هەر وەختێ هەور و نم نم بارانە دێنێتۆ یادم ئەو زستانە
شەکەت و ماندوو، هیلاک و مردوو ڕێبوارێ بووم و لە ڕێی بانە

نازەنینێ، چاو شیرینێ، بووبوو بە هاوڕێم
خۆش کەلامێ، خۆش خەرامێ، هێزی خستە پێم
چ بارانێ، وای چ تۆفانێ، خوا خۆی ئەزانێ
لە بەر لاسامە و تەوژمی باران و سەرما
تا بەیانی چووینە غارێک هەردوو بە تەنیا

سەرم نابوویە سەر سینەی نەرمی
خستبوویە گیانم خۆشی و گەرمی
ئێستاش هەر کاتێ نم نم بارانە
دێتەوە یادم ئەو زستانە

نازەنینێ، چاو شیرینێ، بووبوو بە هاوڕێم
خۆش کەلامێ، خۆش خەرامێ، هێزی خستە پێم
چ بارانێ، وای چ تۆفانێ، خوا خۆی ئەزانێ
لە بەر لاسامە و تەوژمی باران و سەرما

خۆم بە خۆمم کرد تیربارانم کەن ئامۆزا گیان
لەبەر بەیانا دەر بە شارم کەن ئامۆزا گیان
ئامۆزا تۆ باڵابەرزی ئامۆزا هەر بۆ خۆم فەرزی
ئامۆزا تاقە گوڵەکەم نێونەمام فێنکی دڵەکەم
کانیەکەی بەر ماڵ زیخ دانە دانە ئامۆزا گیان
یارم دانیشتووە زوڵف ئەکا شانە ئامۆزا گیان
ئامۆزا تۆ باڵابەرزی ئامۆزا هەر بۆ خۆم فەرزی
ئامۆزا تاقە گوڵەکەم نێونەمام فێنکی دڵەکەم
کانیەکەی بەر ماڵ زیخ دانە دانە ئامۆزا گیان
یارم دانیشتووە زوڵف ئەکا شانە ئامۆزا گیان
ئامۆزا تۆ باڵابەرزی نێونەمام هەر بۆ خۆم فەرزی
ئامۆزا تاقە گوڵەکەم نێو نەمام فێنکی دڵەکەم

گەر لە ئەوینی تۆ مردم
لە شاری دڵتا بمنێژە
بە سەر جەستەی ڕووخاومدا
خاکی ئەم دونیا مەڕێژە

چاوەکانت بسپێرە پێم
با لەگەڵ خۆم بیبەم بۆ گۆڕ
با ئەوینی ئەم دوودڵە
ببێ بە ڕازی سەر بە مۆر

تۆ مەمی عاشق لە زیندان
من زینی مردوو لە جێ ژوان
ئەم چیرۆکی دڵدارییە
زیندوو ئەهێڵنەوە یادمان

چاوەکانت بسپێرە پێم
با لەگەڵ خۆم بیبەم بۆ گۆڕ
با ئەوینی ئەم دوودڵە
ببێ بە ڕازی سەر بە مۆر

بیرم تەنها هەر لای تۆیە
مێشک و دڵ پڕ یادی تۆیە
لە خۆشی و سەخی ژیانا
پەنام هەر ئامێزی تۆیە

چاوەکانت بسپێرە پێم
با لەگەڵ خۆ بیبەم بۆ گۆڕ
با ئەوینی ئەم دوودڵە
ببێ بە ڕازی سەر بە مۆر

Ger le ewînî to mirdim
Le şarî dilta bimnêje
Be ser cestey rûxawimda
Xakî em dunya merêje

Çawekanit bispêre pêm
Ba legel xo bîbem bo gor
Ba ewînî em dû dile
Bibê be razî ser be mor

To memî aşiq le zîndan
Min zînî mirdû le cêjwan
Em çîrokî dildarîye
Zîndû ehêlnewe yadman

Çawekanit bispêre pêm
Ba legel xom bîbem bo gor
Ba ewînî em dû dile
Bibê be razî ser be mor

Bîrim tenha her lay toye
Mêşk û dil pir yadî toye
Le xoşî û sexî jyana
Penam her amêzî toye

Çawekanit bispêre pêm
Ba legel xom bîbem bo gor
Ba ewînî em dû dile
Bibê be razî ser be mor

ئەی بەژن ڕێک لەنجە جوان خاوەن سەرنج شێوەت پەری
بۆ نیگایەک وێڵ و شەیدام باڵی شیعرم هەڵوەری
هەر ئەوەندەم دیوە چاوت وا لە ژێر برژانگی ڕەش
وەک گەلاوێژ شوێن مەبەستن بۆ سەرنجێ ئاڵ و گەش
تیشکی ڕوت کاتێ لە دەریای وردی ئەندێشەم دەدا
خشڵی شیعرم وا دەڕازێ بووکی هەست جوانتر دەکا
وەک پەپوولە گیانی تینووم بۆ قومێ عەتری نیگات
دێت و دەڕوا هەر شنەی دێ تا بە برژانگت بگات
جا کە تێر بۆن بوو لە باخچەی دیمەنی پاراوی تۆ
تێر مژی خونچەی سەرنجی پڕ گوڵاوی چاوی تۆ

بوو بە ئاوازێ بەرامەی بەستەکەی چۆڕایە ناخ
خاکی وشکی چاوەڕوانیم هاتە سەوزی و بوو بە باخ
دێم لە چاوەی عەشقی تۆوە بۆ ژیان هەنگاو دەنێم
مەست دەبم بەو بۆنە خۆشە و بەستە بۆ چاوت دەڵێم

Ey bejin rêk lence ciwan xawen serinc şêwet perî
Bo nîgayek wêl û şeydam balî şî’rim helwerî
Her ewendem dîwe çawit wa le jêr birjangî reş
Wek gelawêj şwên mebestin bo serincê al û geş
Tîşkî rut katê le deryay wirdî endêşem deda
Xişlî şî’rim wa derazê bûkî hest ciwantir deka
Wek pepûle giyanî tînûm bo qumê etrî nîgat
Dêt û derwa her şiney dê ta be birjangit bigat
Ca ke têr bon bû le baxçey dîmenî parawî to
Têr mjî xunçey serincî pir gulawî çawî to

Bû be awazê beramey bestekey çoraye nax
Xakî wişkî çawerwanîm hate sewzî û bû be bax
Dêm le çawey eşqî towe bo jiyan hengaw denêm
Mest debim bew bone xoşe û beste bo çawit delêm