site loader
Song image
ڕۆژگار – زەکەریا

By - زەکەریا عەبدوڵا Zekerya Ebdula

ڕۆژگاری بەختم تا کەی هەر وایە

من و دڵداری لە یەک جودایە

خودایە تا کەی حاڵی من وا بێ

هەموو ژیانم هەر بە تەنها بێ

سەرانسەر دونیا حاڵم دەزانێ

کەس چارەی دەردی دڵم نازانێ

تەمەن سەرتاپای گەڵاوەرین بوو

هەر زامی سەخت و هەر دڵ برین بوو

خۆ تۆ ئەزانی چەند دڵشکاوم

بە دوای ئیشقی تۆ بێهیوا ماوام

تەمەن سەرتاپای گەڵاوەرین بوو

هەر زامی سەخت و هەر دڵ برین بوو

ئیتر بۆچی تۆش وازم لێ دێنی

وەک گوڵی بەهار ئیشقم دەمرێنی

سەرانسەر دونیا حاڵم دەزانێ

کەس چارەی دەردی دڵم نازانێ

کۆپی کردن بێ ئاماژەدان بە سەرچاوە قەدەغەیە
More
Song image
یاران – زەکەریا

By - زەکەریا عەبدوڵا Zekerya Ebdula

لە ژێر زەردە و نووری مەغریبدا دەگریم دیسان
لە ناو بەفری بەرەبەیاندا دەگریم دیسان
من دەگریم و دەزانم ئەو چەند پیرۆزە
بۆ خەمی من باوەشی ئەو چەند بەسۆزە
ئیتر یاران لێمگەڕێن با ئەمشەو شینی عەشق بکەم
بۆ ئەم سۆزە مانگی قەڵەم چرۆی وشە من بەڕێ بکەم

ئەمشەو جەژنی شوێنە و بەدمەستی منە یاران
شەوی بەختە و ڕەهێڵەی عەشقە ئەمشەو یاران
تۆ تەماشای کچانی شار بە چرپەوە
بە خڕیوەی هەزار نازی سەرەڕێوە
چۆن وەکوو مەل پۆلاوپۆلی سەرچنارن دێن و دەچن
قەتار گوڵ چەمی ڕەنگن چرۆی سەوزن دێن و دەچن
ئیتر یاران لێمگەڕێن با ئەمشەو شینی عەشق بکەم
بۆ ئەم سۆزە مانگی قەڵەم چرۆی وشە من بەڕێ بکەم

کۆپی کردن بێ ئاماژەدان بە سەرچاوە قەدەغەیە
More
Song image
بۆ کوردستان – زەکەریا

By - زەکەریا عەبدوڵا Zekerya Ebdula

ئەم خاکە جوانە بۆ من ژیانە
ڕۆح و گیانم بە فیدای کوردستانە
چاوی هەمووانە هیوای دڵانە
چەند شیرینە بووکی جوانی جیهانە
لانەی ئەوینم سەرچاوەی ژینم
کوردستان هەر تۆی چارەی برینم
تۆ شادی و ئازادی و مایه‌ی سه‌رفرازیم
من بۆ تۆ به ڕۆحم هه‌ر ئاماده و رازیم

ئه‌ی کوردستانم هه‌ناسه‌م گیانم
من تۆم نه‌بی ئاواره و په‌رێشانم
نووری چاوانم دایکم باوانم
ڕۆژێ دوور له تو هه‌ڵناکه‌م ناتوانم
تۆ گڕ و تینم خه‌ونی شیرینم
کوێراییم دادێ دوور بم نه‌تبینم
تۆ شادی و ئازادی و مایه‌ی سه‌رفرازیم
من بۆ تۆ به ڕۆحم هه‌ر ئاماده و رازیم

کۆپی کردن بێ ئاماژەدان بە سەرچاوە قەدەغەیە
More