site loader
Song image
هاتەوە خانزادە خان-بێ مۆسیقا

By - حەسەن زیرەک ‌Hesen Zîrek

هاتەوە شۆخی شیرین خانزادە خان یاخوا بەخێر بێ
هاتەوە شۆخی شیرین خانزادە گیان یاخوا بەخێر بێ
ئاسکی شاری مەهاباد چاوێکت لێم بێ
ئاسکی باغی مەهاباد ئەی دڵت بۆ من بێ

کۆرپەی شیرین و ئازیزت هەر لە داوان بێ
کۆچی سووری بووکێنیت دەک بەرەو باوان بێ
هاتەوە خانزادە خان شۆخی شیرین یاخوا بەخێر بێ
هاتەوە شۆخی شیرین خانزادە خان یاخوا بەخێر بێ
ئاسکی شاری مەهاباد چاوێکت لێم بێ
ئاسکی باغی مەهاباد چاوێکت لێم بێ

گیانە دڵۆپێک شەراب کائینات دێنێ
بەزمی مەیخانە دڵ ئەلەرزێنێ
ئەو دەسرە جوانەی لێوی پێ ئەسڕێ
قیمەتی ملوێنێ بەرماڵ ئەشکێنێ

هاتەوە شۆخی شیرین خانزادە خان یاخوا بەخێر بێ
ئاسکەکەی باغی شنۆ چاوێکت لێم بێ
ئاسکی باغی مەهاباد هەی دڵت بۆ من بێ

پرچی درێژ و چاوی کاڵ و لێوی ئاڵ
هەر لە خۆت جوانە
خودایە تۆ بمبوورە و ئاسکۆڵ میوانە
یا ڕەبی لێم ببوورە و خانزاد میوانە
هاتەوە شۆخی شیرین خانزادە خان یاخودا بەخێر بێ
ئاسکی باغی مەهاباد چاوێکت لێم بێ
ئاسکی باغی مەهاباد دەی دڵت بۆ من بێ

کۆپی کردن بێ ئاماژەدان بە سەرچاوە قەدەغەیە
More
Song image
هاتەوە خانزادە خان و لەو کەلە دەنگی ساز دێ

By - ناسر ڕەزازی Nasir Rezazî

هاتەوە خانزادە خان یاخوا بەخێر بێ
ئاسکەکەی باخی سابڵاغ یا ڕەبی بەخێر بێ
ئاسکەکەی باغی سابڵاغ چاوێکت لێم بێ

ڕەبی داهاتووە ئەی هاوار دەبا بوارێ
بچمەوە سابڵاغ ئەیڕۆ بۆ خزمەت یارێ
بچمەوە سابڵاخ هاوار بۆ خزمەت یارێ
هاتەوە خانزادە خان یاخوا بەخێر بێ
ئاسکەکەی باخی سابڵاغ چاوێکت لێم بێ
ئاسکەکەی باغی سابڵاغ یا ڕەبی بەخێر بێ

لەو کەلە دەنگی ساز دێ هەڵاڵە و زەمزەمە
دەنگی خانم ناز دێ لەو باغ و چەمە

ئەگەر بە بێ تۆ یار بڕۆم بە گوڵدا
گیان ئەگەر بە بێ تۆ یار بڕۆم بە گوڵدا
گوڵ بێ بە نەشتەر بچێ بە دڵدا
چیم لەسەر چینە زولفی چین چینە لاڵ بم ئاگرم کردەوە
شەو لەسەر سینە و مەمکی ڕۆژم کردەوە

کۆپی کردن بێ ئاماژەدان بە سەرچاوە قەدەغەیە
More