غەمبارم ماتم سەبری ئەگریم ئەناڵم
عاشقی ڕەنگی سەبری دوو لێوی ئاڵم
لە شەو تا بەیان سەبری کارم زارییە سەبری
لە هەر دوو چاوم سەبری ئەسرین جارییە

*؟؟؟ گیانی شیرینم
لاکە بەملاوە تا ڕووت ببینم
غەمبارم ماتم سەبری ئەگریم ئەناڵم
عاشقی ڕەنگی سەبری دوو لێوی ئاڵم

هەرچی تۆ دەیکەی سەبری منەت بە گیانم
کوشتەی دووری تۆم سەبری ڕۆحی ڕەوانم
ئای سەبری سەبری سەبری دەردت لە گیانم
هەی داد هەی بێداد سەبری دەردم تاوتاوە سەبری
ساتێکم لەرزە سەبری ساتێکم یاوە

*؟؟؟ گیانی شیرینم
لاکە بەملاوە چاوت ببینم
هەرچی تۆ دەیکەی سەبری منەت بە گیانم
کوشتەی دووری تۆم سەبری ڕۆحی ڕەوانم

غەمبارم ماتم سەبری ئەگریم ئەناڵم
عاشقی ڕەنگی سەبری دوو لێوی ئاڵم
لە شەو تا بەیان سەبری کارم زارییە سەبری
لە هەر دوو چاوم سەبری ئەسرین جارییە

*؟؟؟ گیانی شیرینم
لاکە بەملاوە تا ڕووت ببینم
غەمبارم ماتم سەبری ئەگریم ئەناڵم
عاشقی ڕەنگی سەبری دوو لێوی ئاڵم

*؟؟؟= ئەو بەشەمان بۆ ڕوون نەبۆتەوە، تکایە ئەگەر دەیزانن بۆمانی بنووسن
سپاس

سەبری گیان هەستە بەیانە
درەنگە بۆ خەستە خانە
خەستە حاڵیان پەرێشانە
دەرمانیان کە بەو پەنجانە
ئەمان لێ لێ وەی سەبرییە
چاو ڕەشەی چل کەزییە ئاگات لە حاڵی من نییە
ڕۆژی حەشرێ جوابت چییە
خۆزگەم بە دوێنێ نیوەڕۆ سەبرییان برد بۆ تانجەڕۆ جلیان بۆ کرد لە گوڵە هێرۆ
ئەمان ئەمان ئەی زەمزەمە
ئەمان ئەمان ئەی زەمزەمە
هەرچەند ماچی بیکەی کەمە ناوی دڵم پڕ لە غەمە
بەهەشت بێ تۆ جەهەندەمە
سەبری دەڵێ من شوو ناکەم جلا کوردی لەبەرناکەم دڵی ئاشقان لەخۆم ناکەم
ئەمان ئەمان ئەی سەبرییە
ئەمان ئەمان ئەی سەبرییە
چاو ڕەشەی چل کەزییە ئاگات لە حاڵی من نییە ڕۆژی حەشرێ جوابت چییە

سەبری دەڵێ من شوو ناکەم
دڵی عاشقان لە خۆم ناکەم
سەبری دەڵێ من شوو ناکەم
جلی کوردی لە بەر ناکەم
دڵی عاشقان لە خۆم ناکەم
ئەمان ئەمان وەی سەبرییە
هۆ ئازیزم هۆ دڵەکەم
سوجدە بۆ دار و دەو دەبەم
دڵنیا بە هەر پێت دەگەم
وەرە دڵم مەشکێنە

ئەڵێی لەعلی زامداری دە نێو عالەمدا دیاری
خۆم قوربانی باڵات بم بەژن و باڵا مرواری
یار دەڕوا خۆی دەنوێنێ بە لەنجە ئەمسووتێنێ
زاڵمە ناماندوێنێ و بێ ڕەحمە و ئەمسووتێنێ

شل و مل و لەبارن ناسکن گوێ بە گوارن
شەدە و گێل گێلە لارن دەسماڵ پوولەکە دارن
یار دەڕوا خۆی دەنوێنێ بە لەنجە ئەمبزوێنێ
زاڵمە ناماندوێنێ و بێ ڕەحمە و ئەمسووتێنێ

سەبری دەڵێ من شوو ناکەم
جلی کوردی لە بەر ناکەم
بە مەرگی تاقە براکەم
دڵی عاشقان لە خۆم ناکەم
هۆ ئازیزم هۆ دڵەکەم
سوجدە بۆ دار و دەو دەبەم
دڵنیا بە هەر پێت دەگەم
وەرە دڵم مەشکێنە

سەبری ئێژێ من شوو ناکەم
کراسی کوردی لە بەر ناکەم
لەبەر خاتر ئەو دوو براکەم
ئامان ئامان لەو سەبرییە
کوشتوومی ئاگای لێم نییە

دەمێکە من لە غوربەتدام غەریبی بەحری حیرمانم
بە بێ گوڵ غونچەی دەمیدا موقیمی کونجی هیجرانم
ئامان سەبری دیدەم سەبری
بە سەرتاپا چەن بە مەکری
قەدری غەریبان ناگری

ئەو چاوانەی هەڵیان دێنی
بە کلە و دەرمان دەیڕازێنی
بەندی جەرگم تۆ ئەپسێنی
بۆچ لێم زیزی نامدوێنی
گیانم سەبری ڕۆحم سەبری
بە سەرتا دا دەسرەی هەوری
سەد ماشەڵا چەند بە مەکری

تەماشای بولبولی دڵ کەن بە ناحەق خۆ نەسووتاوە
دەڵێن ئەمڕۆ لە من دوور بوو گوڵی نەوڕەس نەگۆڕاوە
گوڵەکەم ڕۆ دڵەکەم ڕۆ بە جارێ ماڵی وێرانم