site loader
Song image
ئەمنە گیان

By - سەباح هەورامی Sebah Hewramî

ئەمنەی باڵابەرز ئەمنە گیان کەی مەی جە ڕاوە

ئەمنەی باڵابەرز ئەمنەلە کەی مەی جە ڕاوە

هەڵای سەرمەسم ئەمنە گیان بەو تەمەناوە

گۆڕاڵەی وەهار باوانم ڕێحانەی پاییز

گۆڕاڵەی وەهار ئەمنە گیان ڕێحانەی پاییز

هیچ کامیان بۆنی ئەمنەلە تۆ نەدان ئازیز

هیچ کامیان بۆنی ئەمنە گیان تۆ مەدەن ئازیز

زوڵف پەی بەخیەی زام ئەمنە گیان عەتر پەی مەڵهەم

زوڵف پەی بەخیەی زام ئەمنەلە گیان عەتر پەی مەڵهەم

دەسماڵ پەی پیتەی نازەنین زامی پڕ ستەم

دەسماڵ پەی پیتەی ئەمنە گیان زامی پڕ ستەم

ئەمنەی باڵابەرز ئەمنەلە کەی مەی جە ڕاوە

ئەمنەی باڵابەرز ئەمنە گیان کەی مەی جە ڕاوە

هەڵای سەرمەسم ئەمنە گیان بەو تەمەناوە

هەڵای سەرمەسم ئەمنەلە بەو تەمەناوە

پەژارەت شادیم ئەمنە گیان جە بێخ ئاوەردەن

پەژارەت شادیم ئەمنە ڕۆ جە بێخ ئاوەردەن

دووریت ڕیشەی دڵ باوانم خەیمەکەن کەردەن

دووریت ڕیشەی دڵ خەیمەکەن کەردەن

ئیمشەو بە هەر حاڵ ئەمنە گیان  شەو وە ڕۆ بەروو

ئیمشەو بە هەر حاڵ ئەمنە گیان  شەو وە ڕۆ بەروو

ئەی خوا من مەرگێ ئەمنەلە سەحەر چێش کەروو

ئەی خوا من مەرگێ ئەمنە گیان سەوای چێش کەروو

ئەمنەی باڵابەرز ئەمنە گیان کەی مەی جە ڕاوە

ئەمنەی باڵابەرز ئەمنەلە کەی مەی جە ڕاوە

هەڵای سەرمەسم ئەمنە گیان بەو تەمەناوە

هەڵای سەرمەسم ئەمنە گیان بەو تەمەناوە

کۆپی کردن بێ ئاماژەدان بە سەرچاوە قەدەغەیە
More
Song image
وا بەهارە

By - ناسر ڕەزازی Nasir Rezazî

گیان وا بەهارە کەژ و کێو ڕەنگینە
دڵە خەمگینە بە تاسە و تینە
وەرە با سەیرێ لە کوردستان کەین
ئاوپرژێنیکی دڵی بە کۆڵمان کەین
لە سەر ئارێزەوە با بڕوانم
بۆنەکەی خۆشە ئەگاتە گیانم

قیبلەکەم شاری سنەی سەربەرزم
خاوەنی شۆڕە جەوانی تەرزم
قیبلەکەم شاری کزی مل بە کوێن
گۆڕی پیرۆزی شەهیدان لە کوێن
با بچم دەستە گۆڵی لێ دانم
دڵی داماوی لە بەر پێ دانم

گوڵەبارانی گڵی سمکۆ کەم
گڵەبانانی دڵی پڕسۆ کەم
چەپکە شێعرێکی بڵێم بۆ سمکۆ
تا وەکوو دەردی گران بێتەوە سۆ
هەی لێ هەی لێ هەی لۆ
دەبا بڵێین کوردستان گیانبازین بۆ تۆ

قارەمان تاجی سەری شێر پیاوان
ناوی تۆ بووتە سرودی لاوان
بێ تۆ بێ بابە هەتیوی سەنگەڕ
بێ وریشانەوەیە ئاگری شەڕ
کۆڕە کورسانی بە عەشقی مێوان
هەموو گیانیان گڕوو سۆزەو پەیمان

ژیلەمۆی بێ گڕە پڕ سەودایە
ئاگری سووری لە بن سەردایە
لە بن ئەو ئاگره سکڵی سوورن
مەشعەلی نووری بەرەو ڕێ دوورن
هەی لێ هەی لێ هەی لۆ
دەبا بڵێین کوردستان گیانبازین بۆ تۆ

گیان گردی سەیوانی سنە کوچکە ڕەشە
قیبلەگای هەر دەڵێ وا چارە ڕەشە
ئازیەتی چارەڕەشی کوچکەڕەشی
یا وەکوو ڕەمزە لە بۆ چارەڕەشی

سوێند بە خوێنی گەش و سووری دڵی تۆ
لە جیای دەست و چەکی ژێر گڵی تۆ
بە هەزاران هەزار دەست و تفەنگ
هەڵ ئەگرسێنینەوە ئاگری جەنگ
تا ئەگەینە ئەوی ڕۆژی واڵا
شەنگە باڵا بشەکێنن ئاڵا
هەی لێ هەی لێ هەی لۆ
دەبا بڵێین کوردستان گیانبازین بۆ تو

کۆپی کردن بێ ئاماژەدان بە سەرچاوە قەدەغەیە
More
Song image
ماهی من

By - عەدنان کەریم Ednan Kerîm

تا لە من ئەو زوڵفە ڕێی بۆسە و کەناری گرتووە

ناودەمم بێ شوبهە تامی زەهری ماری گرتووە

خۆش لەسەر سینەی سەری هەڵداوە دوو گۆی سەر بە مۆر

مات و حەیرانم کە عەرعەر کەی هەناری گرتووە!

ئەژدەهای زوڵفی لە دەوری گەنجی حوسنی حاریسە

حەڵقە حەڵقە، چین بە چین، سەرتا بە خواری گرتووە

ماهی من تەنها مەهێکە سەد نوجوومی مەحو کرد

یاری من تەنها گوڵێکە سەد هەزاری گرتووە

دامەنی پاکی مەداری دائیرەی خامەک نیە

خوێنی مەقتوولانە وا دامێنی یاری گرتووە

گەرد و بادی هیجری تۆ وا عالەمی لێ کردمە تۆز

نەک دوو چاوم، بەڵکە حەتتا دڵ غوباری گرتووە

شەربەتی عوننابی لێوی شەککەر و بادامی چاو،

سەروی قەددت ڕاستە ئەنواعی سیماری گرتووە

لەعلی شەککەرباری تۆ تێراوە، شەککەر باریە

لێوی میحنەتباری من بێئاوە، باری گرتووە

پڕجەفایە، بێوەفایە، زوود جەنگە، دێر سوڵح

سەد درێغ و حەیفە تەبعی ڕۆزگاری گرتووە

یادی کانی دمدم و سەرچاوەکەی مێگوڕ دەکا

بەکرەجۆی چاوم کە شێوەی سەرچناری گرتووە

بێمەحابا ئاو دەڕێژێ گەهـ بە فەور و گەهـ بە دەور

چاوی من موددێکە شێوەی ئابشاری گرتووە

شەمعی بەزمی من کە وا سووتاوە، زەرد و ئەشک ڕێژ

قەت نییە فەردێک نەڵێ ڕەنگی مەزاری گرتووە

موددەعی زەجرم دەکات و، پێم دەڵێ: سەبرت ببێ

کەر بە لەعنەت بێ کە کەی عاشق قەراری گرتووە!

نالی وا دائیم کە مەشغووڵی فوغان و ناڵەیە

باعیسی هیجرانی یارە دڵ شەراری گرتووە

هۆنراوەی مەلا خدری ئەحمەدی شاوەیسی مکایلی (نالی)

کۆپی کردن بێ ئاماژەدان بە سەرچاوە قەدەغەیە
More
Song image
هەموو شەو چاوەڕێم

By - عەدنان کەریم Ednan Kerîm

ھەموو شەو چاوەڕێم بەڵکم بە مەخفی یاری جانی بێ
لە تاریکیی شەوا شوعلەی چرا موشکیل نیھانی بێ
چرای ئەووەڵ شەوی قەبرم گڕەی دڵمە لە ھیجرانت
بە سروەی بای ئەجەل شەمعی حەیاتم ھەر کە فانی بێ
لە سەحرای مەحشەریشا یاری من تەرکی ستەم ناکا
فیدای ئەو شۆخە بێ ڕۆحم کە جەوری دوو جیھانی بێ
لیقا خواھیش دەکەم دایم کە بنوێنێ وەلێ ناچار
ڕەزام حەرفێ لە جوابت بشنەوم گەر “لن ترانی” بێ
بە شێوەی چەنبەریی قەددی خەمیدەی پیری بێتاقەت
دەبێ فیکرێ بکا یار ئەر غورووری نەوجەوانی بێ
بەجوز مانی، موسەوویر قەوسی ئەبرۆی وی نەکێشاوە
کە مانی نەقشی کێشا بێ دەبێ ھەروا کەمانی بێ
وەفا داغی نەکا گەر دڵ بە کزلک چاکە دوولەت بێ
زوبانی پێوەدا عەقرەب کەسێ سیدقی زوبانی بێ
ڕەوانی کۆھکەن با تازە کا تەقریری شیرینم
بە شیرینیی لەبت ناگا شەکەر با ئیسفەھانی بێ
خەمۆشی بەسیەتی سالم برینی باتینی کوشتمی
نیھانی تا بە کەی خوێنم حەنای پەنجەی فڵانی بێ
هۆنراوە: عەبدوڕەحمان بەگی ساحێبقران (سالم)

کۆپی کردن بێ ئاماژەدان بە سەرچاوە قەدەغەیە
More