site loader
Song image
حەبیبا دڵ گەلێ بیمارە بێ تۆ

By - تاهیر تۆفیق Tahîr Tofîq

حەبیبا دڵ گەلێ بیمارە بێ تۆ
لەبەر دووریت لە ڕۆح بێزارە بێ تۆ
فەرامۆشی نییە بەو خەڵقە ئێستێ
لە لای نەخشێکی دیوارە بێ تۆ

هەموو دەم وا لە گۆشەی بێکەسیدا
بە شین و زاریی و هاوارە بێ تۆ
ئەگەر فەرمووی چلۆن ماوی ئەمێستێ
لە ئەم سەگمەرگییە، بێعارە بێ تۆ

شەوی هیجران لە بەختی دڵ درێژە
کە ڕۆژی تالیعیشی تارە بێ تۆ
کە شادی دوژمن و غەم دۆستە قوربان
جەفا یار و سەفا ئەغیارە بێ تۆ

کۆپی کردن بێ ئاماژەدان بە سەرچاوە قەدەغەیە
More
Song image
حەبیبا دڵ گەلێ بیمارە بێ تۆ

By - عەدنان کەریم Ednan Kerîm

حەبیبا دڵ گەلێ بیمارە بێ تۆ
لەبەر دووریت لە ڕۆح بێزارە بێ تۆ
فەرامۆشی نییە بەو خەڵقە ئێستێ
لە لای نەخشێکی ڕووی دیوارە بێ تۆ

هەموو دەم وا لە گۆشەی بێکەسیدا
بە شین و زاریی و هاوارە بێ تۆ
شەوی هیجران لە بەختی دڵ درێژە
کە ڕۆژی تالیعیشی تارە بێ تۆ

کە شادی دوژمن و غەم دۆستە قوربان
جەفا یار و وەفا ئەغیارە بێ تۆ
خەمی خۆی بەس بوو سافی وا ئەمێستێ
دڵی غەمباریشی سەربارە بێ تۆ

کۆپی کردن بێ ئاماژەدان بە سەرچاوە قەدەغەیە
More