خوەزەو بزانی چەنێ دڵگیرم
قەفەسێ عشقد لە تی ئەسیرم
چەنە ئیلام خەم لە دڵ دیرم
خوەزەو بزانی چەنێ دڵگیرم
چەنە بیستۊن خەم لە دڵ دیرم
خوەزەو بزانی گیان چەنێ دڵگیرم

شەوان تا وە ڕووژ تۆ هایدە هۊرم
تۆ شادێ شادی منیش هەر گیرم
چەوەڕی مەرگ و لە زنەی سیرم
خوەزەو بزانی یاران چەنێ دڵگیرم

لە دارێ دنیا م هەر تۆ دیرم
جارێ جوانم تۆ کردی پیرم
منم کەنیزت ئاخ تۆنی ئەمیرم
خوەزەو بزانی چەنێ دڵگیرم

فرە نزیکی وەلێ لید دۊرم
تۆ کیەنی ئاوی منیش کەویرم
توام تامت کەم ئاخ وەلێ نیەویرم
خوەزەو بزانی چەنێ دڵگیرم