بە هەوران پاییزە ئایشیلێ مامان
بە هەوران پاییزە ئایشیلێ و مامان
دەخوێنن ئازیزە دەستی منت دامان
یارکۆڵێم لێ زیزە وێم بدە شەمامان
یارکۆڵێم لێ زیزە وێم بدە شەمامان

بە هەوران بەهارە ئایشیلێ مامان

دەخوێنن کەوباڕە وێم بدە شەمامان

یارکۆڵێم لێ دیارە دەستی منت دامان

بە هەوران پاییزە ئایشیلێ بۆخۆم

دەخوێنن ئازیزە پێم نییە بڕۆم

یارکۆڵێم لێ زیزە هەر خۆم ڕەنجەڕۆم

هەوری دێنێ دوێنێ ئایشیلێ و ئامان

بارانەی دەڕژێنێ وێم بدە شەمامان

لەسەر چیم نامدوێنێ دەستی منت دامان

بە هەوران بەهارە ئایشیلێم جوانێ

دەخوێنن کەوباڕە وێم دە نیشانێ

یارکۆڵێم لێ دیارە بە بەر هەیوانێ

بە هەوران پاییزە ئایشیلێ و بۆخۆم

دەخوێنن ئازیزە هەر خۆم ڕەنجەڕۆم

یارکۆڵێم لێ زیزە ڕیم نییە بڕۆم

ماڵی لە مەڕداران ڕۆیی بۆ هەواران

لێمان دەبڕن یاران وەی وەی لەبەر نازی تۆ

لێمان دەبڕن یاران لەبەر چاوی بازی تۆ

کەوباڕێ دەخوێنێ غەوس لێم نەیسێنێ

زۆر چاتری لە دوێنێ وەی وەی لەبەر نازی تۆ

ئاخر لەبەر نازی تۆ

بریا هەر نەمدیبایە نەمدی نەمناسیبایە

ناسک یاری من بایە وەی وەی لەبەر نازی تۆ

ناسک دۆستی خۆم بایە لەبەر چاوی بازی تۆ

هەوری تاریک دێنێ بارانە دەڕژێنێ

غونچە دەپشکوێنێ هەی وەی لەبەر نازی تۆ

غونچەی دەپشکوێنێ لەبەر چاوی بازی تۆ

بە هەوران بەهارە ئایشیلێ مامان
دەخوێنن کەوباڕە وێم دە شەمامان

بە هەوران پاییزە ئایشیلێم ئامان
دەخوێنن ئازیزە دەستی منت دامان

هەوران دێنێ دوێنێ بارانەی دەڕژێنێ
لێم زیزە نامدوێنێ هەی هەی لەبەر نازی تۆ
لێم زیزە نامدوێنێ لەبەر عیشوە و نازی تۆ

بە هەوران هاوینە یارم خوێن شیرینە
بۆ لە من بە قینە هەی هەی لەبەر نازی تۆ
جوان و خۆێن شیرینە لەبەر چاوی جوانی تۆ

چاوی دە چاونەرمان پڕن لە کل و دەرمان
هەڵ نایەن لە شەرمان هەی هەی لەبەر نازی تۆ
هەڵ نایەن لە شەرمان لەبەر عیشوە و نازی تۆ