site loader
Song image
خەنەبەندانیەتی

By - ڕەسوڵ نادری Resul Nadirî

قوربانت بم وام لێ مەکە خەنەبەندانیەتی
جا بریندارم دەرمانم کە خەنەبەندانیەتی
بە قسەی خەڵکم لەگەڵ مەکە خەنەبەندانیەتی
خەنەبەندان هەوری لە ملان خەنەبەندانیەتی
جا تەماشای قەد و باڵای کە دایکی بە قوربانیەتی

یا خودای بڕفێنی گولە خەنەبەندانیەتی
بە شەو تۆقە بە ڕۆژ جلە خەنەبەندانیەتی
دە بن جێیدا دە قسەی زلە خەنەبەندانیەتی
چەن غەریبە ماڵ کاولە خەنەبەندانیەتی

جا خودا کاران هەر وا دەکا خەنەبەندانیەتی
خونچەی لە خاک پەیدا دەکا خەنەبەندانیەتی
کۆتری دە ملی سەی ڕادەکا خەنەبەندانیەتی
خەڵکی پێ موبتەلا دەکا خەنەبەندانیەتی

خەنەبەندان هەوری لە ملان خەنەبەندانیەتی
جا تەماشای قەد و باڵای کە دایکی بە قوربانیەتی
جا تەماشای قەد و باڵای کە ئارەزووی سەیرانیەتی

جا خەبەر ڕۆییوە بۆ خزمانم خەنەبەندانیەتی
ئاورێک بەربۆت لە خەرمانم خەنەبەندانیەتی
شێواوە دەری بابانم خەنەبەندانیەتی
یەکیان نەما بۆ دەرمانم خەنەبەندانیەتی

خەنەبەندان هەوری لە ملان خەنەبەندانیەتی
جا تەماشای قەد و باڵای کە ئارەزووی سەیرانیەتی
جا تەماشای قەد و باڵای کە دایکی بە قوربانیەتی

ئەرێ دەمرم دەبەر کلۆجە کۆنی خەنەبەندانیەتی
وەک مێخەکبەند دەڕوا بۆنی خەنەبەندانیەتی
ئەوڕۆ لەگەڵ دوێنێ چۆنی خەنەبەندانیەتی
جەرگم بدڕە بە چاک چۆنی خەنەبەندانیەتی

کۆپی کردن بێ ئاماژەدان بە سەرچاوە قەدەغەیە
More
Song image
خەنەبەندانیەتی

By - حەسەن زیرەک ‌Hesen Zîrek

ئەرێ هاڕەی دەهات وێنەی هەورە وەی خەنەبەندانیەتی
ئەی خەنەبەندان خەنەبەندان خەنە لە پێیەتی

ئەرێ ئەو چاوانەی هەڵیان دێنێ ئەی خەنەبەندانیەتی
ئەرێ بە کلە و دەرمان دەیڕەنگێنی شەدە لە ملانیەتی
بە کلە و دەرمان دەیڕەنگێنی و دەسرە لە ملیانیەتی

ڕۆژ نییە مردووم لێ نەمرێنی
ئەی خەنە لە پێ خەنە لە دەس خەنە لە سەریەتی
عالەم بزانێ بە بیللاهی زیرەک بە نۆکەریەتی

ڕۆژی مەحەلەی کانێسکان خەنەبەندان خەنەبەندانیەتی
ڕۆژی مەحەلەی کانێسکان هاڕەی دەهات دەی هاسکان
خەنەبەندان خەنە لە پێ خەنە لە سەریەتی

لاڵ بم خۆی لە دەست ڕاپسکان
خەنەبەندان خەنە لە سەر خەنە لە پێیەتی
ئەو دڵەم عاشقی باڵای بیللا خەنە لە پێیەتی

خەنەبەندانیەتی
ئەی خەنەبەندان خەنەبەندان خەنەبەندانیەتی
ئەو کچە بیللا زۆر جوانە دایکی بە قوربانیەتی
ئەو دڵەم عاشقی باڵای بووە و پەلکە لە نێو شانیەتی
سەر هەڵێنە چاوی چاوم
ئەو تیرەی دوێنێ لێت داوم
ڕەش بووە جەرگ و هەناوم
بە ویژدانم بۆت نەماوم
خەنەبەندان خەنەبەندانیەتی
ئەو دڵەم عاشقی باڵایە و پەلکە لە نێو شانیەتی
ئەو دڵەم عاشقی باڵات بووە و دایکی بە قوربانیەتی

کۆپی کردن بێ ئاماژەدان بە سەرچاوە قەدەغەیە
More
Song image
خەنەبەندانیەتی ٢

By - ناسر ڕەزازی Nasir Rezazî

ئۆف خەنەبەندان خەنەبەندان خەنەبەندانیەتی

ئای لیمۆ هەرزان لیمۆ هەرزان خاڵە پەخشانیەتی

قەسەم بەوەی یاری جوانە ئۆف خەنەبەندانیەتی

لە نێو جەحێڵان سوڵتانە هەوری لە ملانیەتی

کە دەمرێ خاوەن ئیمانە ئۆف خەنەبەندانیەتی

ئای خەنەبەندان خەنەبەندان خەنەبەندانیەتی

ئای لیمۆ هەرزان لیمۆ هەرزان خاڵە پەخشانیەتی

هەموو ڕۆژێ لای ئێوارێ ئۆف خەنەبەندانیەتی

کە دەڕوانمە تاقە دارێ هەوری لە ملانیەتی

نابینم خاڵی نازدارێ ئۆف خەنەبەندانیەتی

نابینم خاڵی نازدارێ هەوری لە ملانیەتی

ئای خەنەبەندان خەنەبەندان خەنەبەندانیەتی

گیان لیمۆ هەرزان لیمۆ هەرزان خاڵە پەخشانیەتی

قوربانت بم شەماڵ وەرە ئۆف خەنەبەندانیەتی

ئەو کاغەزەم لەبۆ بەرە هەوری لە ملانیەتی

بیدە بە دەست ئەو دولبەرە ئۆف خەنەبەندانیەتی

ئای خەنەبەندان خەنەبەندان خەنەبەندانیەتی

ئای لیمۆ هەرزان لیمۆ هەرزان خاڵە پەخشانیەتی

قوربانت بم بە خۆمەوە ئۆف خەنەبەندانیەتی

بە چل و چوار ماڵەی دەورمەوە هەوری لە ملانیەتی

تا ماچ نەکەم ناڕۆمەوە ئۆف خەنەبەندانیەتی

ئای خەنەبەندان خەنەبەندان خەنەبەندانیەتی

ئای لیمۆ هەرزان لیمۆ هەرزان خاڵە پەخشانیەتی

کۆپی کردن بێ ئاماژەدان بە سەرچاوە قەدەغەیە
More
Song image
خەنەبەندانیەتی

By - ناسر ڕەزازی Nasir Rezazî

چاو دەگێڕم دیار نییە خەنەبەندانیەتی
پیاو دەنێرم لە ماڵ نییە خەنەبەندانیەتی
چاو ئەستێرەی فرەنگییە دایکی بە قوربانیەتی

شەماڵ وەرە یار نوستووە خەنەبەندانیەتی
زولفی پەرێشان کردووە هەوری لە ملانیەتی
بەو چاوانە منی کوشتووە دایکی بە قوربانیەتی

مەمکت دوو میم و کافێکە خەنەبەندانیەتی
لە باڵای سینەسافێکە هەوری لە ملانیەتی
هەر ماچێکت تەوافێکە خەنەبەندانیەتی

کۆپی کردن بێ ئاماژەدان بە سەرچاوە قەدەغەیە
More