By - سمایل سەردەشتی Smaîl Serdeştî
هاتەوە دێتەوە تەیرەکەی گەرمێنێ
ئای لە دوور دێ شەقەی باڵی
ئەرێ وەی بۆ هەر لایێک پێی خۆش بێ دەڕوا
ئاخ هەزار خۆزگەم وەی بە حاڵی
هاتەوە دێتەوە تەیرەکەی گەرمێنێ
بەخێرێ
ئای بەو تەیرە دەڵێن ئای هەڵۆیە
ئەرێ من بە قوربانی شاباڵیان مرم چۆن هەڵ دەکەن لە گەرمای کۆیە
هاتەوە دێتەوە تەیرەکەی لای کۆیە
بەخێرێ
ئای دەڵێن بچینەوە بۆ عێرانێ
هاتەوە دێتەوە تەیرەکەی گەرمێنێ
بەخێرێ
ئای دەڵێن بچینەوە بۆ عێرانێ
ئەرێ وەی دەبا بچینە پێشوازیان کوڕینە
ئەرێ وەی دەبا بچینە پێشوازیان وێکڕا
ئەی ئەوەی خۆی بە کورد دەزانێ
ئاخ گەردوون گەڕان کوشتمی
نەزان پەرستی بۆ نان کوشتمی
هەر چەوسانەوەی بێ حەسانەوە
مردن های لە کوێ ژیان کوشتمی
قەت لە پێناوی نان و ئاوێ
سەر دامەنەوێنە بۆ هەر ناپیاوێ
هەر ئەم ژینە هەر دەمێ دێت و دەڕوا
مەردایەتیت مەفرۆشە لە پێناوی تاوێ
ژیان ئاوایە و وا دەڵێن مەردانی ڕۆژگاری
مار هەزار پێچیش بخوات لە ڕاست کونەکەی خۆی دەبێ ڕاست بچێتە خوا
نەتبیستووە دەڵێن
دنیا بۆ کەس تا سەر نامێنێ
لە سەوزاییدا چەقەڵێک ساز بێ دەبێ پشتی شێرێ بشکێنێ
هاتەوە دێتەوە تەیرەکەی گەرمێنێ
بەخێرێ
ئای دەڵێن بچینەوە بۆ کوێستان
هاتەوە دێنەوە تەیرەکەی گەرمێنێ
بەخێرێن
ئای دەڵێن بچینەوە بۆ کوێستان
ئەی وەی دەبا بچینە پێشوازیان کوڕینە
چون بە بێ وان چۆڵە کوردستان
Play 
Pause 
زیادکردن بە ڕیزبەندی 
داگرتن 
By - چریکەی کورد
حەیران دەڵێم ئای ئای ئای
بابە من دەڵێم حەیران ئەوڕۆکانێ لە خۆم لێقەوماوێ پاییزێ ئەوساڵ هەر بۆ من ئاخ و دەردە
وەرن دۆستان ڕەفیقان برادەران پیاوچاکان زەینێ خۆ بدەنێ بزانن ڕەنگێ من بۆ وا زەردە
ئەوە پاشی حەوت ساڵ دڵداری نازدار حەیرانێم دەڵێ بڕۆ دەستم لێ بەردە
خۆ من دەڵێم ناتوانم بڵێم نە هیچی تۆ نە هیچی من
باڵا دەڵێی لەولاوە کەپۆی ناسکە غەزێمی تێدا ڕوومەتی دەڵێی مەهتابە نا وەڵا دەڵێی مینای ئەی ئای ئای بێ گەردە
حەیران دەڵێم ئای ئای ئای ئای ئای ئای بابە من دەڵێم حەیران ئەوڕکانێوە نەخۆش و گەلێ بێزارم
دەڵێم نازدار حەیرانەکەی خۆم مەڕۆ برینانم ساڕێژ بکە بە کوڵمی گەشت بە لێوی دە ئاڵت
بە خودای ئەوساڵەکانێ گەلێ بریندارم
ئەوە هەموو ڕۆژی جومعانێ دەچمەوە سەر مەرقەدی شێخی بورهانی دەبا ویش گوێی لێ بێ لە گریە و هاوارم دەڵێم یا شێخەکەی بورهانی تۆ بی ئەو خودایە بۆم بپاڕێ لای خوداوەندی تەباڕەک و تەعالا
ئەوساڵی ڕابرد لە من لە کەس نەقەومێ هەزار و هەزار جار خۆزگە بە ساڵەکەی پارم
ئەوە لە برادەران و دۆستانم وەسیەت بێ ئەمن مردم خێرە بڵێن بە نازدار حەیرانەکەی خۆم ئەگەر جارێک بێتەوە سەر خۆی ئێی ئێی ئای سەرمەزارم
حەیران دەڵێم ئای ئای ئای
بابە من دەڵێم حەیران ئەمڕۆکانەوە لە دەست عاشقان ڕاوە ڕاوە ماچ دەکەن یەکتری نۆبە بە نۆبە
خۆ من دەستم داوەتە دوو دەستێ وێ نازدار حەیرانێ خۆم پێ لە گوناحی خۆم دادەنێم ئەگەر نەیدرکێنم ئاگری دەگرم وەک سۆبە
جا ئەوە لە خوداوەندی میر و مەزن دەپاڕێمەوە نازدار حەیرانێ بە نسیب کا تازە ناکەمەوە کاری ناڕەوا عەهد و پەیمان دەبەستم لەگەڵ ویژدانی خۆم ئێی ئای ئای تۆبەوە
حەیران دەڵێم ئای ئای ئای
بابە من دەڵێم حەیران ئەمڕۆکانێوە بەهارە گیا شین بوون لە مێرگ و باسکان سوێسن و هەڵاڵە و بەیبوون و گوڵە گەزیزە سەریان وەدەر ناوە کێژۆڵانیش دێن لە بۆ چیایێ وەدەرکەتن لە گوندی ڕێچکەیان دا بە زەرد و سوور و شین و تەسکان
ئەوە نازدار حەیرانێم دیارە لە نێوان کیژۆڵان سوور دەچی دەڵێی گوڵە مەمۆیە بەسەر شانی دا بەر بوونەتەوە شابسکان
ئەمن دەڵێم براینە برادەرینە لە داخی زێد و نیشتمانم بەهارێ ئەوساڵێ لە بۆ من زستانە کوێر بم لە چاوانی بڕژێنم ئۆی ئەی ئای فرمێسکان
حەیران
بابە من دەڵێم حەیران ئەوڕۆکانێ من دەربەدەرم من لە خۆم دەربەدەرم
خۆ من کار و پیشەم هەموو مەغریبانە دەست بە ئەژنۆ دادەنیشم هەتا وەکوو مانگ لە ئاسۆ دێتە دەرێ
دەڵێم ئەی مانگ تۆ بی و ئەو خودا سەد جاران خەرمانەت داوە کە گورگ و مەڕ یەکڕا ئاوێ دەخوا لە حەیفان ئەمما شەیاتینێ ناگەڕێ
خۆ من دەڵێم براینە برادەرینە ئەوە دوگمان لێک دەکا بۆ بەیانان و ئێوران جارێک مزڵ و قۆناغی ئێی ئێی وەرگەڕێ
هاتەوە دێتەوە تەیرەکەی گەرمێنێ ئای دەکەوت لە سەرووی زەنوێران
بای شەماڵ تۆش بە خێر بێی هێنات ئازیز ئای بۆنی بەڕەزا و کەنێران
نازدار بێنە ڕاتمووسم وەی وەی ئای هەر ئەوشۆم ماوە لێرە
نازدار بێنە ماچت کەم بمرم ئای هەر ئەوشۆم ماوە لێرە
هاتەوە دێتەوە تەیرەکەی گەرمێنێ ئای لە دوور دی شەقەی باڵی
بۆ هەر لایێ بە کەیفی بێ دەڕوا ئای هەزار خۆزگەم بە حاڵی
نازدار بێنە ماچت کەم بمرم ئای چونکە گەورە کچی ماڵی
هاتەوە دێتەوە تەیرەکەی گەرمێنێ ئای دەکەوت لە سەرووی زەنوێران
بای شەماڵ تۆش بە خێر بێی هێنات ئازیز ئای بۆنی بەڕەزا و کەنێران
نازدار بێنە ماچت کەم بمرم ئای هەر ئەوشۆم ماوە لێرە
By - چریکەی کورد
هاتەوە تەیرەکەی لە گەرمێنێ من لەبەر تای زوڵفت دەمرم
هێستا دوورە و دەخوێنێ شارێکی وەک سابڵاغ دێنێ
من لە یاری خۆم زیزم ئای لە خەڵکی وایە گێژم
هیچ برینان لە خۆم شک نابەم من بە بێ برین زووخاو دەڕێژم
هاتەوە تەیرەکەی لە گەرمێنێ بەو تەیرەم دەڵێن چۆلەکە
ئەو دڵەم وەک خانەی غەریبانە ئای هێلانەی خۆی لێدەکا
سی ڕۆژەی مانگی ڕەمەزانێ فەڕزە لەسەر ئومەتێ
تۆ لە دنیای ڕووی بۆم نەبووی چت لێ بکەم لە قیامەتێ
سینگت قاغەزی مەرجانان ئای مەلا لێی دەدا خەتێ
هاتەوە تەیرەکەی لە گەرمێنێ بەو تەیرەم دەڵێن شمقاڕی
تیژباڵی خۆی لێکدەداوە نیشت لە قۆپیی باڵباڵی
هەر وەکوو دارە بەن بێ ئاوم وەک گوڵی ژاڵە ژاکاوم
بۆ ڕوحمێک ناکەی بە حاڵم من وەکوو قەقنەس سووتاوم
وەرگیرانی دەنگ: کەناڵی تێلێگرامی
@Sene_music
By - مستەفا دادار Mistefa Dadar
وای وای وای وای
هاتەوە تەیرێ گەرمێنێ ئەی بە قورینگێی خاسە کەوە
ئەی قورینگ شەهێن و شمقاڕ گوڵێ ئەی تەڕلان لە لێکیان تێکڕاوە
ئەمساڵ زستانی سەختە ئەی وەرە جووت بین پێکەوە
وای وای وای وای
هاتەوە تەکڕەوی دە تەیران ئەی هێستا زستانی ماوە
هات گەییشتە چۆمی کەڵوێ ئای گەردەن کێل گوڵاوە
ئەی دەمرم هۆ دەبەر چاوانت ئەی سوار و پیادەی ڕۆناوە
ئاخ دەمرم هۆ لەبەر چاوانت ئەی سوار و پیادەی ڕۆناوە
وای وای وای وای
هاتەوە تەیرێ گەرمێنێ ئەی بە قورینگێی خاسە کەوە
ئەی قورینگ شەهێن و شمقاڕ گوڵێ ئەی تەڕلان لێکیان تێکڕاوە
ئەمساڵ زستانی سەختە ئەی وەرە جووت بین پێکەوە
