کەی با بکا میهرەبانی
ڕوحمی خودای لە دڵدا بێ و من ماچ کەم سەر کوڵمانی
شیرین و شیرین و شەمامە شەمامەی کوردستانی
بەژن ڕێک و پێک و جوان تۆم گوڵی چواربێستانی
وەی هەموو دونیا دەیزانێ دەڵێن لە گولەی نەبانی
سەبارەت بە چاوی ئەسمەر ئاوەدان بێ سلێمانی

کۆپی کردن بێ ئاماژەدان بە سەرچاوە قەدەغەیە
More
Song image
شیرین و شیرین و شەمامە ٢

By - مەلا حسێن عەبدوڵازادە

فەسڵی دەچییە حەمامێ کارێ وا بکە بتبینم
بۆ قیامەتێ زۆر چاکە پێی قایم دەبێ دینم
یا ڕەبی بەخێرێتەوە یاری گران و سەنگینم
شیرین و شیرین و شەمامە شەمامەی کوردستانی
یا ڕەبی دڵی نەرم بێ دەبمە قۆچی قوربانی

گرمەی دێ دەڵێی بایە هەی لە خاڵی لەیلایە
لەبەر گریان و زاری شەو و ڕۆژم خەو نایە
سەیدی دە بڵێ بۆی شێت بم بۆچ دەدوێی دە دونیایە
شیرین و شیرین و شەمامە شەمامەی کوردستانی
یا ڕەبی دڵی نەرم بێ دەبمە قۆچی قوربانی

من حەزرەتی خدر نیم عومرێکی توولانیم بێ
لێقەوماو و فەقیرم هیچکەس بە دەستم نابێ
هات ڕابرد بەژنێ باریک یاخودا بە چاو نەبێ
شەش دانگ موڵکی موکریان قوربانی چاوێکی بێ
شیرین و شیرین و شەمامە شەمامەی کوردستانی
یا ڕەبی دڵی نەرم بێ دەبمە قۆچی قوربانی

سابڵاغم بە دەم فرۆشت بۆ گوڵ و گوارە و کرمەکی
دەبەر ئەو سینگەی دەمرم بووەتە بەفری کورتەکی
بە ماچێکی هەرزانە ماخساڵی و سوورچی و ئەرکی
شیرین و شیرین و شەمامە شەمامەی کوردستانی
یا ڕەبی دڵی نەرم بێ دەبمە قۆچی قوربانی

کۆپی کردن بێ ئاماژەدان بە سەرچاوە قەدەغەیە
More