سەفامەنش کرماشان Archives

عشقێ پاکێ م تۆنی عشقێ پاکم کرماشان
لە عشقێ پاکێ تۆ من سینەچاکم کرماشان
نەتەنیا م عاشقم عاشقێ خاکێ پاکد
دونیا عاشقە عاشق عاشقێ ئاو و خاکد
کرماشان ئای کرماشان ئەی دیارێ خوەشنیشان
قبلەگای عاشقانە بیستۊن و تاق وە سان

سەراوێ نیلوفەرد بهشتێ ڕووی زەمینە
باخەیلێ دڵنشینی لە یاسەمەن ڕەنگینە
چاوێ گەن لەلید دوور بوود ئەی وەهارێ گوڵفشان
تا قیامەت بمینی عشقێ پاکم بی خەزان
کرماشان ئای کرماشان ئەی دیارێ خوەشنیشان
قبلەگای عاشقانە بیستۊن و تاق وە سان

کۆپی کردن بێ ئاماژەدان بە سەرچاوە قەدەغەیە

✓ سەفامەنش کرماشان ✓ کرماشان سەفامەنش